Булган аймгийн Хангал сумын Хялганат тосгоны иргэн Т хэмээх 40 настай эрэгтэй боомоор өвчилжээ. Түүний гар, хөл энэ сарын эхээр хавдсан ч 15 хоногийн дараа буюу энэ сарын 17-ноос Орхон аймгийн бүсийн оношлогоо, эмчилгээний төвд эмчлүүлжээ.
Гэсэн ч засал аваагүй тул энэ сарын 20- нд ХӨСҮТ-д хэвтүүлэн шинжилгээ хийхэд хүн, малын халдварт боом өвчний халдвар авсныг тогтоосон байна. Тус аймгийн Онцгой байдлын хэлтсээс Хангал суманд хээрийн штаб байгуулан, дээрх өвчтөний I, II хавьтлын 20 гаруй хүнд эрүүл мэндийн үзлэг хийхэд сэжигтэй зүйл илрээгүй аж.
Өвчтөний амьдарч байсан газрын хөрс, усыг шинжилж, тэнд тандалт судалгаа хийж байна. Уг өвчтөний биеийн бай дал хэвийн. Үүнээс гадна боом гэсэн оноштойгоор ХӨСҮТ-д эмчлүүлж буй Сэлэнгэ аймгийн Шаамар сумын иргэний биеийн байдал хэвийн, нийслэлийн Баянзүрх дүүргийн иргэний бие сайжирч байна гэж Онцгой байдлын ерөнхий газраас мэдээллээ.
