ИЗРИАЛЬ БА ХАМАС “ПАЛЕСТИНЫ ИСЛАМЫН ЭРС ҮЗЭЛТ ЗЭВСЭГТ БҮЛЭГ”-ЫН ХУВЬД ЭНЭ УДААГИЙН ДАЙН НЬ ЗАЙЛШГҮЙ ЯВДАЛ БАЙСАН ЮМ.АНХ БАЙГУУЛАГДСАН ЗОРИЛГО НЬ Л ГЭХЭД “ИЗРИАЛИЙГ УСТГАХ” ХАМАСЫН ХУВЬД ӨНГӨРСӨН ЖИЛИЙН 6 САРД БАЙГУУЛАГДСАН 6 САРЫН ХУГАЦААТАЙ “ГАЛ ТҮР ЗОГСООХ ГЭРЭЭ” НЬ ИЗРИАЛИЙГ УСТГАХЫГ ТҮР ХОЙШЛУУЛАХ ГЭСЭН УТГААР ТУСАЖ БАЙСАН ЮМ.ИЗРИАЛ Ч ГЭСЭН ЭХ НУТАГ РУУ НЬ ЗАЙ ЗАВСАРГҮЙ ПУУЖИН ХӨӨРГӨЖ БУЙ “ТЕРРОРИСТ БҮЛЭГ”-ИЙГ ЗҮГЭЭР ОРХИХ УЧИР ШАЛТГААН БАЙХГҮЙ БАЙЛАА.УЛС ТӨРИЙН ТАВЦАНД ХАМАСЫГ ГАРЧ ИРЭХ ХҮРТЭЛ ПАЛЕСТИНЫГ ТӨЛӨӨЛЖ БАЙСАН ХҮЧ НЬ “ПАЛЕСТИНЫГ ЧӨЛӨӨЛӨХ БАЙГУУЛЛАГА”-ЫН УДИРДАГЧ ЯСИР АРАФАТ\1929-2004\ АГСАНЫ ЖОЛООДОЖ ИРСЭН ФАТАХ НАМ БАЙСАН ЮМ.ФАТАХ НАМЫН УДИРДАЖ ИРСЭН ПАЛЕСТИНЫ ӨӨРТӨӨ ЗАСАХ ЗАСГИЙН ГАЗАР НЬ 1994 ОНД ИОРДАН ГОЛЫН БАРУУН ЭРЭГ БА ГАЗЫН ЗУРВАСТ ӨӨРИЙН АВТОНОМИТ ЭРХИЙГ ИЗРИАЛААР ХҮЛЭЭН ЗӨВШӨӨРҮҮЛЖ ЦААШДАА БҮРМӨСӨН ТУСГААР ТОГТНОХЫН ТӨЛӨӨ ИЗРИАЛЬТАЙ ХЭЛЭЛЦЭЭ ХИЙЖ БАЙВ.ГЭВЧ ИСЛАМЫН ЭРС ҮЗЭЛТ ХАМАС НАМ ПАЛЕСТИНЫ ИРГЭДТЭЙ ТУЛЖ АЖИЛЛАХ ЗАМААР ПАЛЕСТИНЧУУДЫН ДЭМЖЛЭГ ОЛЖ АВААД УЛМААР 2006 ОНЫ 2 САРД БОЛСОН БҮХ НИЙТИЙН СОНГУУЛЬД ФАТАХ НАМЫГ ЯЛЖ ЭРХ БАРИГЧ НАМ БОЛСНООР БАЙДАЛ ЭРС ӨӨРЧЛӨГДЖЭЭ.ХАМАС БА ФАТАХЫН ЭРХ МЭДЛИЙН ТӨЛӨӨХ ЗӨРЧИЛ ЭЦЭСТ НЬ 2007 ОНЫ ИРГЭНИЙ ДАЙНД ХҮРГЭЖЭЭ.ҮҮНИЙ ҮР ДҮНД ПАЛЕСТИН НЬ ФАТАХЫН ЭЗЭМШЛИЙН ИОРДАН ГОЛЫН БАРУУН ЭРЭГ, ХАМАСЫН ЭЗЭМШЛИЙН ГАЗЫН ЗУРВАСААР ХОЁР ХУВААГДЖЭЭ.