<style type="text/css">
</style>
-Бүсгүйчүүд бөөрний хүйтэн өвчнөөр өвдсөнөөс болоод үргүйдэлд хүрэх нь бий
-Үргүйдэл гэдэг нь хосууд нэг жил болон түүнээс дээш хугацаанд ямар нэг жирэмснээс хамгаалах хэрэгсэл хэрэглэлгүйгээр тогтмол бэлгийн харьцаатай байхад үр тогтохгүй байхыг хэлнэ. Үргүйдэл нь хүний эрүүл мэндэд шууд нөлөөлж амь насанд аюул учруулдаггүй ч хувь хүний нөхөн үржихүйд төдийгүй гэр бүлийн тогтвортой байдалд сөрөг нөлөө үзүүлдэг эмзэг асуудал юм.
Сүүлийн үеийн судалгаанаас харахад нийт гэрлэсэн хосуудын 8-12 хувь нь амьдралын аль нэг үедээ үргүйдлийн асуудалтай тулгарч байгаа бөгөөд дэлхийд ойролцоогоор 50-80 сая гэр бүл үргүйдэлтэй байна гэсэн тооцоо гарсныг бид өмнө нь нийтэлж байсан билээ. Эрүүл хосуудын хувьд ч жирэмслэхийг хүссэн эхний сардаа жирэмслэх магадлал ердөө 33 хувь буюу гурван хосын нэг нь л жирэмсэлдэг байна.
Түүнээс хойш жирэмслэх магадлал хурдан буурч 10 хувь буюу арван хосын нэг нь нэг жилийн дараа, 5 хувь буюу 20 хосын нэг нь хоёр жилээс дээш хугацаанд жирэмслэдэг гэсэн тооцоо гарчээ. Иймд гэрлэсэн хосууд эхний 1-2 жилийн хугацаанд жирэмслэхгүй байх нь хэвийн үзэгдэл байж болох юм. Харин үргүйдэлд эмэгтэйн нас гол нөлөөлөгч хүчин зүйл болдогтул 35 наснаас дээш насны эмэгтэй жирэмслэхгүй бол цаг алдалгүй эмчид хандах нь зүйтэй юм.
Үргүйдэл яагаад үүсдэг вэ?
Үргүйдлийн шалтгааны тайлбарыг үр тогтох процесс хэвийн үед хэрхэн явагддагаас эхлэх нь зүйтэй юм. Хэвийн үед үр тогтохын тулд эр бэлгийн эс бүхий үрийн шингэн эмэгтэйн үтрээ, болон умайн хузүүний орчим (савны амсарт) ялгарсан байх бөгөөд улмаар эр бэлгийн эсүүд нь умайн хүзүүний салианд хөвсөөр умайн хөндийг өнгөрөн үрийн хоолойд эм бэлгийн эстэй учирдаг. Иймд умайн хүзүүний салиа үр тогтоход нилээн чухал үүрэг гүйцэтгэдэг. Өөрөөр хэлбэл умайн хүзүүнд салиа ялгарсанаар л эр бэлгийн эсүүд умайн хоолойд хүрдэг. Эмэгтэйн өндгөвчнөөс бүрэн боловсорсон өндгөн эс гадагшлахад үр дамжуулах хоолой нь төгсгөлийн хэсэг дэх хуруу хэлбэртэй фимбрийнхээ тусламжтайгаар өндгөн эсийг барьж аван үрийн хоолойд авчирч эр бэлгийн эстэй уулзуулж улмаар үр тогтооно. Ингэж үр тогтсон өндгөн эсийг эмбрион буюу үр хөврөл гэж нэрлэдэг. Үр хөврөл нь үрийн хоолойд, умайн хананд бэхлэгдэх таатай нөхцөл бүрдтэл, хэдэн хоног байх болно. Энэ үед умайн доторх салст нь үр хөврөлийг өөртөө агуулах боломжийг бүрдүүлж бүтцийн өөрчлөлтөнд орох бөгөөд энэ процесс долоо хоног орчим явагдана.
