Мэргэжлийн сүмогийн нэгдүгээр сарын тэмцээн дуусахад дөрвөн хоног үлдлээ. Тэмцээнийг ганц ч унаагүй ёкозүна Харүмафүжи тэргүүлэн, нэг унаатай ёкозүна Хакүхо нэхсэн хэвээр байна. Эзэн хааны цом манай хоёр аваргын хэн нэгэнд очих нь бараг тодорхой гэж хэлж болно. Арслангуудын хувьд тэдэнд хамгийн ойрхон байгаа нь 9 ялалттай Кисэносато.
Озэки цолоо эргүүлэн авахын тулд 10 ялах үүрэгтэй Барүто хэдийнэ 5 уначихсан байгаа тул түүнд сүүлийн өдрүүдэд унах эрх үлдсэнгүй. Унах эрхгүй болоод байгаа бас нэг бөх бол жюүрёогийн Такамисакари. Зургаа дараалан ялагдаж, 50 хувийн амжилт үзүүлэх бололцоогүй болсон тэрбээр дахин ганц ялагдахад л макүшитад унах болно.
Өчигдөр Такамисакари макүшитагийн монгол бөх Сэншёог барсангүй. Жюүрёогоос буувал зодог тайлна гэдгээ зарлаад байгаа түүний хувьд маргааш ч зодог тайлж магадгүй болоод байгаа юм. Харин холбооны зүгээс зиндаа буух болсон ч сүүлийн өдөр хүртэл барилдуулахыг хүсэж байна. Макүшитад унах аюул нүүрлээд байгаа манай Асасэкирюүгийн хувьд дөрөв ялахад жюүрёод үлдэнэ гэж мэргэжилтнүүд үзэж байгаа. Одоогийн байдлаар хоёр ялаад байгаа Б.Дашнямд сүүлийн дөрвөн өдөрт дахин хоёр даваа авах үүрэг тулгараад байна. Хөлөндөө хүнд гэмтэлтэй байгаа хүнд бас ч хэцүү даалгавар билээ. Гэхдээ монголчууд бүгд “Улаан луу”-гаа чадна гэдэгт итгэлтэй байна.
Энэ сарын 21-ний барилдааны үеэр нэгэн харамсалтай юм болсон нь жюүрёогийн монгол бөх Широнорюү хүзүүндээ хүнд гэмтэл авсан явдал байлаа. Эмч нар түүнийг бүтэн сар эмчлүүлэх шаардлагатай гэж оношилсон бөгөөд манай бөх макүшитад унах нь тодорхой болжээ. Сакайгава ояката шавийнхаа талаар “Хүзүүгээ хөдөлгөж ч чадахгүй байгаа болохоор барилдах арга үнэхээр алга. Тун харамсалтай юм боллоо” гэж ярьсан байна.
Озэки байсан Миябияма 10 ялагдан, жюүрёод унах нь гарцаагүй болсон. Озэки цолтой байсан бөхчүүд дээд зиндаанаас буувал зодог тайлдаг бичигдээгүй хуультай ч Миябияма жюүрёод барилдана гэдгээ зарлаад байгаа. Макүүчи зиндааг хоёр ёкозүна, жюүрёог 9 ялалттай Таканоива, макүшитаг нэг ч унаагүй Ониараши тэргүүлэн, манай бөхчүүд дээд гурван зиндаанд түрүүлэх боломжтой байна.
Зүүн Баруун
Хакүхо 10-1 Ёкозүна Харүмафүжи 11-0
Кисэносато 9-2 Озэки Какүрюү 8-3
Котоошюү 6-5 Озэки Котошёогикү 6-5
Гоэйдо 6-5 Сэкивакэ Барүто 6-5
Точиоозан 5-6 Комүсүби Шёохозан 2-9
Аминишики 5-6 M-1 Миёогирюү 6-5
Тоёоношима 4-7 M-2 Кёкүтэнхо 3-8
Тоёохибики 2-9 M-3 Кайсэй 4-7
Гагамарү 3-8 M-4 Аран 5-6
Хоомашёо гэмтэл M-5 Икиой 5-6
Точиношин 8-3 M-6 Аойяма 6-5
Такаясү 9-2 M-7 Масүнояма 3-8
Ёшиказэ 5-6 M-8 Чиёотайрюү 6-5
Токитэнкү 7-4 M-9 Такэказэ 4-7
Китатайки 6-5 M-10 Окиноүми 6-5
Ваканосато 4-7 M-11 Фүжиазүма 6-5
Саданофүжи 5-6 M-12 Тамаваши 5-6
Дайдо 3-8 M-13 Асахишёо 3-8
Шёотэнро 7-4 M-14 Такарафүжи 8-3
Точиновака 8-3 M-15 Котоюки 4-7
Миябияма 1-10 M-16 Тамаасүка 3-8
Монгол бөхчүүд
Жюүрёо
Б-6 Асасэкирюү Б.Дашням 3-5-3
З-9 Кёкүшюүхо Т.Эрдэнэбаатар 7-4
З-10 Азүмарюү С.Тодбилэг 5-6
З-13 Таканоива А.Баасандорж 9-2
Б-13 Широнорюү Э.Одгэрэл 2-9
З-14 Кагамио Б.Нанжид 6-5
Макүшита
З-1 Ониараши Ө.Өлзийжаргал 6-0
З-2 Сэншёо Э.Баярбат 4-2
Б-5 Араваши Э.Дөлгөөн 4-2
Б-6 Сэйро А.Өнөболд 4-2
З-28 Рюүо Э.Санчирболд 2-4
З-31 Вакамишёо Г.Ган-Эрдэнэ 4-2
З-32 Сакигакэ Я.Баттүшиг 5-1
Б-34 Чиёшёома Г.Мөнхсайхан 2-4
З-45 Тайга С.Шаравнямбуу 3-2
Б-50 Рюүонами Б.Буянжаргал 3-2
Санданмэ
З-12 Аратоши В.Цэрэндорж 3-3
Б-21 Тоорүгава Д.Ууганбаатар 2-3
З-45 Такакасүга Э.Энхманлай 2-3
З-54 Дайонами Б.Ууганбаяр 4-1
mmmmmmmmm
mmmmmmmmmmmmm