Би ганц бие, нас 30 гарч байгаа эмэгтэй. Би дээд сургууль төгсөөд гадаадад 6 жил амьдарч байгаад монголдоо ирсэн. Ирээд нэг томхон компанид менежерээр ажиллаад удаж байна. Надад ах дүү хамаатан садан гэж байхгүй өнчин өссөн. Би өөрийн гэр бүлтэй болж сайхан амьдрахыг хүсдэг. Гэхдээ  одоо үед хань болох хүнээ олоход их хэцүү болсон юм шиг ээ. Залуучуудтай танилцаад дотносож ч амжаагүй байхад л энэ залуучууд тусламж дэмжлэг гуйгаад байдаг болчихож. 2 ч хүн надаас ийм зүйл хүслээ. Гайхмаар. Намайг аврагчийн дүрд тоглуулах гээд байгаа хүмүүс ямар хүн бэ гэдэг нь тодорхой шүү дээ. Уг нь би өөрийгөө царай зүс, мэдлэг боловсрол хүмүүжлээр гайгүй гэж боддог. Надтай ийм хүмүүс таараад байгаа нь надаас болоод байна уу.

Эсвэл монгол залуус маань ийм арчаагүй илүү харсан, зугаа цэнгэл, эд мөнгөний сонирхолтой болчихоо юу? Тэр 2 залуугийн нэгтэй би дотно харицаатай болсон юм аа. Тэгээд 1 сар ч болоогүй байж намайг хурдан хүүхэдтэй бол гээд байнга үглэдэг болсон. Ажил тарахад үүдэн дээр өдөр бүр хүлээж зогсоод аваад явдаг байсан. Ажилтай байхад байнга утсаар залгаад ярина. Эхэндээ сайхан ч юм шиг санагдаж байсан боловч сүүлдээ ажил хийлгэхгүй хэцүү санагдсан. Тэр надад өөрийгөө ажил хийдэг гэж хэлж байсан боловч ажил огт хийдэггүй байсан. Тэр нь сүүлдээ мэдэгдсэн. Би түүнийг ажилд оруулж өгсөн. Гэвч нэг хоёр өдөр хийгээд л ажилдаа ирэхгүй алга болчихно.

Танил талдаа хэлж байж ажилд оруулж өгсөн болохоор надаас ажлынхан нь асууна. Намайг бодоод түүнийг ажлаас халахгүй 3 сар болсон байх. Тэгээд аргагүй халсан. Энэ хооронд миний нэр төр их хугарсан. Тэр баар саванд суугаад зугаацаад алга болноо. Тэгээд ажлаа хийхгүй таслана. Бас миний утас руу охид хүүхнүүд залгаж намайг доромжилдог болсон. Нэг нь бүүр арван жилийн жаахан охин байсан. Тэгээд над руу залгаад би тэр хүнд сайн намайг сал гэж хэлсэн. Би чи түүнийг надаас салгаад авчихвал сайн байна гэж хэлсэн. Бас нэг эмэгтэй намайг баахан дайрч доромжилсон. Хайртай хүнийг нь би булааж авсан юм байх.

Ингээд би тэр залуутай харилцаагаа таслахаар шийдсэн. Тэр бүсгүйчүүд миний утасны дугаарыг хаанаас яаж олж аваад над руу яриад байгааг асуусан. Мэдээж тэр л өгсөн байлгүй. Бас бид бие биендээ тохирох хүмүүс биш юм байна гэж хэлсэн. Би амар тайван амьдрахыг хүсч байсан. Гэтэл тэр зугаа цэнгээнд их дуртай. Ажилгүй орлогогүй байж байнга сав л хийвэл шоу цэнгээн төрсөн өдөр энэ тэр гээд яваад байх санаатай. Сүүлдээ архи ууж ирээд намайг хүүхэдтэй болохгүй муу санаатай гээд шөнөжин агсан тавиад унтуулж амраадаггүй байсан.

Ингээд 6 сар хамт амьдараад салсан. 8 сар шахам надаас салахгүй гэж зовоосон доо. Тэр надад чамайг надтай учруулсанд Бурханд баярладаг гэж хэлж байсан. Би энэ үгийг нь сонсоод эмэгтэй хүн болохоор их уярсан. Гэхдээ одоо бодохоор тэр тэжээж тэтгүүлэх эмэгтэй олсондоо баярлаж тэгэж хэлсэн байх гэж боддог. Би энэ тухай одоо дурсахыг ч хүсдэггүй. Би цаашдаа зөвхөн сайн сайхан зүйлийн тухай бодож сайхан амьдрахыг хүсч байна. Надад сэтгэгдлээ үлдээж урам хайрлаарай

I want to