БНСУ-ын Инчоноос Чэжүг зорьж яваад өнгөрсөн лхагва гарагт осолдсон “Sewol”  усан онгоцны зорчигчдыг аврах ажиллагаа ес дэх өдрөө үргэлжилж байна.

Аврах багийнхны мэдээлж буйгаар  нас барсан хүний тоо одоогийн байдлаар 187-д хүрч, 115 хүнийг үргэлжлүүлэн хайсаар байгаа аж.

Ослоос нийт 174 хүнийг аварч чадсан юм. Живсэн усан онгоцонд ажиллаж байгаа шумбагч нар нэг өрөөнөөс 48 охины цогцосыг олсон бөгөөд тэд бүгд аврах хантаазтай байжээ. Одоогоор живсэн онгоцны өрөө нэг бүрийг самнан сураггүй болсон хүмүүсийг хайсаар байгаа аж. Аврах багийн шумбагч нар тус усан онгоцны 111 өрөөний 35-ыг л шалгаад байгаа  юм.