Нинжагийн урлаг гэдэг үнэхээр агуу бөгөөд энэ урлагийн талаар нууц төдийлөн тайлагдаагүй байаа билээ. Нинжанууд өөрсдийн цохилтыг маш оновчтой цохиж, өрсөлдөгчийнхөө амийг мэргэжлийн түвшинд хороодог байсан. Тэгвэл нинжагийн соёлын хамгийн сүүлийн хүн нь Японы инженер Жинши Каваками юм байна.
Бичлэгийн тоо 3,329
Японы хамгийн сүүлийн нинжа
1
Эрт дээр үеийн самурайчууд, нинжа нар түүх болон үлджээ. Тэгвэл энэ бүхний талаар 63 настай Жинши Каваками л олон түмэнд хүргэж чадах юм байна. Тэрээр маш их зүйл судалж байсан бөгөөд Үүнд - хажуу өрөөнд зүү төдий зүйл унаж байгаа эсэх, манан дунд нуугдах, 20 алхмын зайнаас өрсөлдөгчийнхөө хоолойг хэрчих гэх мэт арга барилуудаас суралцаж байсан байна.
2
“Би өөрийгөө хамгийн сүүлийн нинжа гэж бодож байгаа шалтгаан нь одоо үед над шиг нинжагийн бүхий л урлагийг эзэмшсэн хүн үгүй болов уу. Жинхэнэ нинжа энэ дэлхий дээр үгүй болсон”- хэмээн хэлжээ.
3
Гэхдээ Жинши үзэхдээ энэ соёл түүнтэй хамт үхэх ёстой гэнэ.
Инженер мэргэжилтэй энэ эр нинжагийн урлаг, чадварыг 6 настайгаасаа эхлэн судалж эхэлсэн бөгөөд хожим нь мастер Masazo Исидагийн удирдлаган дор эзэмших болжээ. Анхаарлаа төвлөрүүлэхийн тулд тэрээр лааны дөлийг хэдэн цагаар ч хамаагүй харж суудаг байсан байна. Харин сонсголоо хөгжүүлэхийн тулд тэрээр хажуу өрөөний модон шалан дээр хэрхэн зүү унаж байгааг хүртэл сонсох хэрэгтэй болжээ.
4
Тэрээр ханан дээгүүр гүйж, өндрөөс харайж, утаа, дэлбэрэлт үүсгэхийн тулд химийн бодисуудыг хольж сурсан байна. Мөн үүнээс гадна тэрээр халуун, хүйтэнд маш тэсвэртэй болох чадварыг сурсан бөгөөд хоол, усгүйгээр хэд хоногийн турш хөдлөх, амьдрах арга барилд ч суралцсан аж. Харин 19 насандаа тэрээр багшийнхаа цол болон түүний номын санг нь өвлөж авсан байна. Түүний хэлж байгаагаар хаана ч байсан нуугдаж чаддаг нь нинжагийн гол зэвсэг гэнэ. Хэрвээ та шүдний чигчлүүр шидэх юм бол тухайн хүн шүдний чигчлүүрт анхаарлаа хандуулж байх хооронд, танд довтлох боломжийг олгоно. Энэ мэтчилэн залийг хэрэглэснээр өрсөлдөгчөө ялан дийлэх боломжтой.
5
Одоо Каваками нь Нинжагийн музейн захирал бөгөөд нинжагийн түүхийг судалж байгаа юм байна. Тэрээр шавьтай болж сургахыг хүсээгүй учир ийнхүү Японы хамгийн сүүлийн нинжа болох гэж байгаа бололтой. Нинжагаас олон зууны туршид хүмүүс айж ирсэн бөгөөд ялангуяа тэдний заль мэх ихээхэн чухал үүрэгтэй байжээ. Үүнээс гадна тэд огт ядрахгүйгээр явган явж, хоёр метрийн өндөртэй хашлагыг төвөггүйхэн давж чаддагаараа нэлээд алдартай юм. Холливудын кинонд харахад нинжа нар өршөөл энэрэлгүй алуурчид мэт харагддаг ч үнэн хэрэгтээ тагнуулын урлагтай илүү төстэй болно. Харин хэрвээ зэвсэг хэрэглэх шаардлага гарвал тэд хурц таван хошуу гэх мэт төмөр иртэй зүйлийг ашигладаг байжээ.
