Хоолоор эмчлэхүй

Өтгөн хатахаас сэргийлэхийн тулд ямар хоол хүнс хэрэглэвэл зохимжтой талаарх зөвлөгөөг хүргэе.

 Төмсний шүүс
Төмсөнд витамин В1, С маш ихээр агуулагддаг бөгөөд шинэхэн төмсний шүүс нь ходоод болон 12 хуруу гэдэсний хямралыг эмчлэх хамгийн үр дүнтэй “эм” юм. Шинэхэн төмсийг сайтар угаан хальсалж, үрүүлээр үрнэ. Дараа нь марльд боож, шүүсийг шилэн саванд шахна. Өнгө нь хувирдаг тул аль болох хурдан шүүслэх нь чухал. Ингээд өглөө, орой буюу өдөрт 2 удаа 1-2 жижиг халбагаар аль болох өлөн буюу өлсөж байхдаа уувал илүү үр дүнтэй.

 Байцааны шүүс
Түүнд ихээр агуулагддаг витамин С, U нь өтгөн хаталт, бүдүүн шулуун гэдэсний шархлаа үүсэхээс сэргийлдэг. Байцааг маш сайн угааж цэвэрлээд жижиглэн хэрчиж, машинаар няцлана. Бага зэрэг лимоны шүүс хийгээд идэж болно.

 Алимны нухаш
Алиманд пектин ихээр агуулагддаг тул гэдэсний ханыг хамгаалахаас гадна өтгөн хатах, суулгахаас аварна. Мөн адил үйлчилгээ бүхий лууванг нэмэхэд нэн сайн. Алим, луувангаа сайтар угааж, хальсална. Үрүүлээр үрэх юмуу, машинаар няцалж адил хэмжээтэйгээр стаканд хийж ууна. Өглөөний хоолноос 30 минутын өмнө уувал сайн.

 Хушганы цай
Хушганд сайн чанарын тос, уураг, витамин, минерал агуулагддаг. Гэдэсийг чийгшүүлэх өнгөржүүлэхэд нэн тустай. Мөн гэдэсний гүрвэлзэх хөдөлгөөнийг сайжруулдаг. Түүн дээр хар гүнжидийг (кунжуд, сезам ч гэдэг) нэмбэл илүү үр дүнтэй болно. Хушигны үр, хар гүнжидийг тус бүр 60 гр хийж сайтар нухна. Дараа нь халуун ус хийгээд өглөө бүр уугаарай. Харин гүйлгэх “дуртай” хүмүүс болгоомжтой хэрэглэх хэрэгтэй.

 Кивиний шүүс
Кивинд витамин С, пектин ихээр агуулагддаг тул өтгөн хаталтаас сэргийлдэг. Арьс хуурайшихад тустай. Нэг ширхэг кивиг хаьсалж, нимгэн хэрчинэ. Самбайнд боож шүүсийг нь шахаад өглөөний хоолны өмнө уухад сайн.

Жүржийн жүүс
Энэ жимс витамин С-гээр баялаг. Өглөө босонгуут уухад үр нөлөө сайтай. Хоёр ширхэг жүржийг хальсалж, машинаар няцлана, халуун ус бага зэрэг нэмэх юм уу, тараг нэмээд ууж болно.

Накамүра Тэйжи, Яманоүчи Шинжи, “ХООЛООР ЭМЧЛЭХҮЙН ТОЛЬ БИЧИГ”-ээс

Гэдэс цэвэрлэх энгийн аргууд

УОКЕРИЙН БУРГУЙ

Хоёр литр буцалгасан, бүлээн усанд 1 хоолны халбага нимбэгний шүүс хийнэ. Хагас нимбэгний шүүс яг ийм хэмжээтэй байдаг. Хэрвээ нимбэг байхгүй бол 4-6% алимны уксусаар орлуулж болно. Эдгээрийг Эсмархын аяганд хийгээд 1,5 м өндөрт өлгөөд хоолойныхоо бөглөөг авна. Дараа нь хоолойныхоо үзүүрийг ургамлын тосоор тосолно. Улмаар өвдөг, тохой дээрээ дөрвөн хөллөөд бөгсөн талаа мөрнөөсөө арай өндөрт байлгана. Хоолойныхоо үзүүрийг шулуун гэдсэндээ аль болох гүн 25-50 см оруулна. Гэхдээ эхний удаа бол 5-10 см байхад хангалттай. Гэдсээ суллаад амаараа амьсгална. Энэ аргыг бие зассаны дараа буюу эсвэл орой ажлаа тараад унтахын өмнө хэрэглэвэл зохимжтой. Давтамж нь:

