Гадаадын ажилчдын 66 хувь нь хар ажил хийж байна.

Ньюсши сонин                                                                                                                                                 

Сурвалжилсан И Гүг Хён    2009-12-02

Дотоодод хөдөлмөр эрхлэж буй гадаадын ажилчдын 5хүн тутмын 3хүн нь хүнд хүчир ажил хийж байна гэсэн тооцоо гарсан бөгөөд, мөн эдгээр ажилчдын дийлэнхи нь 1сая воноос доошхи хэмжээний цалин хөлс авч байна статистик үзүүлэлт гарчээ.

  12сарын 2-ны өдөр Хөдөлмөрийн Яамнаас хийсэн “Гадаадын ажилчдыг хөлслөн ажиллуулж буй өнөөгийн бодит байдал” гэсэн илтгэлд тус улсад хууль ёсоор хөдөлмөр эрхлэж буй 513,826 гадаадын ажилчдын 461,642(66.4%) нь мэргэжлийн бус ажиллах хүчин аж. Нөгөөтэйгүүр 38,900(5.6%) мэргэжлийн ажиллах хүчин ажиллаж байна.

<Хүснэгт> Гадаадын ажилчдыг хөдөлмөр эрхлэж буй визний статусаар  ангилсан(2009оны 10сарын 30-ны өдрийн байдлаар)

1)       Мэргэжлийн ажиллах хүчин : Дээд сургуулийн багш Е-1, харилцан ярианы багш Е-2, судлаач Е-3, мэргэжлийн ажилтан Е-5, урлаг соёл Е-6, тусгай үйл ажиллагаа Е-7 зэрэг визний статус багтсан болно.

2)       Жирийн : Мэргэжлийн бус ажилчин Е-9,

3)       Солонгос гаралтай : Зочлон ирж хөдөлмөр эрхлэх Н-2

l  Хууль зүйн яамны харъяа Цагаачлалын албаны гадаадын иргэдийн бодлого төлөвлөлтийн хэлтсээс гаргасан статистик тооцоо (2009оны 10сар)

Мэргэжлийн бус ажиллах хүчний эзлэх хувь нь 2007онд 63.2%, 2008онд 68.2%, 2009оны 10сарын байдлаар 66.4%хувь болон 60%-аас дээш хувиар нэмэгдсэн байна. Үүнийг нарийвчлан үзэхийн бол зочлон ирж хөдөлмөр эрхлэх (H-2) визний статусаар тус улсад орж ирэн хөдөлмөр эрхлэж буй солонгос гаралтай хүмүүс 63~65%-ийг эзлэж байгаа бөгөөд, хөдөлмөрийн гэрээний дагуу тус улсад орж ирэн ажиллаж буй жирийн гадаад ажилчид (E-9) нь 32~33%-ийг эзэлж байна.

  Нөгөөтэйгүүр мэргэжлийн гадаад ажилчид нь 1994онд 5,265хүн байсан ба жил ирэх тусам нэмэгдсээр 10сарын байдлаар 38,900хүн байгаа бөгөөд 15жилд 7.4хувиар нэмэгджээ.

 
  Мэргэжлийн гадаад ажилчдаас харилцан ярианы багш 58.5%-иар хамгийн их байсан бөгөөд үүний дараагаар тусгай үйл ажиллагааны визний статустай 22.8%, урлаг соёлын визний статустай хүмүүс 8.1% -иар удаалж байлаа. Үүнээс гадна дээд сургуулийн багш, судлаач, мэргэжилтэн зэрэг хүмүүсийн эзлэх хувь маш бага байна.

  Нөгөөтэйгүүр ихэнхи гадаадын ажилчид нь 1сая воноос доошхи хэмжээний цалин хөлс авч байгаа тооцоо гарсан байна. Хөдөлмөрийн гэрээний дагуу тус улсад орж ирэн ажиллаж буй мэргэжлийн бус ажилчид нь1сая воноос доошхи хэмжээний цалин авах нь нэмэгдэж байгаагийн зэрэгцээгээр эдгээр ажилчдын тоо ч өсөн нэмэгдсээр байгаа ажээ. Харин 1саяас дээшхи хэмжээний цалин хөлс авч байгаа ажилчдын тоо эрс буурсан байна.

 
  Түүнчлэн хүйсээр нь авч үзвэл эмэгтэйчүүд үйлчилгээний ажил хийсэн тохиолдолд 1сая 200мянган воноос дээш, эрэгтэйчүүд нь үйлдвэрийн ажил хийсэн тохиолдолд 900мянгаас 1сая хүртэлх вонын цалин авч байна гэсэн тооцоо гарчээ.

Одоогийн байдлаар тус улсад оршин сууж буй нийт 1,164,166 гадаадын иргэд байгаагаас хууль ёсоор оршин сууж буй 982,835 хүн, хууль бусаар оршин сууж буй 181,338хүн (15.6%) байгаа ажээ. Үүнд хөдөлмөр эрхлэх визний статусаар тус улсад орж ирэн ажиллаж буй  ажилчид нь нийт гадаадын иргэдийн 59.7% хувь буюу 695,157хүн юм байна.