Эр нөхрийн архидалт гэр бүл салах гол шалтгааны нэг болсоор байна. Гэвч үүнд эмэгтэйчүүдийн буруу бас байдгийг анхаараарай.

Гэр бүл болохоос өмнө хайртай залуу нь ээлжит болзоонд яльгүй халамцуу, үнэртүүлсэн ирэхэд бүсгүйчүүд хүлээцтэй ханддаг. "Нэг гэрт орчихвол тэр уухаа болино. Надад хайртай юм чинь миний үгэнд орно" гэсэн бодлоор өөрсдийгөө тайвшруулдаг.
Архинд дуртай эр хүнийг хожим, нэг гэрт орсны дараа хүмүүжүүлэх найдлага, зорилго тавих хэрэггүй. Учир нь энэ бол эмэггэй хүн болгонд хүчрэгдэх хялбархан асуудал биш.
Архидалт бол буруу зуршил, найз нөхдийн муу нөлөөний үр дагавар бус. Энэ нь ноцтой өвчин юм.
“Бусдын адил уудаг" гэдгээр эмэгтэйчүүд нөхрөө хаацайлах дуртай. Гэтэл "бусдын адил уудаг" гэх онош нь архидах өвчний анхны үе шатанд явж байдаг.
Тэсвэртэй, хүлээцтэй зан чанар бол сайн зүйл. Гэвч долоо хоногийн хоёр өдөр шартаж хэвтдэг нөхөртөө хүлээцтэй хандах нь зөв үү? "Эрүүл үедээ миний нөхөр маш сайн хүн согтуу үедээ л ..." гэх тайлбарыг олон эмэгтэйчүүд өгч өөрсдийгөө хуурдаг. Итгэж, найдаж болохгүй хүнийг сайн хүн гэж дүгнэх нь өрөөсгөл биз ээ. Архидах өвчинд нэрвэгдсэн бүх хүмүүс худалч, амиа хичээгч, шараа тайлахын тулд хүүхдийнхээ "хоолыг булаахаас" ч сийхгүй болдог. Архидалтаас болж ажил төрлөөсөө халагдахэсвэл албан тушаал буурдаг байна. Архичин эрчүүдийн эхнэр яг л тэсрэх бөмбөгөн дээр сууж байгаа мэт байнгын түгшүүр зовнилд байдаг.