Дэлхийн шилдэг хөлбөмбөгчинд олгодог "Ballon d’Or 2015" шагнал гардуулах ёслол өчигдөр Швейцарын Цюрих хотноо болж өнгөрлөө. Аргентины шигшээ баг болон "Барселона" клубын супер од Лео Месси дэлхийн шилдэг хөлбөмбөгчинөөр 5 дахь удаагаа шалгарлаа.
Цюрихт болсон ёслолын үйл ажиллагааны үеэр Месси 41.33%-ийн санал авч тэргүүлсэн бол Роналду 27.76%, Нэймар 7.86%-ийн санал авсан байна.
Мөн 2015 оны Дэлхийн Шилдэг дасгалжуулагчаар Л.Энрике боллоо. Тэрбээр "Барселона" клубын хамтаар Ла Лига, Аваргуудын Лиг, Эзэн Хааны Цом, Европын Супер цом, Клубуудын Дэлхийн аварга нийт 5 цомд түрүүлсэн.
