Холливудын алдартай жүжигчин, буддист ренбүчи Стивен Сигал 2004 онд манай улсад зочилж Монголын уран бүтээлчидтэй Чингис хааны тухай кино хийхээр ирж байсныг та бүхэн санаж байгаа байхаа. Тухайн үед Монголын гоо үзэмж төгөлдөр охидыг киноны дүрд тоглуулахаар шалгаж мисс, загвар өмсөгч гээд олон охид үндэсний дээл хувцасаар гоёж Сигалын нүдэнд өртөхийг хүсч байсан.  Тэгвэл Холливудын Стивен Сигал япон, англи хэлээр чөлөөтэй ярьдаг монгол бүжиг, орчин үеийн бүжгийг мэргэжлийн түвшинд бүжиглэдэг, уран гоо бие бялдартай, залуу охиныг өөрийн продюссороор ажиллах хүсэлт тавиад буцжээ. Жирийн нэг Монгол айлын охин С.Эрдэнэтуяа Холливудын од Стивен Сигалтай киноны продюссороор олон ажил хамтран ажиллаж эцэстээ үнэнч, итгэлтэй, боловсрол, мэдлэгтэй Халх Монголын охиныг эхнэрээ болгох санал тавьж гэрлэсэн юм. ((21 зурагтай) Зургууд дээр дарж томруулан үзэх боломжтой.)

Стивен Сигал өөрийгөө Монгол гаралтай хэмээн үздэг бөгөөд Монголчуудад нэлээд элэгтэй. Гандантэгчэнлин болон буддын хийд дацангуудад болдог том том хурал номын манз цавыг байнга даадаг гэнэ. Холливудын алдарт жүжигчин, ринбүчи Стивeн Сигал монгол эхнэрээсээ саяхан хүүтэй болжээ. Хүүдээ Монголчилбол Төгсбаясгалант хэмээх алдар хайрласан бөгөөд саяхан төрсөн эх, хүүгийн бие сайн байгаа юм байна.

2007 онд Стивен Сигал Монгол найз бүсгүйгийнхээ хамт Молдав улсад нэгэн бизнесмэний урилгаар зочилон дэлгүүр хэсэж, өнчин хүүхдүүдийн асрамжийн газарт очин бас уулзалтуудад оролцож байсан тухай зургийн тайлбар дээр байсан юм. Зургуудыг интернетээс олж татсан тул цаг хугацааны хувьд яг одооных байж чадаагүй болно.