Би 25 настай нэгэн компанид нябо хийдэг эгэл даруухан жирийн нэг бүсгүй. Надад ойлгогдохгүй нэг асуулт гарч ирээд яахаа мэдэхгүй юм. Би 4 жилийн өмнө өөрөөсөө 9 ах нэгэн залуутай танилцаж байлаа.Тэр хүнтэй ах дүү 2шиг харьцаатай өдий хүрсэн. Бид үргэлж уулзаж ярилцаж хааяа хамт ганц нэг пиво ууж надад сайн ах шиг аав шиг ханддаг байсан. Би түүнийг сэтгэлдээ нууцхан хайрлаж хүндэлж явдаг байснаа нуухгүй ээ. Яг 1 жилийн өмнө тэр ах маань найз бүсгүйтэй болсон түүнийгээ хүлээнэ үнэнч байна гээд бидний хооронд юу ч байхгүй мөртлөө аажмаар бид утсаар ярьхаа больсон. Би ч хол газар ажилахаар болоод явсан. Тэгээд сая 2010.07.09 нд би ажлаа тараад хотод дөнгөж орж ирээд байж байтал тэр хүн бүтэн 1 жилийн дараа гэнэт надруу залгасан. Бид тэр орой өмнөх шигээ хамт сууж ярилцаж уулзаагүй удсан хугацаандаа яаж юу хийж амьдарч байсан тухайгаа ярилцан сууж байхад тэр хүн анх удаа 4 жилийн дараа гараас минь атгасан. Гараас нь атгаад алхаж байгаад намайг хүргэж өгсөн. Бид яриан дундаасаа 2 биенээ ганцаараа хэвээрээ байгаа гэдгээ мэдсэн. 2 лаа л сайн хүнээ олж чадахгүй ганцаараа яваад байгаан байна ш дээ гээд тэр хүн хэлж байсан.

Баяр болж байсан болхоор би хотод 4 хоног амрахдаа тэр хүнтэй өдөр бүр уулзаж хамт салхинд гарч, тоглолт үзэж, үүрийн 6 цаг хүртэл испани хөл бөмбөгийн дэлхийн аваргад  ялахыг үзэж гараас минь тавилгүй тэрнээс хэтрэлгүй анх удаа надад халуун дотноор хандаж бид хамт байсан. Намайг ажилруугаа буцаад явхын өмнөх орой тэр залуу надаас ч асуулгүй амралтанд хонохоор шийдчихсэн замын зүг аль хэдийн амралтруу чиглэсэн үед би гайхсаар асуусан. Яагаад намайг өөртэйгөө хамт хононо гэж бодсын, яагаад надаас асуулгүй шийдэж байгаан гээд би нилээн дургүйцэж хэлсэн боловч зүгээр л хамт байя гэж бодсын юу ч болохгүй гэсээр би зөвшөөрч бид хамт хоносон. Тэр хүний анх удаа мөрийг нь дэрлээд тэврээд хэвтэхдээ би 4 жилийн дараа ийм зүйл болж байгаад итгэхгүй байсан. Бид зүгээр л тэврэлдээд унтсан. Шөнө бороо орох чимээнээр бид сэрхэд анх удаа тэр намайг уруул дээр минь үнссэн. Бид секс хийхээс наагуур зөвхөн дотуур хувцастайгаа л үнсэлцэж 2 биенээ чанга тэвэрч хэвтсэн. Мэдээж тэр надтай унтахыг хүссэн. Үгүй гэсэн хариултыг минь тэр хүндэлж бид зүгээр л тэврэлдээд өглөө болгосон. Би тэр хүнийг хүсээгүйдээ биш зүгээр л унтчиж болох л байсан л даа. Гол нь би тэр хүний сэтгэлд 1 шөнийн биш үүрдийн нандин эмэгтэй нь байхыг хүссэн учраас татгалзсан. Маргааш өглөө нь бид зүгээр л утсаар ярья гээд би түүнийг үнсээд л салсан. Тэр оройноо би ажилдаа ирж тэр ч орой нь зүгээр л мессеж бичсэн ганц ч залгаагүй. Маргааш өглөө нь би түүнрүү залгаж яагаад өчигдөр яриагүйн гэхэд эрт унтаад ярьж чадсангүйээ гэхээр нь зүгээр юм ярьж байгаад л та завтай болхоороо яриарай гээд л би утсаа тасалсан. Ярихийг нь шөнө болтол хүлээгэд тэр яриагүй. Тэвчээр алдсандаа би “Та надруу мессеж бичихгүйгээр, ярихгүйгээр шийдсэн юм бол зүгээр л хэлчихгүйдээ” гэж мессеж бичсэн. Маргааж өглөө нь 9 цаг болж байхад тэр хүн надруу 3 удаа залгасан. Би нилээн залгуулж байгаад утсаа авья гэж бодсон л доо. 3-хан удаа залгаад тэр хүн бүр сураг тасарваа хөөрхий.

Тэгээд өнөөдөр би дахиад мессеж бичсэн “яагаад ингэх болсныг “нь асуулаа. Гэтэл надруу залгалаа. Утсаа автал шал өөр хүн ахын дүү дугаар андуураад байна хэнтэй ярих гээд мессеж бичээд байгаан нтр гэхээр нь та наад утсаа хэзээнээс барьсан бэ гэхэд тэр хүн анхнаас нь энэ дугаарыг барьсан гэх юм. Энэ мэдээж худлаа шдээ. Үгүй бол би сүнстэй 4 хоног уулзаад гараас нь атгаад хамт унтчаад ирсэн болж таарна биздээ. Хэхэ би бүр тэр хүний надаас ингэж зугтаж байгааг нь ойлгохгүй юм гайхаад бодоод ч олохгүй юм. Би олон талаас нь бодож үзлээ л дээ. Тэр хүн өөртөө нь сексийн харьцаанд орсонгүй гээд ингээд зугтаж байгаан болуу? Ер эр хүн ингэх үү ? Ийм тохиолдол байдымуу? Уг нь ингэх тусам нь эр хүн чинь улам л эцсийг нь үзэх гээд сонирхоод байдаг биш билүү? Харин ч нэг унтсан охинтойгоо дахиж уулзхаас зайлсхийдэг биздээ? Хүмүүсээ би одоо яах вэ? Уг нь энэ залуу их сайн хүн би одоо энэ хүнийг ахиж алдмааргүй байна. Би уг нь түүнд байгаа бүхнээ зориулж тэр хүнийг аз жаргалтай хүн болгож түшиж тулах хань нь байхыг хүсэж байсын. Гэтэл Иймхэн өчүүхэн зүйлээр хүнийг дүгнэж зугтах хүн биш гэдгийг нь би сайн мэдэх болхоор л ингээд орхичиж чадахгүй учрыг нь олхыг хүсээд та бүхнээс зөвлөгөө авхыг хүсэж үүнийг бичлээ.