Монгол хэлэнд нэгэн гадаад орны аман ярианы ганцхан үг ноёрхоод удаж байна. Тэр үгээр Монголын нялхуудаас авахуулаад өвгөд хүртэл эр эмгүй баяр хөөр, уур, уцаар, хайр сэтгэл, дургүйцлээ илэрхийлнэ. Хөх чоноос гаралтай, догшин ширүүн бид нар тэр үгийг хэрхэн хэрэглэж буйг хэдхэн жишээгээр төсөөлөөд үзье.

…Дорж эсвэл Пүрэв гэрээсээ гарч байна. Цаад өрөөнөөс нь эхнэр нь : -"П…" минь ажилдаа явлаа юу?. Дорж:-Нөгөө "П…" чинь (дарга нь) ирчихээд амар заяа үзүүлэхгүй, явахаас…

-Миний өвгөн "П…" орой битгий нөгөө хар "П…"-гаа битгий гудраад явчихаарай! –Юу гэж дээ. Чи муу "П…" дандаа л ингэж байх юм. –За, за. Баяртай миний "П…". –Баяртай, "П…".

Дорж эсвэл Пүрэв ажлын зүг алхана. Өмнөөс нь танил нь айсуй. Д- П бодох нь "Нөгөө муу "П…" мөн үү дээ. Тэд уулзав. Танил нь: –Ээ, хам "П…" сайн уу? Д-П: -Сайн, чи муу хар "П…" амьд уу? ингэж уулздаг байжээ…

…Галсан Ганчимэг хоёр амрагууд. Тэр хоёр цэцэрлэгт сууна. Галсан: -Миний хонгор "П…"! Би "П…"-даа хайртай. Ганчимэг айлгүйтэн –Би ч гэсэн! Би үргэлж "П…"-гаа санадаг шүү гээд түүнд наалдав.

…Тэмүүлэн, Түмэн хоёр бага ангийнхан. Түмэн Тэмүүлэнгийн авчирсан зургийг шүүрээд авав. Тэмүүлэн: -Болиоч, "П…"! Түмэн: -Яадгийм, "П…", би чамд зураг үзүүлдэг биз дээ, "П…". Багш нь: -Болицгоо, "П…"-нуудаа!

…Хоёр оюутан ярилцах нь: -"П…", "П…"! Өчигдөр нөгөө "П…"-нуудтай зад саваад, мөнгө ч "П…", өөрөө ч "П…". –Аа, тийм үү, тэгээд "П…" намайг хаяд яваа юу? "П…" минь чамайг би саяхан дайлаа биз дээ? Муу, сайн "П…"-нүүд хаана очив, тэгээд? –Яагаав, нөгөө "П…"-д. Тэндхийн үйлчилгээ ч "П…". Пиво нь ч "П…". Дахиад тэр "П…" рүү зүглэхгүй.

…Хоёр архичин муудалцжээ. –Ална шүү "П…" минь! –Харин чамайг ална шүү, "П…"! –Юу гэнэ ээ өөдгүй "П…". Нэг нь хажуугийн хүнд хандан -"П…", 100 төгрөг өгчих. Өгсөнгүй. –Өө, муу дарвайсан хар "П…". Чамайг ална мэдэв үү, "П…" минь!

Иймэрхүү жишээтэй. Тэгэхлээх хуучин "ах нараас" авсан тэр "П…" –гүйгээр амьдрахад мөн ч бэрхтэй байгаа биз. Тэр гайхалтай үг ардын аман зохиолд хүртэл багтаад авчээ.

…Нэгэн буриад Жанрайсиг бурхан бүтээснийг сонсоод үзэхээр явахад нь эхнэр нь захив. -"П…", чи тэр бурхан сахиусын газар очоод хараалаа урсгав аа! Жанрайсиг бурханы үзээд тэр буриад дээшээ харж байтал нь малгай нь унав. "П…" гэчихээд эхнэрийн захиасыг санан –Ямар "П…" шиг өдөр Жанрайсиг вэ? хэмээн үгээ төгсгөжээ. Ингээд миний бичлэг дуусваа, "П…"!

Ш.Самбуу