www.103.mn ishee orood uz delegrengui bgaa elgemsuu haayaa ingej medreltehee bolij baimaar yumaa nudnii bulai bolj duuslaash dee chi

huue elgemsuu naad hunchin hawdar yaj uusdeg we gej asuuj bhad Hawdartai boltson gej oilgood bgaamuu

hunii bichsen yum oilgohgui bjiij yugaa hiij comment bichdeg yum be

Oigotloo unshad suuuj baiwal taarna

Эмэгтэйчүүдийн умайн хүзүүний хорт хавдар гэж юу вэ?
Хавдар гэдэг ерөнхий нэр юм. Хүний биед 400 гаруй төрлийн хавдар байдаг гэж үздэг. Бүлэгчилж үзвэл 100 гаруй төрлийн хавдар байдаг. Хоргүй хавдар нь тухайн үүссэн эд эрхтэн байгаа газартаа зэргэлдээ эд эрхтнээ дарах үйл ажиллагаа үзүүлдэг. Хортой нь хэдийгээр жижигхэн ч цус, тунгалагийн судсаар хавдрын эс нь бусад эрхтэнд очиж тэндээ үйл ажиллагааг нь алдагдуулан ургах, хажуугийн эд эрхтэн рүүгээ орон ургах чадвартай.

“Савны хавдар” гэж ярьдаг умайн хүзүүн хавдар нь манай эмэгтэйчүүдэд элбэг тохиолддог. Эхэндээ ямар ч шинж тэмдэггүй эхэлдэг бөгөөд бэлгийн замаар халддаг хүний папиллом вирусаар үүсгэгддэг тул бэлгийн харьцаанд орсон хүн болгон өвдөх магадлалтай юм.

Умайн хүзүүний шархлааг эмчлэхгүй бол хавдар болох уу?
Шархлаа гэдэг бол олон хэвийн ба эмгэг өөрчлөлтүүд юм. Ямар ч байсан шууд хавдар болчихгүй “урьдал” өвчний үе шатуудыг дамжин 2-10 жилийн дараа хавдар үүсгэх магадлалтай. Хамгийн гол нь нарийн оношилж чадвал бүрэн эмчилж болно.

Уйланхай хавдар мөн үү?
Уйланхай буюу киста гэдэг нь хавдар биш. Гэхдээ уйланхай бүтэцтэй хоргүй хавдар гэж байдаг. Уйланхай маань ихэвчлэн өндгөвчин дээр тохиолддог. Ер нь эрүүл эмэгтэй хүний биед cap болгон аль нэгэн өндгөвчинд ээлжлээд уйланхай үүсдэг. Диаметр нь 2-3 см хүртэл томорно. Тэгэхээр эрүүл эмэгтэй сард нэг удаа уйланхай үзэгддэг гэдгийг сайн ойлгох хэрэгтэй. Тэр киста буюу уйланхай байж тэр нь хагарч тэндээс өндгөн эс нь ялгарч эмэгтэй хүн жирэмсэн болох боломжтой болдог.

Өндгөвчинд уйланхай байхгүй бол тухайн эмэгтэй жирэмслэхгүй юм. Харин 12-25 хувьд нь шимэгдэж алга болохгүй байх хандлага байдаг. Тийм үед эмийн эмчилгээ хийх хэрэгтэй. Фибромион гэж савны булчингийн гаралтай хоргүй хавдрын зангилуудыг хэлдэг. Хортой болох буюу олон голомтот хэлбэрээр умайд үүсдэг. Эрт илрүүлээд зохих эмчилгээ хийвэл эдгэрэх боломжтой.