Эхний 7 хоногт өдөр бүр
2 дахь 7 хоногт өдөр өнжөөд
3 дахь 7 хоногт 2 өнжөөд
4 дэх 7 хоногт 3 өнжөөд
5 дахь 7 хоногт 1 л удаа

Үр дүн. Энэ аргыг хэрэглэх үед ус нь механик цэвэрлэгчийн үүрэгтэй байдаг бол нимбэг нь гэдэсний дотоод орчны pH-ыг хэвийн болгож өгнө.

БАСТИ АРГА
Йогуудын хэрэглэдэг байсан энэ аргын зарчим нь шулуун гэдсэндээ хоолой шургуулаад хүйсээрээ татсан усанд орж алгаараа өвдгөө тулан бага зэрэг бөхийгөөд бөгснийхөө нүхийг хумин, өрцөө аль болох дээш нь татах юм байна. Энэ үед ус бүдүүн гэдэс рүү орох бөгөөд Ганга мөрний усанд мөнгө ихээр агуулагдсан байдаг учир энэ аргын эмчилгээний үр дүн тодорхой гэж үздэг байна. Гэдсээ шахах замаар тэд усыг буцаан хөөдөг ба тодорхой хугацаагаар гэдсэндээ тогтоон бариад хэд хэдэн хөдөлгөөн хийгээд усаа гаргадаг байжээ. Энэхүү дасгалыг датаж хийснээр дэлүү, усан хаван, амьсгалын замын бүх өвчин эдгэрдэг байна.

ШАНК ПРАНКШАЛНА
Бүдүүн гэдсээ цэвэрлэсний дараа долоо хоногт 2-3 удаа эсвэл улиралд нэг удаа хоол боловсруулах эрхтнээ цэвэрлэхдээ энэ аргыг хэрэглэж болно. Шанк пранкшална буюу Варисара гэдэг нь яг л хөндий тосгуураар ус урсан өнгөрөх шиг хоол боловсруулах бүх эрхтнийг усаар угаах гэсэн утгатай юм.

Бэлтгэх ажиллагаа:

Усыг биеийн хэмтэй адилхан болтол нь халаагаад 1 литр усанд 5-6 гр байхаар тооцож давс хийнэ. Энэ нь цусан дахь давсны хэмжээнээс арай их гэсэн үг юм. Хэрвээ ус хэтэрхий шорвог санагдвал ууж болохуйц хэмжээнд хүртэл шингэлээрэй.

Тааламжтай үед:

Өглөө өлөн үе хамгийн тохиромжтой. Нийт угаах хугацаа 1 цаг 30 минут байхад хангалттай. Сураад ирэхээрээ 45-60 минут болдог байна. Хоол боловсруулах замаар ус урсан өнгөрөх зарчим дараах байдалтай. Үүнд:

- Нэг аяга давстай ус ууна
- Тэр даруйдаа зохих хөдөлгөөнийг хийнэ
- Дахин нэг аяга давстай ус уугаад бүлэг хөдөлгөөн хийнэ

Ингэхэд ус бөөлжис төрүүлэхгүйгээр аажмаар гэдэс рүү ордог. Нэг аягыг ууж улмаар 6 аяга хүргэх замаар энэ аргаа үргэлжлүүлээрэй. Дараа нь 00 ороорой. Эхний гүйлгэлт голдуу тэр дороо явагдаж, дараа нь арай зөөлөн, эцэст нь шингэн мөр харна. Хэрвээ ингэхгүй бол тэр дороо буюу 5 минутын дотор ус нэмж уухгүйгээр хөдөлгөөнөө үргэлжлүүлэх хэрэгтэй. Үүний дараа ч бас хүссэн үр дүн гарахгүй бол 0.5 литр ус, ердийн бургуй ашиглан угаалга хийх замаар гадагшлуулна.

Зөвлөмж

• Жорлонд орсныхоо дараа ариун цэврийн цаас хэрэглэж дуусаад бөгсөн биеэ бүлээн усаар угаах
• Хүссэн үр дүндээ хүрсний дараа 3 аяга давсгүй ус уугаад 2 хуруугаа амандаа хийж бөөлжин усаа гаргана
Йогуудын заншлаар бол ийнхүү ШАНК ПРАНКШАЛСНЫ дараа заавал ВАМАНА – ДХОУТИГ хэрэглэдэг.