ИЗРАЙЛЬ НЬ ЭНЭ ҮЕЭС ЭХЭЛЖ ИОРДАН ГОЛЫН БАРУУН ЭРЭГТ ТӨРӨЛ БҮРИЙН ТУСЛАМЖ ҮЗҮҮЛЭН ГАЗЫН ЗУРВАСЫН ХИЛ, ДАЛАЙН ГАРЦЫГ ХҮРТЭЛ ХААЖ ӨРГӨН ХЭРЭГЛЭЭНИЙ БАРАА, ШАТАХУУН, УС БОЛОН ЦАХИЛГААНЫГ ХЯЗГААРЛАЖ “ХАМАСЫГ ТУЙЛДУУЛАХ” АЖИЛЛАГААГ ЯВУУЛЖ ИРЖЭЭ.ҮҮНИЙГ ЭСЭРГҮҮЦЭЖ ХАМАС НЬ ИЗРИАЛЬ РУУ ПУУЖИН ХАРВАЖ ЭХЭЛСНЭЭР ОЙРХ ДОРНОДОД ДАЙНЫ ҮҮЛ ХУРАЛДСАН БОЛОВЧ ӨНГӨРСӨН ЖИЛИЙН 6 САРЫН 19-НД ЕГИПЕТИЙН ЗУУЧЛАЛААР 6 САРЫН ХУГАЦААТАЙ “ГАЛ ТҮР ЗОГСООХ ГЭРЭЭ” БАЙГУУЛАГДАЖ МӨРГӨЛДӨХ АЮУЛ ТҮР ХОЙШЛОГДЖЭЭ.ГЭВЧ ӨНГӨРСӨН САРЫН 19-НД ГЭРЭЭНИЙ ХУГАЦАА ДУУСМАГЦ ХАМАС НЬ ХҮЛЭЭЖ БАЙСАН ЮМ ШИГ ИЗРИАЛЬ РУУ ПУУЖИНГЫН ДОВТОЛГООГОО ЭХЭЛСЭН ЮМ.УЧИР НЬ ГЭРЭЭНИЙ ЗААЛТАНД ХАМАС ПУУЖИНГЫН ДОВТОЛГООГОО ЗОГСООСНЫ ХАРИУД ГАЗЫН ЗУРВАСЫН ДАЛАЙН ГАРЦЫГ ХААХГҮЙ ГЭСЭН ЗААЛТ БАЙСАН БОЛОВЧ ИЗРИАЛИЙН ТАЛ ҮҮНИЙГ ТАТГАЛЗАН БИЕЛҮҮЛЭЭГҮЙ ГЭНЭ.ХАМАС НЬ ИЗРИАЛИЙН ХОРИГ ХААЛТААС БОЛЖ ХҮНД БАЙДАЛД ОРСОН ЮМ.ГАЗЫН ЗУРВАСЫН ЭДИЙН ЗАСАГ СҮЙРЧ, АРД ИРГЭДИЙН АМЬДРАЛ ХӨӨРХИЙЛӨЛТЭЙ БОЛМОГЦ ҮҮНИЙ ХАРИУЦЛАГЫГ ИЗРИАЛИАС БУС ХАМАСААС НЭХЭХ ХАНДЛАГА ГАЗАР АВЧ ЭХЭЛЖЭЭ.ХАМАС НЬ ЭНЭ УДАА ИЗРИАЛИЙН ЗҮГЭЭС АВЧ БУЙ ХИЛИЙН ХОРИГИЙГ ЯМАР Ч ХАМААГҮЙ АРГААР ЦУЦАЛСАН ЗААЛТТАЙ ГА ЗОГСООХ ГЭРЭЭ ХИЙХ ЗОРИЛГОТОЙ НЬ ХАРАГДАЖ БАЙНА.ИЗРИАЛЬ НЬ ХАМАСЫН ПУУЖИНГЫН ДОВТОЛГООНООС ӨӨРИЙГӨӨ ХАМГААЛАХ ШААРДЛАГЫН ҮҮДНЭЭС ДАЙНЫГ ЭХЛҮҮЛСЭН ЮМ.УРД НЬ 10-20 КМЭЭС ХОЛ ТУСДАГГҮЙ БАЙСАН ХАМАСЫН ПУУЖИН ЭНЭ УДААД 30-ААС ИЛҮҮ КМ ХОЛ ТУСАЖ, НИЙСЛЭЛ ТЕЛ-АВИВЫН ХАМАР ДООР АШУТУД-Д ЦОХИЛТ ӨГСӨН НЬ ЯАЛТ Ч ҮГҮЙ ИЗРИАЛИЙН АЮУЛГҮЙ БАЙДАЛД АЮУЛ УЧРУУЛЖ БАЙГАА ЮМ.