Шотландын алдарт жүжигчин Эван МакГрэгор баримтат кино хийхээр Монголд ирээд байхдаа Хүүхдийн хаяг тогтоох төвд очиж, өнчин, ядуу хүүхдүүдэд бэлэг гардуулсан юм гэнэлээ. Түүнийг очих Цагаан хаалганы дэргэд шар уутанд хийгээд хаячихсан байсан балчир охиныг үед Хан-Уул дүүрэгт амьдардаг нэгэн иргэн олж, хаяг тогтоох төвд хүргэж өгч байхдаа таарч. Төрөөд ганц сар ч болоогүй жаахан охиныг эцэг эх нь хаячихсан байхыг харсан алдарт жүжигчин тун их өрөвдөж, охиныг өргөж авах хүсэлтээ илэрхийлсэн аж. Цагаан хаалган дээр хаягдсан охиныг тэр өдөр Эх нялхасын эрдэм шинжилгээний төвд шинжилгээнд оруулж, хоол тэжээлын дутагдлаас өөр суурь өвчингүй гэдгийг мэдсэн байна. Охиныг гуравдугаар хороололд байрлах “Нялхасын клиник сувилал”-д хүргэсний дараа алдартай жүжигчин маань эргэж очиж, тус төвийн захирлаар ажиллаж байсан Хаш-Иштэй уулзан хүүхдүүдэд бэлэг трааж, хаягдсан охиныг үрчилж авах хүсэлтэй байгаагаа дуулгажээ. Нялхасын клиник сувилалынхан охинд Жамьяанцэцэг гэдэг нэр өгсөн аж. Тэр өдрөөс хойш Эван МакГрэгор Хаш-Иш захиралтай байнга холбоотой байж, гэр бүлийнхээ том зургийг илгээж, сувилалын ажилчид Жамьяанцэцэг охины орны ард тэдний зургийг нааж, бяцхан охинд “Аав чинь, ээж чинь, энэ танай гэр бүлийнхэн” хэмээн байнга хэлдэг байсан гэдэг. Хэтэрхий жаахан охинд шинэ гэр бүлийг нь эртнээс таниулах гэж оролдож байсан гэдэг. Хуулийн дагуу Жамьяанцэцэг охиныг үрчлэх асуудлыг Нийгмийн хамгаалал хөдөлмөрийн яамныхан хариуцаж, шийдвэрээ гаргасны эцэст Эван МакГрэгор охиныг гурван настай байхад албан ёсоор үрчилж авч. Шотландын дуучин, жүжигчин Эван МакГрэгор эхнэр Еван Маврикастай 1995 онд гэрлэсэн. 13 настай Клара, настай Естхэр гэдэг хоёр охинтой аж. Жамьяанцэцэг охин түүний бага охинтойгоо нас чацуу юм байна. Энэ жүжигчин хувийн амьдралаа ихэд нууцалдаг, охидуудаа папаррацинуудаас хол байлгаж чаддагаар нэлээд алдартай гэнэ. Хүмүүс түүнийг Монголоос хүүхэд өргөж авсаныг байтугай, эхнэр хүүхэдтэйг нь ч зарим нь мэддэгүй байж. Харин саяхан Эван МакГрэгор Жамьяанцэцэг охиныхоо хамт “ Starbucks” кофены газар луу орж явахад нь папрацичид энэ зургийг авч, багагүй шуугиан дэгдээгээд байна. "The Pillow Book" кинонд ижил хүйстний дүрийг чадварлаг бүтээсэн Эван МакГрэгорыг маш сайн аав гэж олон хүн тодорхойлдог аж. Тэрээр “Men’s Health” сэтгүүлд ярилцлага өгөхдөө “ Анхаарлаа хандуул. Бага насны хүүхдүүдтэйгээ тоглож нэг юмаа дахин дахин ярих нь уйтгартай ч хамгийн гол нь та хүүхдүүдтэйгээ тоглоё гэж бодсон бол яг тухайн орчинд нь орж оюун санаагаа тэндээ л байлга. Компьютер луугаа эсвэл ширээ рүүгээ өндөлзөхгүйгээр хүүхдүүдтэйгээ л тоглож хэсэгхэн цагийг хамт өнгөрөөх нь үр хүүхэддээ өгч байгаа хамгийн их хайр юм. BlackBerry утсаа ч унтраа." гэж ярьсан байх юм.
Эван МакГрэгор “UNICEF” болон “GO Campaign” зэрэг олон улсын байгууллагат туслаж хандивын арга хэмжээнүүдэд байнга оролцохын зэрэгцээ Холливуудад жил бүр болдог “GO Campaign” арга хэмжээний хөтөлөгчөөр хоёр жил дараалан ажиллаээ. Түүнийг манайхан “Moulin Rouge!”, ”Star Wars”, “ Angels & Demons” зэрэг кинонуудад тоглосоноор нэлээн сайн мэднэ. Эван МакГрэгор эхнэртэйгээ 14 жил амьдарч байгаа бөгөөд Холливудын хамгийн тогтвортой гэр бүлийн тоонд тэдний гэр бүл багтдаг аж.