Moderator: mgl_300
Бичлэгийн тоо 42,366
“Эхнэртэй залуугийн энгэрт эрхэлж хэвтээ бүсгүй чамд”
Хэн нэгний нулимсаар инээд хөөр хийж чи
Хэсэгхэн зуурын амьдралаар бусдын амьдралыг сүйтгэнэ
Хээв нэгхэн эрхлэх зуурдын амрагын чинь цаана
Хичнээн их итгэл амьдрал байгааг ухаараач
Өр эмтлэм хүлээлт ханийн итгэлээр сүлэлдэж
Өвөрт чинь хэвтээ залууг ямар их харуулдаа бол
Өглөөг угтах амраглалыг чинь бурхан харж байгаа
Өрөөл бусдын зовлонгоор жаргал бүү хий бүсгүй минь
Хайр гэдэг ганцхан үгээр чи зүрхээ өмөөрч
Хагацал амсуулж нэгэн амьдралыг нураана
Хэн нэгэн бүсгүй ч чамтай адилхан эмэгтэй хүн
Хэзээ нэгэн өдөр чи зовлонг нь амсаж болох шүү
Бусдын амрагын харцыг ч шунаж бүү хар
Бурхан чамд биш гэргийд нь заяаж учруулсан
Эхнэртэй залуугийн өвөрт эрхэлж бүү хэвт
Эвий нэгэн бүсгүй хүн насаараа шаналах л юм билүү
Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...
Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!
Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!
Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...
Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!
Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
- Холбоотой бичлэг :
- http://www.mglclub.com/3281806/964/trackback
Би урлагийн хүн лдээ. 2 жилийн өмнө нэг залуутай танилцаж байсын. Тэр үедээ ч тодорхой шалтгааны улмаас яаж ч чадалгүй өнгөрчихсөн. Харин сая 3 сард нэгэн фитнесс клубт явж таарлаа. Тэр маань нэлээн нэрд гарч байгаа хүн л дээ. Надтай анх танилцах үедээ эхнэр хүүхэдгүй байсан. Харин одоо бол эхнэр хүүхэдтэй болчихож. Бид одоо үе үехэн уулздаг болоод байгаа. Надад хайртай гээд. Одоо бол холдож чадахгүй гээд байх юм. Гэхдээ би адилхан өөртэйгөө адилхан бүсгүй бас орой болгон аавыгаа хурдан ирээсэй гээд тормойн суух нялх амьтнаас аавыг нь эр нөхрийг нь гэр бүлийнхэнтэйгээ өнгөрөөх халуун дулаан цаг мөчөөс нь хороож байгаадаа өөрийгөө үнэхээр зүхэж байна. Тэгтэл тэр минь надаас салж чадахгүй гээд байдаг. Би ч гэсэн хуучнаа сэргээж дурсаад дасаад хачин болсон байдаг. Би өөрийгөө үзэн ядаж байна. Би яавал дээр вэ. Надад туслаач…