Б.Сарантуяа, Т.Ариунаа нарын ханш яльгүй өсөв
Гавъяат жүжигчин Б.Сарантуяа, Т.Ариунаа нар энэ  жил 3-4 дууг гурван сая төгрөгөөр дуулна. Энэ нь мэдээж өнгөрсөн жилийнхээс бага зэрэг өссөн тоо.

Тэдний сүүлийн үеийн уран бүтээлээс сонирхуулахад, дуучин Б.Сарантуяагийн ээждээ зориулсан орос дууны тоглолт нь хөл хорио тогтоосны улмаас хойшлогдсон.

Энэ хугацаанд уран бүтээлч маань тоглолтынхоо бэлтгэлийг базааж буй. Т.Ариунаагийн хувьд ч бэлтгэлтэй гүйж явна лээ. Учир нь ирэх сард түүний удаан хүлээлгэсэн бие даасан тоглолт нь эгшиглэх юм.
 

Хамгийн бага нь В.Дашдондогийнх
Дуучин Б.Дашдондог гавъяатууд дундаа хамгийн бага ханштай нь. Түүний хувьд шинэ жилээр гурван дуугаа сая төгрөгөөр дуулах юм байна.

Сүүлийн үед өөрийн бие даасан уран бүтээл дээр ажиллах болсон тэрбээр шинэ жилийн өмнөхөн шинэхэн цомгоо өлгийдөх аж.

Одоогоор түүнд нэлээд хэдэн газраас захиалга ирсэн байна. Мөн шинэ жилтэй давхцуулан өөрийн шинэ уран бүтээлийн баяраа хийх төлөвлөгөөтэй байгаа аж.
 

Хос дуучдын ханш шүүмжлэл дагуулдаг
Тэгвэл хайрын хос дуучид болох О.Анхаа, Г.Халиун нар 2-3 дуугаа 1.2-1.8 сая төгрөгөөр дуулахаар болсон байна. Тэдний хувьд Америк, Япон, Солонгос зэрэг орноор аялаад саяхан эх орондоо ирсэн.

Одоогоор шинэ уран бүтээлдээ шамдах болжээ. Мөн жирийн үед хуримын урилгад дарагддаг уран бүтээлчид маань өдөр ирэх бүр ханшаа өсгөдөг сурагтай.

Сүүлдээ "Тэдний хэлсэн тоог өгөх хэцүү болсон" гэх шүүмжлэл гараад буй. Яахав дээ Монголдоо ганцхан хайрын хос дуучид гэж онгирдог юм байгаа биз.
 

Тэд 500-700 мянган төгрөгөөр дуулна
Рок, попын залуухан хамтлаг, дуучид "Киви", “Гурван охин", ВХ, Эгшиглэн, зэрэг уран бүтээлч 2-3 дуундаа 500- 700 мянган төгрөгийн ханш тогтоожээ.

Тэдний сүүлийн үеийн уран бүтээлээс сонирхоход, "Киви" хамтлаг удахгүй болох таван жилийн ойн тоглолтоо бэлдэж байна.

Мөн "Гурван охин" ч гэсэн шинэ жил гаргаад анхны бие даасан тоглолтоо хийнэ гэсэн.

Дуучин ВХ-ийн хувьд үрийн зулай үнэрлэх бэлтгэлээ базааж байгаа юм. 
 

Т.Батсайхан