Жирэмслэлтийн эхний өдрөөс л эмэгтэй хүн хоол хүнснээсээ хангалттай уураг авч байх ёстой. Уураг бол ургийн эд эсийг “босгох” гол тулгуур юм. Max, загас, сүү, аарц, исгэлэн сүүн бүтээгдэхүүн, өндөг, самар, шошийн бүтээгдэхүүн зэрэг нь уургийн үндсэн эх булаг болно. Түүнчлэн нүүрс ус болон ургамлын эслэгээр баялаг хүнсний бүтээгдэхүүн дутахгүй ач холбогдолтой. Эдгээр бүтээгдэхүүнд хар болон хөх тарианы талх, бүх төрлийн будаа, жимс, ногоо орно. Өөх тос нь энергийн үндэс тул жирэмсэн эмэгтэйн хүнсэнд Е витамин болон хүчлээр баялаг ургамлын тос байх ёстой. Үүнд наранцэцгийн, эрдэнэ шиш, чидун тос орно. Харин амьтны гаралтай өөх тос, хүнсний зүйл нь зүрх судасны системд ачаалал өгдөг тул бүү хэрэглээрэй. Жирэмсний үед витамин хангалттай авч байх хэрэгтэй. Витамины дутмагшлаас болж үр зулбах, төрөлхийн гажигтай хүүхэд төрөх үндсэн шалтгаан болдог. Хоёр дахь долоо хоногоос үр хөврөлийн тархи эрчтэй хөгждөг үе тул фолийн хүчил маш чухал үүрэгтэй.
-Фолийн хүчил нь ногоон сонгино, яншуй, бууцайнд илүү их агуулагддаг.
-Мөн элэг, мах, бөөрөнд арай бага хэмжээгээр байна.
-Кальци, фосфор, кали болон төмөр, зэс зэрэг эрдэс давс, микроэлементүүд жирэмсэн эмэгтэйчүүдэд маш хэрэгтэй. Жишээ нь кальцийн ургийн яс бэхжүүлэх болон жирэмсэн эмэгтэйн ясны эд эсийг хамгаалахад нэн чухал үүрэгтэй. Жирэмсэн эмэгтэй өдөр бүр 1,5 литр шингэн зүйл /цай, ус, компот, шүүс/ уух | 