Хавдар үүсэх гол эх үүсвэр нь юу вэ?
Хавдар үүсэх шалтгаан олон янз байдаг л даа. Умайн хүзүүний хорт хавдрын хувьд гэвэл сайн дэлгэрэнгүй мэдээлэлтэй шалтгааныг нь үндсэндээ тодорхой гэж үздэг. Савны хавдар буюу умайн хүзүүний хавдраар ихэвчлэн бэлгийн харыдаанд орсон эмэгтэйчүүд өвчилдөг. Тиймээс гол эх үүсвэр нь бэлгийн замаар халдварладаг вирусын өвчин юм. Хүний папиллом вирус гэдэг ерөнхий нэртэй энэ вирусээр халдвар авсан эмэгтэйчүүдэд умайн хүзүүний эсийн өөрчлөлт өгч савны хавдар үүсэх магадлалыг өндөр болгодог. Энэ вирус нь нийт хүн амын 35 хувьд тархсан. Сүүлийн үед улам ихсэж байгаа. Уг вирусын халдвар авсан хүнд ямар нэг шинж тэмдэг, зовиур илрэхгүй ба эсийн шинжилгээнээс өөр ямар ч үзлэгээр оношлогдох боломжгүй. Иймээс эмэгтэйчүүддээ эсийн шинжилгээг байнга өгч бай гэж анхааруулмаар байна.

Эсийн шинжилгээ гэж юу вэ?
Савны хорт хавдрыг эрт оношлох зорилгоор умайн хүзүүнээс гуужсан эсийг авч шинжилж харахыг хэлж байгаа юм. Эсийн шинжилгээгээр эмч хүн хараад оношилж чадахгүй тэр бүү хэл, ЭХО-гоор ч оношлох боломжгүй эсийн өөрчлөлтүүдийг илрүүлдэг. Эсийн өөрчлөлт өгсөн суурь өвчин байгаа үед 3-10 жилийн дараа хорт хавдар үүсдэг. Үүнийг эрт үед нь илрүүлэх зорилгоор эсийн шинжилгээ авдаг юм.

Халдвараас урьдчилан сэргийлэх боломжтой юу?
Боломжтой. Нэн түрүүнд хавдрын талаар мэддэг байх хэрэгтэй. Жилд нэг удаа эсийн шинжилгээ өгөх болон мэргэжлийн эмчид хандаж байх нь зөв. Ялангуяа цэвэршилтийн насны болон дараах үеийн хүмүүс онцгой анхаарах хэрэгтэй. Учир нь хавдар өвчин нас ахих тусам өвчлөх магадлал өндөрсдөг өвчин юм. Мөн эрчүүддээ хандаж хэлэхэд бэлгийн харьцаанд орохдоо хамгаалалттай буюу бэлгэвчийг зохих ёсоор хэрэглэх хэрэгтэй. Хэдийгээр хавдар нь вирусын гаралтай боловч эр хүн өөрөө өөрөөсөө өвддөггүй харин тараагч гэсэн үг юм.

Эмэгтэйчүүдийн хавдар сүүлийн үед ихсэж байна. Мөн залуужиж байна гэж ярих болсон?
Сүүлийн үед хавдар ер нь ихсэх хандлагатай болоод байна. Монголд долоо хоног бүр 3 хүн шинээр өвдөж 2 хүн нас бардаг эмгэнэлт байдалтай. Уг нь эрт илрүүлбэл эмчлэх боломжтой. Залуу эмэгтэйчүүдэд хавдрын урьдал эмгэгүүд хөнгөн хэлбэрээр илрэх нь элбэг байдаг. Гэхдээ 60 орчим хувь нь өөрөө эргээд эдгэдэг. Ховор тохиолдолд 25 наснаас өмнө хорт хавдар үүсдэг. Нэгэнт үүссэн хавдар залуу хүнд арай хурдан тархах явдал бий. Гэхдээ умайн хүзүүний хавдар залуу хүнд илүү хурдан үүсч эхлэхгүй, ялгаагүй олон жил үргэлжилнэ. Нас харгалзахгүй хурдан явцтай хавдрын ховор төрөл гэж тусдаа байдаг.

ene elgemsuu ichij amidaraasai eoe