- “Vлэмжийн чанар” клипэнд нэлээд зоригтой алхмууд хийсэн санагддаг.
- Энэ аялгууг их эрдэмтэй хvний зөвлөснөөр тоглосон. Тийм ч учраас vнэхээр сайн бvтээл болсон. Клипэнд хэрэглэсэн бvх зvйл Ноён хутагтын яг өөрийнх нь хэрэглэж байсан эдлэлvvд. Энэ клипээрээ урлагт юугаа ч зориулахад бэлэн гэдгээ харуулъя гэж бодсон.
- Чиний бодлоор хөгжим хvний амьдралд хэрхэн нөлөөлдөг вэ?
- Хvн гэдэг адгууснаас юугаараа ялгагдаж эрхэм дээд төрлийг олов гэхээр дотоод мэдрэмж, оюун санаа, ухамсрын тухай ярьдаг. Харин энэ бvхнийг урлаг хөгжvvлж, зөв төлөвшvvлэн тогтоож нийгэмд тодорхой байр суурь эзлэхэд нөлөөлдөг. Тэр утгаараа миний мэргэжил vнэхээр сайхан юм. Урлаг маань цаг vеэ дагаад битгий бараантаасай, хvнийг хөгжмөөрөө дамжуулаад их сайхан болгож өөрчлөх юмсан, сайхан мэдрэмжийг төрvvлэх юмсан гэж би дандаа мөрөөддөг. Тийм ч болохоор өөрийнхөө ажлыг маш сайн хийхийг хичээдэг. Хvмvvс амьдрал, нийгэм ямар байхаас vл шалтгаалан урлагийг тэр тусмаа хөгжмийн концертыг их vзээсэй, хөгжмийг маш сайн сонсож байгаасай гэж боддог. Тэгвэл хоромхон зуур ч гэсэн бараан амьдрал, цаг vеийн vймээнийг мартаж өөдрөгөөр сэтгэж харах болно.
- Дээгийгийн дотоод ертөнц рvv өнгийвөл…?
- Миний дотоод ертөнц рvv харъя гэвэл намайг гаднаас нь харах хэрэгтэй. Яагаад гэхээр би дотоод, гадаад бvх л зvйлээ нэг зэрэг авч явахыг хvсдэг. Өөрөөрөө л байх дуртай гэсэн vг.
- Тоглох бvтээлээ хэрхэн сонгодог вэ?
- Миний нэг эрхэм зорилго бий. Хөгжмөө хvнд хvргэхдээ тэдний сонсох дуртай таашаал авах зvйлийг нь тоглож л хөгжим хvн хоёрыг ойртуулахсан. Миний тоглодог аялгуунууд vнэхээр хvмvvсийн дуртай хөгжим байдаг. Би урлагаар хvнийг зодохыг хvсдэггvй, таашаал өгөхийг боддог.
- Харин чи юунаас хамгийн их таашаал авдаг вэ?
-Удаан зорьсон хэрэг бvтэхэд, хөгжмийг хvн ойлгож байгааг өөрөө мэдрэхдээ хамгийн их таашаалыг авдаг. Сvvлд нь чамайг хэн яаж тоглосныг санахгvй бол чи урлагийн хvн байгаад яах юм бэ гэдэг шvv дээ.
- Өөрийгөө хэдийд хамгийн гоёор мэдэрдэг вэ?
- Зvрх сэтгэлээсээ тоглосон аялгуу маань хvмvvст хvрч нижигнэсэн алга ташилт авах vед. Энэ бол юу юунаас гоё мэдрэмж төрvvлдэг зvйл.
- Хийлээ бариад л тоглодог аялгуу гэвэл?
- Миний тоглодог бvтээл бvр зvрх цусанд минь шингэсэн. Арга ч vгvй юм даа. Би энэ хөгжмийг барьснаас хойш 20 гаруй жил өнгөрлөө. Тэр бvхний дундаас “Хэнтийн өндөр ууланд” хэмээх сайхан аялгууг хэлэхгvй байхын аргагvй. Энэ аялгуу надад хийлч гэдэг сайхан нэр алдрыг хайрласан юм.
- Чамайг багш болсон гэж сонссон?
- Тийм ээ. Хөгжим бvжгийн сургуулийн хийлийн ангийн бяцхан дvv нартаа багшилдаг. Бас өөрөө курс хичээллvvлж байгаа.
- Хvvхдvvд чинь их хөөрхөн шvv дээ. Хvvхэдтэй болмоор санагдаж байна уу?
-Хvvхэд vнэхээр гоё мэдрэмж төрvvлдэг юм билээ. Яг хичээл заагаад нээж байхад л гэнэт л “Дээгий эгч ээ, таны CD манайд байгаа ш тээ” гэнэ. Эсвэл огт өөр тийшээ хараад суучихна. Дээгий багшаа, Дээгий эгчээ гээд л. Курсын хувьд тэд миний анхны шавь, би анхны багш нь болохоор их нандин санагдаад байгаа.
- Урлагийнхныг их унтамхай гэдэг юм билээ?
- Ер нь сайн хоол идсэнээс их унтсан нь дээр. Миний физиологи маш их унтахыг шаарддаг. Унтаад байх тусам гоё амардаг.
