Энэтхэг улс хэт их халсны улмаас амиа алдагсдын тоо 1200-т хүрч, 4780 хүн наранд цохиулж, эмнэлэгт хүргэгдсэн гэж тус улсын Эрүүл мэндийн яамнаас мэдээлжээ. Одоогоор Энэтхэгийн зүүн мужуудад +50 хэмийн халуун өдрүүд үргэлжилж байна. Амиа алдагсдын тоо эрчимтэй нэмэгдэж буй учир улсын сургууль, цэцэрлэгийн үйл ажиллагааг зогсоож, өндөр настан, жирэмсэн эх, багачуудыг гэрээсээ гарахгүй байхыг анхааруулаад байна.
Түүнчлэн Энэтхэгийн хэт халууны улмаас Андрха Прадеш мужийн асфальтан зам хайлсан байна. Энэхүү асфальтан замын хайлсан зургийг “India post олон нийтийн сүлжээнд “Энэтхэг хатаж байна” гэсэн гарчигтай байршуулжээ. Мөн нийслэл Шинэ Дели хотын хэд хэдэн асфальтан зам хайлсан байна. Энэтхэгт үргэлжилж буй халуун сүүлийн 10 жил тохиогоогүй үзэгдэл болж байгаа гэнэ.
Г.Бэхи