Та юунаас болж стресстэж байна вэ? Хүн болгоныг стресстүүлдэг зүйл өөр өөр. Гэхдээ таныг стресстүүлж байгаа бүхэн муу биш Харин та өөрчилж чадахгүй байгаа зүйлтэйгээ эвлэрэх хэрэгтэй. Аар саар, эсвэл үл бүтэх, дэмий зүйд та санаа зовсноор юуг ч өөрчилж чадахгүй. Хамгийн гол нь өөдрөг үзэлтэй байх нь чухал.

Юуны өмнө байнгын сэтгэл зовсон, түгшсэн, айдас дунд амьдарч байгаа эсэхээ сайн бодож тунгаа. Стрессээс гарахад танай гэр бүлийнхэн болон ойр дотныхон чинь таны туслагч байх болно. Стрессээс ангижрах хамгийн энгийн арга бол найз нөхөдтэйгээ зовлон жаргалаа хуваалцаж зөвлөлдөх юм. Таныг стресстүүлж буй зүйлс амьдралаас тань тийм ч амархан холдохгүй учраас энэ бүхнийг зөв ухаалагаар зохицуулж байж асуудлыг шийдвэрлэх гарцыг байнга олж амьдарна.

Зарим хүмүүс болж бүтэхгүй байгаа зүйлсийн төлөө хэт их шаналснаас стресст ордог. Хэрвээ танд ийм хэв шинж илэрч байгаа бол үл бүтэх зүйлсээс салах хэрэгтэй. Жишээ нь та удирдлагатайгаа үг хэлээ ололцохгүй байгаа бол хамт ажиллаж буй хүмүүстэйгээ санал солилцож гарах арга замаа эрэлхийл. "Бүгдээрээ хэлэлцвэл буруугүй, бүлээн усаар угаавал хиргүй" гэдэгтэй адил юм. Ажлын газар чинь таны ажиллуулж мэдэхгүй хэвлэгч машин авчээ гэж бодъё. Та тэр машиныг ажиллуулж чадахгүйгээсээ болоод сэтгэлээр хэт унан стресст орохгүйн тулд хэн нэгнээс тусламж авснаар тулгарсан асуудлыг хялбархан шийднэ.

Стрессээс ангижирахын тулд дараах зүйлийг амьдралдаа хэрэгжүүлээрэй
- Оюун ухаанаа төвлөрүүлж байх
- Өөдрөг үзлээр өөртэйгөө ярих
- Уул, ус, ургамал, байгаль дэлхийгээс энерги авах
- Өөртөө цаг зав гаргаж, өөрхийнхөө амжилтыг урамшуулж байх
- Амьдралын хэв маягаа үе үе өөрчилж байх
- Өөртөө тохиолдсон өдөр тутмын хуваарь гаргах
- Хоол хүнсээ тохируулах
- Архи тамхинаас татгалзах
- Тайван орчинд тархиа амрааж бясалгал хийх
- Гүн амьсгалах
- Спортоор хичээллэх
- Очиж үзээгүй газраараа аялах
- Аливаа өөрчлөлтийг эерэгээр хүлээж авч байх
- Хүмүүст боломжоороо туслах
- Гарах үр дүнг урьдчилан тооцоолж сурах
- Хувийн зохион байгуулалттай байх
- Алдаан дээрээ суралцаж, цаашид давтахгүй байх
- Ажилд садаатай зүйлсээс байнга ангижирдаг байх