Би 32 настай. Эхнэр хүүтэй. Одоо хамт байдаггүй л дээ.

 Саяхан надад ийм асуудал тохиолдсон юм. Бид 2 7-н жил хамт амьдарсан. Энэ оны 4 сар хүртэл. Он гарсанаас хойш эхнэрийн минь зан нэг л биш болж байсхийгээд бухимдаж уурлаж, бид 2 муудалцдаг болсон. Энэ нь бүр хэтэрсээр бид хоёр 4 сард салсан. Тэгээд тусдаа амьдарч байгаа юм. Би уг нь тэр 2-тоо хайртай л даа. Хэзээ нэгэн цагт буцаад хамт байна гэсэн бодол надад үргэлж бодогдог юм. Эхнэр маань хэдий салсан гэж боддог байх. Гэхдээ амьдрал, хүүгээ бодоод эргээд нэг харах болов уу гэж боддог юм. Саяхан түүний төрсөн өдөр нь болсон юм. Урьд өдөр нь би түүнд хоол хийж жаахан ширээ засаад хүүтэйгээ хамт 3-лаа байсан. Орой нь тэр яваад хүү бид 2 үлдсэн юм. Маргааш нь би гэртээ байж байтал намайг нэг газар дуудсан юм. Уг нь би түүнийг найзуудтай сайхан баярла гэж бодоод очмооргүй байсан боловч найзууд нь намайг дуудаад байхаар нь очсон юм. Тэгээд л шөнө дунд хүртэл караокедэж байтал тэр нэг мэдсэн хэлэлгүй явсан байсан. Би ч найзуудыг нь хүргэж өгөөд харьсан.

Өглөө нь хүүгээ дагуулаад гэрт нь очтол хаалгаа онгойлгоод оруулахгүй намайг дэлгүүр яваад ир гэдэг байгаа. Юм бодоогүй өгсөн мөнгийг нь үзтэл захисан зүйлээс нь их мөнгө байхаар буцаад орох гэтэл тэднийхээс урьд нь харж байгаагүй залуу гараад явж байна. Нүдэндээ итгэлгүй янз бүрийн юм бодолгүй захисан зүйлийг нь өгчөөд хүүгээ аваад гарлаа. Замдаа хүүгээсээ санаандгүй асуутал хүү минь ээжийн найз гэж байна. Энэ үед л газар цөмрөх шиг боллоо. Миний юу бичих гээд байгаа санааг ойлгосон гэдэгт найдаж байна. Хүүгээ буцаж хүргэж өгчөөд юу ч хэлэлгүй би буцаад явсан. Би салсан гэдгээ тэр үед ойлгосон. Эмэгтэй хүний толгой нэг эргэхээрэй тэр чигтээ эргэдэг гэсэн үнэн байхаа. Тэр өдрөөс хойш одоог хүртэл залгаачгүй яриачгүй л байна. Гэхдээ би тэнэг байж болох л байх даа. Тэр өдөрөөс хойш би их бухимдаж архи ууж хэсэг явлаа. Уулаа гээд бүх зүйл сайхан болохгүй гэдгийг ойлгосон. Би тэр 2-тоо дэндүү хайртайгаа л мэдсэн. Байнга бодогдоод байх юм. Би өөрөө залгаж энэ бүхнийг хэлээд ярилцвал яах бол. Эсвэл би тэрийг залгахыг нь хүлээх үү. Эсвэл энэ бүгдийг ингээд хаях уу. Ер нь яавал дээр вэ. Надад хариу бичихдээ доромжилсон зөвлөгөө бүү өгөөрэй. Би уг нь гэр бүлээ л бодсон юм. Захиаг минь уншаад санаа бодлоо бичнэ гэдэгт найдаж байна. Баярлалаа.