1. Эхний хөдөлгөөн. Хөлнийхөө хооронд 30 см зайтай зогсоно. Гарынхаа алгыг дээш нь харуулан хуруунуудаа салаавчлаад дээш өргөнө. Энэ үед нуруугаа сайн тэгшлээд хэвийн амьсгална. Ташааныхаа дээд хэсгийг эргүүлэхгүйгээр эхлээд зүүн тийш хазайна. Энэ байрлалд удахгүйгээр тэгшрээд баруун тийш хазайна. Хос хөдөлгөөнийг 4 удаа давтаарай. Нийтдээ 8 удаа баруун, зүүн тийш хазайх энэ хөдөлгөөн нь 10 сек орчим болох бөгөөд ходоодны нугаламыг нээж усны зарим хэсэг ходоодноос 12 нугалаа гэдэс рүү орох боломж бүрддэг.

2. Энэ хөдөлгөөн нь усыг нарийн гэдэс рүү оруулна. Хөлдөө зай авч зогсоод баруун гараа эгц урагш сунган зүүн гарын эрхий долоовор хуруу баруун эгэмний орчим байхаар нугална. Дараа нь сунгасан баруун гараа аль болох хойш нь хаяж бүсэлхийгээрээ эргүүлнэ. Энэ үед хурууныхаа үзүүрүүдийг харж байх хэрэгтэй. Байрлалдаа удалгүйгээр эхний байрлалд шилжээд хөдөлгөөнийг нөгөө тал руугаа давтана. Нийт 10 сек хийнэ.

3. Могой хэмээх дараах хөдөлгөөнийг хийсний дүнд ус нарийн гэдэс рүү үргэлжлэн орсоор байх болно. Зөвхөн хөл болон гарын эрхий хуруунууд шаланд хүрсэн, харин бие хөндий байна. Хөлийн хооронд 30 см зайтай хөлөө 2 тийш нь салгасан байдалтай болсныхоо дараа толгой, бүсэлхийгээ гэдрэгээ эргүүлж эсрэг талынхаа хөл тавхайг харна. Энэ байрлалд удалгүйгээр эхний байрлалд шилжээд нөгөө тал руугаа хөдөлгөөнийг давтана. Үргэлжлэх хугацаа 10-15 сек.

4. Энэ хөдөлгөөн нь нарийн гэдсэнд орсон усыг бүдүүн гэдсээр дамжуулан гаргахад чиглэжээ. Хэдийгээр өвдөгний өвчтэй хүмүүсээс бусад хүн хийхэд хялбар боловч дасгал дотроо нэлээн түвэгтэй хөдөлгөөнд ордог. Хөлийнхөө хооронд 30 см зайтай, тавхайнууд ташааны гадна байхаар явган суугаад сарвуунуудаа өвдөгнүүд дээрээ тавина. Өвдөгний хооронд 30 см зайтай байна. Нөгөө хувилбар нь, биеэ эргүүлээд зүүн өвдгөө нөгөө хөлийнхөө харалдаа шаланд хүргэнэ. Алгаараа баруун ташаагаа зүүн тийш, зүүнийгээ баруун тийш аажмаар шахна. Ингэхэд гэдэс шахагдсан байдалтай болдог. Гэдсэнд өгөх ачааллыг нэмэх зорилгоор бүсэлхийгээ мушгируулан гэдрэгээ харна. Аль талруугаа эргэх нь гол биш. Нийт хугацаа 15 сек.

 Өлсөх аргаар цэвэрлэгээ хийх
Энэ аргыг Поль Брэгг нээжээ. Долоо хоногт 24-36 цагаар өлсөх нь өмнө нь хоол боловсруулах, шингээхэд зарцуулагдаж байсан эрчим хүчийг бие махбод өөр хэрэгцээндээ зарцуулах боломжийг өгдөг. Ийм хугацаанд гэдэсний ханан дахь өтгөний чулуунууд исэлдэж хананаасаа хөндийрдөг ба ингэж өлссөний дараа идэх эхний хоол бол амтлаагүй, тосгүй лууван болон байцааны шинэ салат байх ёстой.

Эх сурвалж: Г. П. Малаховын бичсэн, 10 жилд 30 сая уншигчтай болсон, эмчилгээний бестсэллэр гэгдэх “Анагаахуйн увдис” номоос.