- Гоё сайхан явахад хамгийн гол зvйл нь юу вэ?
- Урлагийн хvн заавал сайхан байх ёстой. Хамгийн гол нь хvн эрvvл байх ёстой юм. Эмэгтэй хvний хувьд биеийн жин, харьцааг сайн хадгалах хэрэгтэй. Хамгийн их анхаарал зvйл бол бэлхvvс гэж боддог. Би Солонгосын “Чамзоне” буюу “Гоо хvрээ” косметикний нvvр царай. Маш их тэжээллэг, чийгшилт сайн өгдөг учраас охид бvсгvйчvvдээ хэрэглээрэй гэж зөвлөмөөр байна. Хувцаслалтын хувьд биед эвтэйхэн хувцас өмсөх дуртай. Тухайлбал монгол ноолуур, эсгий хувцас өмсдөг. Хvмvvс хятад, солонгосын хэнд ч хэрэггvй бvтээгдэхvvн хэрэглэж байхаар монголынхоо vнэхээр гоё стильтэй эдгээр хувцсыг өмсөөсэй гэж боддог.
- Гоёлын хувьд?
- “Сондор” гоёлын дэлгvvр надад маш их таалагддаг. Хөөрхөн хөөрхөн жижигхэн чулуунуудыг ашиглаад их гоё vзэмжтэй чимэглэлийг хийчихсэн. Би тэндээс гоёл авах их дуртай.
- Чамд байдаг ч хvмvvс анзаардаггvй эрхэм чанар бий юу?
- Би хэнийг ч гэсэн дандаа л сайн талаас нь харж боддог. Тэгвэл надад хэний ч зvгээс муу юм ирэхгvй, нөгөө утгаараа амар амгаланг авчирдаг. Магадгvй хvмvvс vvнийг маань мэдэрдэггvй байх.
- Эмэгтэй хvний эрхэм чанар нь юу вэ?
- Нандин энхрий, өөрийгөө маш их хайрладаг байх. Тэгвэл хvн чамайг маш их хайрлана.
-Тэгвэл эр хvн?
-Халамжтай байх хэрэгтэй. Би халамжтай эр хvнд дуртай.
-Халамжийг эмэгтэй хvмvvсийн л “ажил” гэх нь олонтаа байдаг шvv дээ?
-Хvн болгон адилгvй шvv дээ. Тиймээс өөрийн бодол санаа ертөнцийг vзэх vзлээр хариулж байна. Халамж эрэгтэй хvнээс их гараасай. Харин эмэгтэй хvн энхрий эрх байх ёстой гэж боддог.
- Чи тэгвэл эрх, бас зоргоороо байх нь ээ?
- Эрхлэх vедээ эрхэлнэ шvv. Ер нь эмэгтэй хvний дотоод мэдрэмж өндөр байдаг. Тэрийгээ мэдрээд дагах юм бол дандаа зөв шийдвэр гаргана. Би өөрийнхөө зөв гэж бодсон юмандаа зоргоороо, зоргоороо.
- Өөртөө гутрах vе тохиолдох уу?
- Хааяа. Ажил төрөл бvтэхгvй нэг тиймэрхvv vед би яах гэж юуны тулд ингэж яваа юм бэ гэж өөрөөсөө асуух vе зөндөө. Гэхдээ л барилга, эсвэл наймааны ажил хөөцөлдөөгvй урлаг шvv дээ гэж бодохоор сайхан байдаг.
- Дуртай амттан?
- Жимс. Алиманд бол ёстой нугасгvй.
- Байх дуртай орчин?
- Наранд ээвэр газарт vнэхээр дуртай. Бас өглөөний нарыг харж зогсоход хvн болж төрсөн хувь заяагаа биширдэг.
- Дуртай vнэр?
- Би Кензогийн усанд дуртай. Бас байгалийн vнэр, борооны дараа чийг ханхлахад цээж уужрах шиг болдог.
- Найз хvvхнvvд олон уу?
- Маш олон.
- Чи хvнийг хэр хурдан таних вэ?
- Ярилцаад хэсэгхэн суухад 50 хувь нь гараад ирдэг.
- Тэдэнд ямар шалгуур тавьдаг вэ?
- Сэтгэлээрээ гэж нэг сайхан vг байдаг даа.
- Сэтгэлээрээ яваад итгэл алдах vе гарч байв уу?
- Би бvр чин vнэн сэтгэлээрээ байдаг учраас ийм асуудал хамаагvй санагддаг. Би өөрөө л хvн шиг байвал болох нь тэр.
- Найз залуутай юу?
- Найз залуутай.
- Хэдийд гэрлэж ээж болох вэ?
- Эмэгтэй хvнд гэр бvлийн амьдрал уу, карьер уу гэсэн хоёр зам байдаг. Би карьерыг сонгосон учраас 30 гараад хvнтэй сууж хvvхэд гаргана. Бид харьцангуй баруунжиж ертөнцийг vзэх vзэл маань өөрчлөгдсөн учраас оройтоно гэж боддоггvй.
- Амжилт хvсье.
Венера сонин
Moderator: mgl_300
Бичлэгийн тоо 42,366