ИЗРИАЛИЙН ГАДААД ХЭРГИЙН ЯАМНЫ ВЭБ САЙТАД 7 САЯ ХҮН АМЫНХ НЬ 1 САЯ ОРЧИМ НЬ ЭНЭ АЮУЛЫН ШУУД ЗАНАЛХИЙЛЭЛ ДООР БАЙНА ГЭЖ БИЧИГДЖЭЭ.12 САРЫН 27-НД ДАЙН ЭХЛЭЭД 1САРЫН 4 ХҮРТЭЛ 9 ӨДРИЙН ХУГАЦААНД ХАМАС НЬ ИЗРИАЛЬ РУУ 343 УДАА ПУУЖИН, 137 УДАА МИНОМЕТ ХАРВАЖЭЭ.МӨН ИЗРИАЛИЙН ДАЙН ЭХЛҮҮЛСЭН БАС НЭГ ШАЛТГААН НЬ УЛС ТӨРИЙН БАЙДАЛ ЮМ.ЭХ БАРИГЧ КАДИМА НАМ ИРЭХ 2 САРД БОЛОХ СОНГУУЛЬД ЯЛАХ ЭСЭХ НЬ ТОДОРХОЙГҮЙ БАЙГАА УЧРААС ДАЙН ХИЙЖ ЯЛАЛТААР ТӨГСГӨН СОНГОГЧИДЫН ӨРГӨН ДЭМЖЛЭГ АВАХ ЗОРИЛГОТОЙ БАЙГАА ЮМ.КАДИМА НАМ НЬ 2006 ОНД ЛИВАНТАЙ ХИЙСЭН ДАЙНД ЯЛАГДСАНЫ ХАРИУЦЛАГЫГ ҮҮРЧ ОГЦОРСОН ЕРӨНХИЙ САЙД АСАН ЭХҮД ОЛМЕРТИЙН УДИРДЛАГЫН ДООР БАЙЖ БАЙГААД ОДОО НАМЫН УДИРДЛАГА ИЗРИАЛИЙН ГАДААД ХЭРГИЙН ЯАМНЫ САЙД ЖИМИ ЛИВИНИ-ГИЙН ГАРТ БАЙГАА БӨГӨӨД ЖООХОН Л ЭВГҮЙТВЭЛ УЛС ТӨРИЙН ЭРХ МЭДЭЛ ЕРӨНХИЙ САЙД АСАН БЯНАМИН НЕТАНЯХУ-ГИЙН УДИРДДАГ РИКУД НАМД ШИЛЖИН ОЧИХ МАГАДЛАЛ ӨНДӨР БАЙГАА ЮМ.ИЗРИАЛЬ НЬ АРД ТҮМНИЙХЭЭ АМЬДРАЛД ГҮН ГҮНЗГИЙ ҮНДСЭЭ СУУЛГАСАН ХАМАСЫГ ЗАДЛАН БУТАРГАХ НЬ ХҮНД ХЭЦҮҮ ГЭДГИЙГ МАШ САЙН ОЙЛГОЖ БАЙГАА.ИЗРИАЛИЙН ТАЛААС ЦЭРЭГ, ПАЛЕСТИНЫ ТАЛААС ЭНГИЙН ИРГЭДИЙН ГАРЗ ХОХИРОЛ ИХ УЧИРЧ БОЛОХ ГУДАМЖНЫ БАЙЛДААНААР ХАМАСЫН 15 МЯНГАН БАЙЛДАГЧИДЫГ БҮРЭН УСТГАНА ГЭВЭЛ БҮТЭХГҮЙ ХЭРЭГ ЮМ.43 ХҮНИЙ АМЬ НАСЫГ АВЧ ОДСОН 6-НЫ ӨДРИЙН НҮБ-ЫН СУРГУУЛИЙГ БӨМБӨГДСӨН ШИГ ХЭРЭГ ЯВДАЛ ДАХИН ДАХИН ГАРВАЛ ИЗРИАЛЬ ДАЙНЫГ ҮРГЭЛЖЛҮҮХЭД ХҮНД БОЛОХ БОЛНО.ИЙМ УЧРААС ХОЁР ТАЛ УДАХГҮЙ ГУРАВ ДАХЬ УЛСЫН ЗУУЧЛАЛААР ХЭЛЭЛЦЭЭНИЙ ШИРЭЭНИЙ АРД СУУХ МАГАДЛАЛ ӨНДӨР БАЙГАА ЮМ.