Надад зөвөлгөө өгч тус болооч..Би одоо 20той. Найз залуутайгаа гадаадад сурч амьдраад 2 гаран жил болж байна. Би анх найз залуутайгаа нийлэхдээ юм үзээгүй жоохон охин байсан юм. Тэр нүүр амаа будах хувцаслалт гоо сайхан гэдэгт ч анхаардаггүй байлаа. Харин найз залуутай болсноосоо хойш өөртөө их анхаардаг болсон юм. Би найз залуутайгаа хамт амьдарч эхэлсэн эхний жилдээ хичээл номоо таслаад ер нь 1 жил хичээлээс завсардсан гэхүүдээ..Хайрандаа умбаад үргэлж найз залуутайгаа зууралдсаар байгаад сургууль соёл найз нөхөд гээд бараг бүх юмаа алдсан. Харин энэ жилээс буцаж сургуульдаа орсон юм. Шинэ анги хамт олонтой болоод надад үнэхээр сайхан байгаа гэвч манай найз залуу намайг хардсандаа болоод боож үхэх гээд байх юм. Утсанд мэссэж ирэх бүрд л сэртэлзээд л байн байн утсанд минь гэнэтийн шалгалт хийнэ.
Тэгээд намайг гадаа найзуудтай минь хамт харах юм бол худлаа хайртай дуртай энэ тэр гэж бөөн жүжиг тавина. Нэг лайтай юм нь намайг найз охидуудтайгаа хамт хоолонд орход ч ч юмуу эсвэл гадуур гархаар дагах гэж уурлаад байхын. Би яаж найзуудтайгаа уулзах бүрдээ найз залуугаа чирж авчирч байх юм бэ? хэд хэдэн удаа найз залуугаа найз охидуудтайгаа гадуур гарахдаа авчирсан. Одоо манай найзууд гадуур гарах болвол намайг найз залуугаа битгий авчираарай. Чөлөөтэй сайхан байж чадахгүй юм гэж гомдоллодог болсон. Бас намайг эрэгтэй хүйсний хүнтэй үг солих эсвэл хараад өнгөрөх бүрд л хардана.. Одоо бүүр ангийхаа банди нартай я үг дуугарах эрхгүй болсон.. Өө бас нүүр энэ тэрээ будаж толиний өмнө 5аас илүү минут эргэлдвэл уурлана. Яасан их буддын хэндээ гоё харагдах гээд байгаан гээд л. Заримдаа бүүр будаагүй зүгээр нүүрэндээ тос энэ тэр түрхэж байхад хүртэл яасан их буддын гэж ууралдаг гээч. Одоо би нүүр энэ тэрээ будахаас ч айдаг болсон ёстой дарамттай. Хажуугаар өнгөрөх бүрдээ үглээд л зэвхэлзээд үнэхээр хэцүү.
Бас намайг гоо сайхны бараа ямар брэндийн бараа авхыг зааж сургана. Аль болох л хямдханыг нь авхуулах гэж хичээнэ. Нэг олигтой сайн юм авчий гэхээр яасан их үнэтэй юм авдын.. Ялгаа гэж юу байсын хямдханыг нь ав гэж загнана. Дээр нэг нэр нь дуулдаж байгаагүй гоо сайхныы барааг сайн сайн гэж магтсаар байгаад авхуулсан, аягуу хямдхан. Хэрэглээд нэг өдөр болсны дараа нүүрээр зөндөө юм гараад ёстой баларсан.. Тэрнээс хойш бас л хашраагүй зааж сургасан хэвээрээ л байгаа. Миний үс өмнө нь том долгионтой буржгар маягын тэгээд тэр маань их зохидог байсын тэгсэн чинь сая шинэ жилээр хүн ятгаж дарамталсаар байгаад үсэнд маань шулуун хими хиилгээд тайраад хаяцан. Одоо хүн бүр л намайг “хүмүүс илүү гоё харагдах гэж мөнгө төлдөг байхад чи муухай харагдах гэж мөнгө төлж байх гэж” гэж зэмэлдэг болсон. За энэ ч яахав миний буруу би байр сууран дээрээ баттай зогсоогүй найз залуугийнхаа үгийн дагаж үсээрээ тоголсон.. Бас дээр нь найз залуу маань өмсөх хувцасыг маань заана. Би одоо дундад зууны үеийн хүүхнүүд шиг. Хөл шилбэ, хүзүү, цээж, мөр энэ тэрээ ил гаргаж болохгүй. Өдөр бүр гархаасаа өмнө найз залуугаасаа юу өмсөхөө асууна. Асуухгүй хувцаслаад гараад явчихвал дараа нь уурлана. Би заримдаа найз залуугийнхаа хүүхэлдэй нь болчихсон юм шиг санагдах юм. Миний алхам бүрийг зааж мөрдөнө. Байнга хардана. Би яах вэ? Яагаад ч юм ойрдоо эрх чөлөөг үнэхээр их хүсээд байх юм. Хүссэн хувцасаа өмсөөд гадуур хэдэн ч ца гаар хамаагүй тэнэж хүссэн хүмүүстэйгээ уулзаж ярилцаж, дураараа эрх чөлөөтэй явмаар байна. Олон хүнтэй бүгчим газраас гарч ирээд сэнгэнэсэн цэвэр агаар амьсгалах яамар гоё билээ яг тэрэн шиг эрх чөлөөг мэдэрмээр байхын. Ингэж эрх чөлөөг хүсэх нь зөв үү? Уг нь найз залуу маань их сайн залуу. Араар тавьдаггүй. Их сайн гэр бүлийн хүмүүжилтэй. Сайн ажил мэргэжилтэй. Надад их хайртай. Би яах вэ? Зөвхөн эрх чөлөөг хүссэнээсээ болж найз залуугаасаа салж болохуу?