Moderator: mgl_300
Би тэр явдлыг бүдэг бадаг санадаг юм. Ямарч байсан тэр үед би цэцэрлэгт явдаг байсан, 6-7 настай л байсан байх. Манай ээжийн аав, ээж 2 хөдөө нэг цэргийн ангид ажилладаг тэгээд зуны амралтаар намайг дүүтэй маань хамт тийшээ явуулсан юм. Гэтэл нэг шөнө ээжийн дүү залуу миний дээр гараад гуя, боовны тэрүүгээр нэг юм хийгээд байсан санагдаж байна. Ямар ч байсан өвдөж байсын. Намайг чимээгүй бай гэж хэлээд ам гараараа таглаж байсан санагдаж байна. Би яагаад энэ талаар хүнд хэлээгүйгээ санахгүй байна бодвол хүнд битгий хэлээрэй гэсэн юм байлгүй. Би жоохон болохоорооо мундаг хүн болох гээд хэлээгүй юм байлгүй.
Бүүр сүүлд том болоод юмны учир ойлгодог болсон үедээ нэг л өдөр би өөрийгөө ээжийнхээ дүүд хүчиндүүлсэн гэдгээ ойлгосон юмдаа. Надад ийм юм тохиолдсон гэдгийг хэн ч мэддэггүй. Би хэнд ч хэлээгүй. Манайх 3 хүүхэдтэй, би ганц охин нь. Тийм болхоор аав надад амь байдаг. Хэрэв би энэ тухай гэрийнхэндээ хэлэх юм бол манай аав тэр хүнийг заавал ална. Намайг аваарт ороход аав маань тэр жолоочийг ална гээд л дайраад байсан гэсэн.
Одоо ч гэсэн тэр хүн манайхаар орж гардаг. Би нээх харьцдаггүй юм. Амьдрал нь ч олигтой биш. Одоо бараг өвөө болох гэж байж эхнэр, хүүхэдгүй. Бүүр архичин болсон байсын. Ээж маань дүү нь юм болхоор архины спираль тавиулаад, тэр хүн ч хичээсэн юм байлгүй одоо архинаас гарчихсан. Тэр хүн үйлийн үрээ эдэлж байгаа юм шиг л надад санагддаг.
Одоо би ээжийнхээ дүүд сайн ч санадаггүй, муу ч санадаггүй. Миний ингэж бодох болсонд нөлөөлсөн зүйл бол би бурхан Буддад итгэдэг. Миний ойлголтоор бурхан Буддагын үзэл (энэ үг зөв үү, буруу юу мэдэхгүй байна) нь өш хөнзөн, муу санаа агуулбал өөрт ч, бусдад ч сайн биш гэж үздэг. Тэгээд ч нэгэнт болоод өнгөрсөн зүйлийг нийтэд дэлгэлээ гээд хэнд ч ашиггүй болждээ 20 гаруй жилийн өмнө болсон явдал шүүдээ.
Гэхдээ би үүгээрээ юу ч болоогүй гэж хэлэх гэсэн юм биш. Энэ явдал надад ямар нэгэн байдлаар нөлөөлсөн л байгаа. Нээх илт харагдах зүйл байхгүй ч гэсэн миний цаад, далд сэтгэл ухаанд минь нөлөөлсөн л байж таараа. Би хэнд ч 100 хувь итгэдэггүй, итгэж чаддаггүй. Миний бүх үйлдэлд нөөц төлөвлөгөө байдаг, ядаж л муу юм болж болзошгүй шүү гээд сэтгэл зүйгээ бэлддэг. Хүний төрсөн дүү ийм бузар зүйл хийж байгааг өөрийн биеээр үзсэн болхоор л би ийм болсон байх.
Одоо би нөхөр, нэг хүүтэй. Ер нь би хүүтэй байсан нь дээр гэж боддог. Охин хүүхдэд эрэгтэй хүүхдээс илүү хамгаалалт хэрэгтэй шүүдээ. Магадгүй ирээдүйдээ охинтой болбол чадлынхаа хэрээр л хамгаална даа.
Охин үрээ үргэж хамгаалж яваарай