Өнөөдөр өмнөд солонгосын Ёнгпёнгду арал руу чиглуулэн Хойд Солонгосын талаас галласан гал нь, Гэмори хэмээх арал дээрээс К-9 их буугаар галласан нь тодорхой боллоо. Гэмори арал нь хойд солонгосын цэргийн бааз бөгөөд Ёнгпёнгду арлаас 13 км зайд оршдог юм байна. Гэмори арал дээр хойд солонгосын тал чулуун ханануудыг нүхлэн, олон тооны их буунуудыг байрлуулан байнгын бэлэн байдалд байлгадаг ажээ. Өнөөдөр хойд Солонгосын тал, өмнөд солонгосын талын Ёнгпёнгдуд хийж байсан хээрийн цэргийн буудлагын сургуулилтаа зогсоох шаардлалыг хүлээж аваагүйн хариу хэмээн буудсан байх гэсэн урьдчилан үзэж байгаа ба хойд солонгосын тал 14цаг 34 минутаас эхпэн нийтдээ 30 минутын турш 200 гаруй удаа галласан байна.

Үүний 50-70 сум Ёнгпёнгду тосгонд тусч, одоогоор тосгоны 70 гаруй барилга шатаж, 10 гаруй газар уулын гал гарч, цахилгаан, гар утас холбогдох боломжгүй байгаа гэнэ. Тус арлын оршин суугчид ихэд айж балмагдаж байгаагаас болоод тус арлаас байдал намжтал холдохыг хүссэн 200 гаруй иргэнийг Инчон хотод авчраад байна. Мөн ойролцоо амьдардаг Пэгнёнгду арлын иргэдийг бэлэн байдалд оруулаад байгаа ажээ.

МБ ерөнхийлөгч засгийн газрын холбогдох гишүүдийн хамт шинэ мэдээлэл болгоныг авч байгаа бөгөөд хойд солонгосын тал санаатай буудсан эсэхийг бүрэн тодруулсаны дараа хариу арга хэмжээ авна гэдгээ мэдэгдсэн байна. Мөн ямар нэгэн шийдвэртэй хариу үйлдэл хийхийн өмнө хойд Солонгосын худалдааны чөлөөт бүс, Гэсонгкунгданд ажиллаж байгаа өмнөд солонгосын иргэдийн аюулгүй байдлыг тооцох хэрэгтэй гэсэн асуудлыг Хоёр солонгосыг нэгтгэх холбооноос сануулж байгаа ажээ. Мөн энэ өдөр солонгосын интернэт хэрэглэгчид үйл явдлын тухай мэдээллийг авахаар нэгэн зэрэг олуулаа интернэт мэдээллийн сайт руу хандсанаас болж олон мэдээллийн портал сайтууд ачааллаа даахгүй хэсэг хугацаанд гацжээ.