Үр хөврөл умайн хананд бэхлэгдсэнээс хойш түүний цаашдын өсөлт хоног хоногоор явагдана. Эндээс үр тогтох процесс нь ямар олон цогц үйл ажиллагааг дамжин явагддаг болохыг харж болно. Иймд үргүйдлийн шалтгааныг эдгээр шаталсан олон цогц үйл ажиллагаа болон түүнд оролцож байгаа эрхтэнүүд, түүний системийн бүтцээс хайх хэрэгтэй болдог юм. Тиймээс үргүйдлийн шалтгааныг тодруулахын тулд олон янзын комплекс шинжилгээнүүд хийх шаардлагатай байдаг.
Хүйтний улиралд доороосоо даарахгүй байх хэрэгтэй
Ханилаад гурван жил бэлгийн харьцаанд орсон ч жирэмслэхгүй бол анхдагч үргүйдэл гэнэ. Мөн төрсний дараа ямар ч хамгаалалт хэрэглэж байгаагүй мөртлөө жирэмслэхгүй бол хоёрдогч үргүйдэл. Европ эмнэлгээр авч үзэхэд өндгөвчний үйл ажиллагаа доройтох буюу гармоны өөрчлөлтөөс болж жирэмслэхгүй гэж үздэг. Тэр бол маш буруу. Хятад буюу Төвд эмнэлгээр авч үзэх юм бол жирэмслэхгүй байна гэдэг нь
1-рт Бөөрний ямар нэгэн өвчтэй байх.Манай орон хүйтэн сэрүүн уур амьсгалтай учраас бөөрний хүйтэн өвчнөөр их өвчилдөг.
2-рт Цус багадалтаас их шалтгаалдаг. Мөн их Даарч цус царцсан тохиолдолд жирэмсэлдэггүй.
3-рт Сав хөрөх. Доороосоо даарч нуруугаараа жиндсэнээс болж сав хөрдөг. Тэгснээр савны хүйтэн үүссэнээс жирэмслэхгүй.
4-рт Цэр хуралдах /хятад эмнэлгээр/ Энэ нь цагаан юм ихсэх гэсэн үг. Энэ нь хэт ихэсвэл жирэмслэхгүй тохиолдол гардаг.
Төвд хятад эмнэлгээр үргүйдлийг яаж эмчилдэг вэ?
Бөөрний хүйтэн, цусны царцанги, савны хий бүрэлдэх өвчин, хүйтнийг арилгах ёстой. Хий бүрэлдэх өвчин гэж юу вэ?
1-рт: Минестраци ирэх үед хүйтэн сэрүүн газар хэвтэх, унаа мориноос унах хүнд юм өргөх гээд ямар нэгэн байдлаар гам алддаг. 2-рт: Төрсний дараа гам алддаг. Төрсний дараа сав халуурах шинж тэмдэг илэрч байгаад дараа нь саванд хий бүрэлддэг. Сав бүрэлдэх шинж тэмдэг нь: Сав дүүрэх, үтрээгээр хий гарах, мөчлөг алдагдах шинж тэмдгийг агуулж байдаг. Европ эмнэлгээр умайгаар хий гарч байна гэдгийг ойлгодоггүй. Үүнийг арилгаж байж жирэмслэнэ. Европ эмнэлэгт төрсний дараа саван дээр шууд хүйтэн жин тавьдаг. Энэ тохиолдолд сав хөрдөг.
Төвд эмчилгээгээр сав бүлээцүүлэх ямар арга байдаг вэ?
Халуун найралттай эмнүүд өгдөг. Жишээ нь халуун ногоотой эм өгнө гэсэн үг. Зүүн эмчилгээ, төөнүүр эмчилгээг хийдэг. Төөнүүр эмчилгээ бол гаднаас нь савыг халааж өгдөг. Тэгснээр сав халдаг. Төвд эмчилгээний зарим хүйтэн өвчинд халуун эмчилгээ, халуун өвчинд хүйтэн эмчилгээг хийх ёстой гэсэн үг.
Жирэмслэхгүй байх шалтгаанаас зайлсхийхийн тулд:
Доороосоо даарч хөрөхгүй байх ёстой. Хүйтний улиралд халуун чанарын хоол идэх хэрэгтэй. Халуун ногоо, архи зэрэг нь бүгд халуун чанарын зүйл. Цагаан будаа мэтийн сэрүүн чанарын зүйлээс аль болох зайлсхийх нь зүгээр. Улиралдаа тохируулж зөв хувцаслах хэрэгтэй.
|
ger bul bolj baigaa humuusiin bichig barimt mgld batalgaa hiij ugnu 01097409854[sotoi]