Мексикийн нийслэл Мехико хотноо байгалийн ховор үзэгдэл боллоо
Уншсан 2752 vote 0 2015.05.23 11:04:16Мексикийн нийслэл Мехико хотноо байгалийн ховор үзэгдэл боллоо
Өчигдөр Мексикийн нийслэл Мехико хотноо Гало хэмээх байгалийн гайхамшигтай ховор үзэгдэл болсон байна. Хотын алдарт "Тусгаар тогтнолын сахиусан тэнгэр"-ийн хөшөөний цанх дээр нарны гало үзэгдэл болж, хотын олон мянган иргэд энэхүү ховор үзэгдлийн гэрч боллоо.Гало гэдэг нь тэнгэрт нарыг хоёр болон хэд хэд болгож харагдуулдаг физикийн оптик үзэгдэл юм.
Зарим тохиолдолд нарыг тойрсон томоохон хэмжээний гэрлэн цагираг үүсч харагддаг байна. Энэхүү физикийн үзэгдэл нь нарны туяа агаар мандлаар нэвтрэн гарах vед агаар мандалд байдаг жижиг мєсєн хэсгүүдэд нарны туяа ойж ийм сонирхолтой үзэгдлийг бий болгодог байна.Энэ үеэр Мексикийн Үндэсний Цаг Уурын Албанаас нарны гало үзэгдлийн талаар хотын иргэдэд тайлбарласан байна.
Орон нутгийн мэдээллийн хэрэгслийн дамжуулсан мэдээгээр байгалийн энэхүү ховор үзэгдэл Мехикогоос гадна мөн өөр хоёр хотод үзэгдсэн гэжээ. Мехико хотын маш олон иргэд ховор үзэгдлийн дүрсийг гар утас болон бусад хэрэгслүүд дээр буулгаж аваа харагдсан байна.