Ч.Сайханбилэг Монголыг хямралаас гаргах “мэргэн” санаа олжээ

Ерөнхий сайд  “2015-2016 онд хөгжлийн замаа хамтдаа сонгоё” гэсэн агуулгатай санал асуулгыг ард түмний дунд явуулсан. Тэгээд тус санал асуулгын  дүнг харгалзан Засгийн газрын ээлжит бус хуралдаан болж эдийн засгаа хямралаас гаргах тогтоолын төслийг УИХ-д өргөн барихаар болсон байна. Ерөнхий сайд Ч.Сайханбилэг  “иргэд санал асуулгад  оролцохгүй байх боломжтой байсан хэдий ч 365 мянган иргэн оролцсон нь миний төсөөлөөгүй өндөр үзүүлэлт” гэжээ. Тэгээд тэр цаашид Засгийн газар цаашид том бүтээн байгуулалтын төслийг түлхэх, мөн эдийн засаг, төсвийн бодлогоо цэгцлэж төсвийн алдагдлаа бууруулах чиглэлээр идэвхтэй үйл ажиллагаа явуулна. Засгийн газрын явуулж байгаа үйл ажиллагааг УИХ-аас дэмжиж  ажиллана гэдэгт итгэлтэй байна гэв.

Засгийн газрын н ээлжит бус хуралдаанаар эдийн засгийн хүндрэлийг даван туулах тухай УИХ-ын тогтоолын төслийг гаргаж, өргөн мэдүүлэхээр болов.  Макро эдийн засгийг тогтворжуулах,  Эдийн засгийн бодит өсөлтийг хангах  гэсэн хоёр үндсэн чиглэлийг хийх ажлынхаа төлөвлөгөөтэй хамт УИХ-д өргөн барихаар шийджээ.