“Ил тод уул уурхай” хэвлэлийн хурал өчигдөр болов. Энэ үеэр Уул уурхайн дэд сайд О.Эрдэнэбулган “Оюутолгой”-гоос зургадугаар сар гэхэд бүтээгдэхүүн экспортлохын тулд бүтээн байгуулалтын ажилд шаардлагатай газар олголт, газар эзэмшүүлэх, Оюутолгой-Гашуунсухайт чиглэлийн авто зам, хөндлөнгийн хяналтын лаборатори, дэд бүтцийн коридор зэрэг асуудлыг ойрын хугацаанд шийдвэрлэхээр төлөвлөснийг дуулгав. Тэндээс энэ онд зэсийн 300- 500 мянган тонн баяжмал экспортлохоор төлөвлөжээ. Уул уурхайн яамны Стратеги, бодлого төлөвлөлтийн газрын дарга Ч.Отгочулуу “Оюутолгойгоос хэдий хэмжээний бүтээгдэхүүн экспортлох нь баяжмал зөөх авто зам, боомтын нэвтрүүлэх хүчин чадал зэргээс шалтгаална” хэмээн ярилаа.

“Эрдэнэс Тавантолгой” компани БНХАУын “Chalco”-д энэ сарын 22-ноос нүүрсээ нийлүүлж эхлээд буй. Нэг тонн нүүрс олборлон, хил дээр хүргэ хэд 56 ам.доллар зарцуулж байгаа бөгөөд “Chalco”-д дээрх үнээр бүтээгдэхүүнээ нийлүүлж буй аж. Одоогоор “Chalco” компанитай хэлэлцээрээ үргэлжүүлж байгаа бөгөөд манай талаас нүүрсний үнийг өсгөх, тээврийн зардлаа бууруулахыг зорьж буй гэнэ. “Chalco”-д төлөх ёстой өрөө энэ онд нүүрсээ экспортолж барагдуулах юм байна.

Дашрамд дурдахад, Монгол Улс энэ онд 25 сая тонн нүүрс экспортло хоор төлөвлөжээ. Стратегийн ач холбогдол бүхий ор дод шинээр хамруулахаар 38 ордыг су далж буй. Дээрх ордуудаас алийг нь Страте гийн ордын жагсаалтад хамруулах боломж тойг удахгүй Засгийн газрын хуралдаа наар хэлэлцүүлэх юм байна. Үүний нэг Хөшөөтийн ордыг улсын төсвийн хөрөнгөөр хайгуул хийж илрүүлснийг О.Эрдэнэ булган ярилаа. Манайд газрын тос нийлүүлэгч эх үүсвэрийн тоо нэмэгдэж, БНСУ-ын SK, “S-Оil”, “Hyundai oil” болон Беларусийн компани шатахуун нийлүүлэх гэрээ байгуулж эхэлжээ.

Ирэх сард шатахууны үнэ литр тутамд 50-60 төгрөгөөр буурах боломжтойг Газрын тосны газрын дарга Г.Өлзийбүрэн ярьсан. Оюутолгойн ордын талбайд багтах “Entree Gold”-ийн хоёр тусгай зөвшөөрлийн асуудлаар холбогдох мэргэжилтнүүд тус компанид хэд хэдэн удаа шаардлага хүргүүлжээ. Хэрэв ашиглалтын лицензүүдийг Оюу толгойн бүлэг ордод хамруулахгүй, “Entree Gold” эзэмшвэл баялгаас олох ашиг, орлогын Монгол Улсад ногдох хувь ихээхэн буурахаар байгаа юм. Одоогоор дээрх асуудлыг шийдвэрлээгүй, “Entree Gold”-тай хэлэлцээр хийж буй аж.