Үнэндээ энэ нь хүүхдийн гэрлэлтийг эсэргүүцсэн театрчилсан ажиллагаа байжээ. Энэхүү сонин арга хэмжээ өнгөрсөн бямба гаригт Норвегийн нийслэлд болжээ. Хүүхдийн эрхийг хамгаалдаг олон улсын “Төлөвлөгөө” гэдэг байгууллагын Норвегийн салбарын ивээлд 12 настай охин болон 37 настай эрийн “гэрлэх” ёслол Осло хотод болсон байна.

Урьдчилан бичсэн зохиолын дагуу тусгайлан шилж авсан жүжигчид “хүргэн”, “бэр” болон “санваартанд” тоглож, жинхэнэ хуримыг санагдуулж байжээ.

“Төлөвлөгөө” байгууллагын Норвегийн салбарын ерөнхий нарийн бичгийн дарга Улаф Томессены хэлснээр, уг арга хэмжээг зохион байгуулагчдын сэдсэний дагуу, “санваартан”-ыг охиноос залуу эрийн гэргий болоход бэлэн байна уу гэж асуусан шийдвэрлэх агшинд “сүмд” цугларсан олон зуун хүн “Болохгүй! Хуримыг зогсоо!” хэмээн хашгирчээ.

Хэрвээ өнөөдрийг хүртэл ихэд дэлгэрсэн Африкийн төв нутаг болон Өмнөд Азиас Европын хөрсөнд шилжүүлвэл, насанд хүрээгүй охидыг нөхөрт гаргах заншил хичнээн муухай, айдас төрмөөр байдгийг Норвегийн оршин суугчдад харуулах нь зохион байгуулагчдын зорилго байжээ.

“Энэ уламжлалын бүхий л балай, ялт шинж чанарыг дэлхийн янз бүрийн орнуудын хүмүүст бид үзүүлж чадлаа гэдэгт найдаж байна. Энэ асуудал надад маш ноцтой санагддаг бөгөөд үүнд бараг бүх хэрэгслийн анхаарлыг хандуулах хэрэгтэй. Тиймээс бидний зохион байгуулсан сэдэл ямар нэг хүрээнд баригдахгүй хэмээн би хэлэх байна” гэж Томессэн сурвалжлагчид мэдэгджээ.

Дэлхийн эрүүл мэндийн байгууллагын мэдээгээр, манай гарагт жил бүр 10 сая гаруй охиныг хүсэл зоригийг нь үл ойшоон, 18 нас хүрэхээс нь өмнө нөхөртгаргадаг байна. Дэлхийн олонхи оронд хүүхэд гэрлүүлэхийг хориглосон байдаг ч, хэд хэдэн оронд охидыг эрт нөхөрт гаргах заншил байсаар байгаа юм.

“Төлөвлөгөө” байгууллагын цуглуулсан баримтаас үзвэл,африкийн Нигер, Чад, Гвинейн болон Төв Африкийн Бүгд Найрамдах Улс, Азийн Бангладеш улсад энэ талын байдал хамгийн ноцтой байгаа ажээ.