Тэдэнтэй адил хувь заяа Францчуудыг хүлээж байсан.  Гэвч Уйльям Галлас тун эргэлзээтэй гоол оруулж Гурван өнгөтнүүдийг аварсан. Талбай дээрээ Ирландын хүлээж авсан хэдий ч Доменегийн цэргүүд тун хангалтгүй тоглож 30 дахь минутаас Киний гоолоор ялагдаж эхэлсэн юм. Улмаар үндсэн цаг энэ харьцаагаар өндөрлөж нэмэлт цаг эхлэхэд Флорен Малудагийн чөлөөт цохилт Анригийн ”гараар дамжиж” Галлас тэнцээний бөмбөгийг хийжээ. Кевин Дойл энэ талаар ”Taлбайн шүүгч хардаггүй юм аа гэхэд хажуугийн шүүгч үүнийг хармаар л юмдаа. Үнэхээр шударга бус зүйл боллоо. Гэхдээ би Анриг буруутгахгүй тэр рефлексээрээ л тийм зүйл хийсэн байх. Харин шүүгч энэ бүхнийг шударгаар шийдэх байсан юм” гэжээ. Мөн Италийн дасгалжуулагч Жиованни Трапаттони ч энэ шударга бус явдал дургүйцэж байгаагаа илэрхийлжээ.
Сонгон шалгаруулалтын ихэнхи тоглолтыг 1 : 0-ийн харьцаатай өндөрлүүлсэн Доменегийн хөвгүүд ямар ч байсан ирэх жил Өмнөд Африк очих боллоо. Гэхдээ үлдсэн хугацаанд Раймон багтаа шинэчлэлэ хийхгүй бол хэсгийн шатнаас цааш хол явахад хүндрэлтэй харагдаж байна.

Португалчууд багийн ахлагч К.Роналдугүйгээр Боснийг ”дөнгөж” ДАШТ-ийн эрхээ өвөртөлсөн. Өмнөх тоглолтонд бага зэрэг бэртэл авсан Декү энэ удаа сэлгээнээс талбайд гарсан бөгөөд Раул Мейрелеш 56 дахь минутад ‘ялалтын бөмбөгийг багтаа авчирчээ. Тоглолтын сүүл рүү Боснигийн фенүүд талбай руу хатуу биет шидэж хажуугийн шүүгчийг бэртээснийг эс тооцвол өөр сонирхолтой зүйл энэ тоглолтонд болсонгүй.
Европын Бразилчууд Өмнөд Африк руу

Андрей Шевченкогийн сүүлчийн удаа дэлхийн аваргад оролцох найдварыг Грекчүүд тасалдууллаа.  Панатинайкосын довтлогч Салпингидис 32  дахь минутад  Андрей Пятовын хаалганд гоол оруулсан аж.

Энэ хооронд Алжирийн шигшээ Египетийг ялж Африкийн бүсийн сүүлийн эрхийг авсан. Өнөө шөнө Уругвай  – Коста Рикагийн багууд хэн нь Африк явах эсэхээ шийднэ.