Бичлэгийн тоо 3,329
Попын хаан агсан Майкл Жексоны хүү 17 настай Принцийг саяхан Беверли-Хиллзийн тулааны урлагийн клубээс гарч байхад нь папарацциуд түүний зургийг авчээ. Гэтэл уг зураг дээр хүүгийн гар дээр цагаан том толбо үүссэн байгаа нь ажиглагдсан байна. Майкл Жексон ч амьд ахуйдаа витилиго хэмээх иймэрхүү өвчнөөр шаналж явсан билээ.
Принц Жексон эцгээсээ царайлаг төрх, зөөлөн занг нь өвлөж авсан. Үүнийхээ хажуугаар саар зүйлийг нь ч удамшсан бололтой. Түүний авга эгч ЛаТойя саяхан өгсөн нэгэн ярилцлагандаа Принцийг витилиго өвчинтэй тухай баталсан юм.
Түүнчлэн Холливудын арьсны өвчин судлаач Жером Литт “Витилиго үнэхээр удамшдаг өвчин. Эхэн үедээ арьсны аль ч хэсгийг хамарч болно. Харин цаашид бүхий л биеэр тархдаг” гэж мэдэгджээ.
Гэрэл зургаас харахад Принц одоогоор зөвхөн баруун суга хавиараа цагаан толботой болжээ. Харин өвчин цаашид даамжирч, хүү эцгийгээ дууриавал арьсыг нь цайруулдаг эм хэрэглэхээс өөр аргагүй болно.
Харин Принцийн ойр дотны найзуудын ярьснаар попын хааны хүү энэ өвчиндөө огтхон ч шаналдаггүй гэнэ. Түүний найз охин Никита Бесс ч үүнийг нь тоодоггүй бололтой.