Moderator: mgl_300
Бичлэгийн тоо 42,366
Хатаасан жимснүүдэд төрөл бүрийн байгалийн саахар ихээр агуулагддаг. Эдгээрээс хамгийн амттай нь хатаасан усан үзэм буюу бидний нэрлэж заншсанаар үзэм юм. Үзэмний ашигтай чанарыг хүмүүс балар эртнээс мэддэг байжээ. Энэ жимсийг мэдрэлийн системийг бэхжүүлж, тайвшруулах үйлчилгээ үзүүлдэг хэмээн үнэлсээр ирсэн юм. Энэ жимс зүрх, уушгинд сайн. Мөн эмч нар үзмийг цус багадалт, бие сулрах, ходоод гэдэсний зам, зүрх, бөөрний өвчний үед хэрэглэхийг зөвлөдөг. Үзэм нь ашигтай эрдэс давс, органик хүчил, витаминаар баялаг. Түүнчлэн үзэм нь усан үзмийг бодвол глюкоз, фруктоз саахрын хэмжээгээрээ найм дахин илүү юм. Протеин, тиамин, ниацин, бусад эрдэс бодис ч энэ жимсэнд их бий. Үзмэнд яс сийрэгжих өвчнөөс сэргийлэх бор хэмээх юугаар ч орлуулашгүй бодис агуулагддаг гэнэ. Бор өнгийн үзэм цайвар өнгийнхөөсөө илүү ашигтай. Мөн түүнчлэн энэ жимс шүд хорхойтох, буйлны өвчинд сайн. Энэ жимсэнд агуулагдах антиоксидант шүдний өвчинг үүсгэгч нянгийн үржлийг зогсоодог. Харамсалтай нь зах зээл дээр худалдаалж буй үзэм ариун цэврийн шаардлагыг бүрэн хангаж чаддаггүй байна. Тиймээс та муу үзэм худалдан авсан гэж үзэж байгаа бол үзмээ угаасны дараа халдваргүйжүүлэх үүднээс тараг, исгэлэн сүүнд хиигээрэй. Үзэм худалдан авахдаа нэг ширхэг үзмийг хурууныхаа хооронд үрээд үз. Хэрвээ үзэм шавьжны авгалдайгаар бохирдсон бол үрэх үед сайтар ажиглагдана