ухааны
академиас зохион байгуулсан Ой тогтоолтын үндэсний аварга шалгаруулах
гурав дахь удаагийн тэмцээний 10 төрөлд оролцож, 4478 оноогоор Монголын
ой тогтоолтын аварга болсон юм.
Мөн 13-17 насныхны болон насанд хүрэгчдийн тэмцээнээс 12 медаль хүртсэн төдийгүй дэлхийн хоёр дээд амжилт тогтоожээ. Б.Намуунтуултай ярилцлаа.
-Оюун ухааны спорттой хэрхэн холбогдов?
-Нагац ах маань Оюун ухааны академийн тухай олж мэдээд суралцахыг санал болгосон. Өнгөрсөн оны арваннэгдүгээр сард нэг сарын сургалтад суусан. Харин энэ оны нэгдүгээр сараас эхлэн жилийн ангид сурч байгаа.
-Хичээллээд удаагүй мөртлөө Монголын ой тогтоолтын аварга болсон байна шүү дээ?
-Хичээллэснээсээ хойш Ой тогтоолтын үндэсний аварга шалгаруулах тэмцээнд анх удаагаа оролцлоо. Энэ спортоор хичээллээд удаагүй ч өөрийгөө танин мэдсэний үндсэн дээр тохирсон арга барилаа олсон учраас амжилт гаргасан. Уг тэмцээнээс 12 медаль, дунд болон насан хүрэгчдийн ангилалд цом хүртсэн. 12 медалийн ес нь алт, хоёр нь мөнгө, нэг нь хүрэл. Тэмцээний арван төрөлд авсан нийлбэр 4478 оноогоороо дэлхийд 48 дугаар байранд жагссан байна лээ. Энэ үзүүлэлтээр улсдаа нэгдүгээр байранд явж байгаа гэсэн.
-Үндэсний аварга шалгаруулах тэмцээнд ямар ямар төрлөөр оролцсон бэ?
-Тодорхой хугацаанд санамсаргүй байдлаар өгөгдсөн цифрийн дараалал цээжилдэг тооны марафон гэдэг төрөлд орсон. Энэ нь тав, 15 минут гэсэн хоёр хугацаатай. Би 15 минутын тэмцээнд дунд насны ангилалд дэлхийн дээд амжилт эвдсэн. Таван минутын хугацаанд 0, 1 гэсэн тоог цээжилдэг хоёртын тоолол гэх төрөлд бас дэлхийн дээд амжилт эвдсэн. Мөн хөзөр цээжлэх төрөлд нэг багц хөзрийг хоёр минутаас бага хугацаанд цээжлэн, алдалгүй санаж, олон улсын мастер болох гурван болзлын нэгийг хангасан. Биелүүлж амжаагүй нөгөө хоёр болзол нь нэг цагт хамгийн багадаа 10 багц хөзөр болон мянган цифрийн дараалал цээжлэх. Үүнээс гадна нэр, зүс царай, он тоолол, багананд өгөгдсөн үг цээжлэх төрлөөр оролцлоо.
-Оюун ухааны спортоор хичээллэдэг нь бусдаас ялгарах давуу тал байх. Тэр хэрээр хичээлдээ сайн болов уу гэж бодож байна?
-Математикийн хичээлдээ сайн. Тоо, томъёо цээжлэх болон унших хичээлд том ялгарал мэдэгддэг. Оюун ухааны академийн жилийн сургалтад хурдан уншлагын хичээл үздэг. Богино хугацаанд уншиж, их мэдээлэл авахыг сурч байна. Энэ мэтээр үзэж байгаа хичээл өөр учраас ялгаа мэдэгддэг.
-Оюун ухааны спорт бидний өдөр тутмын амьдралтай зайлшгүй холбогддог. Хүний зүс, царай, утасны дугаарыг шууд цээжилдэг үү?
-Өдөр тутмын амьдралд тохиолдох зүйлсэд ихээхэн ач холбогдол өгч, нэг, хоёр сарын хугацаанд заасан аргачлалаар хичээж, дасгал хийвэл автоматаар цээжилдэг зуршилтай болчихдог гэсэн. Миний хувьд хичээллээд удаагүй учраас хараахан зуршил болж амжаагүй. Гэхдээ өдөр тутмын амьдралд тохиолдсон хэрэгтэй бүхнийг алдалгүй цээжилдэг болох гэж хичээж байгаа.
-Цаашдын зорилго юу вэ. Ойрын хугацаанд ямар тэмцээнд оролцох вэ?
-Төгсөх
ангид сурдаг болохоор одоогоор элсэлтийн ерөнхий шалгалтдаа анхаарч
байна. Сургуулиа төгсөөд бэлтгэлээ шаргуу хийнэ. Ирэх есдүгээр сарын 28,
29-нд болох Хонконгийн нээлттэй тэмцээнд оролцоно. Мөн ирэх
арванхоёрдугаар сард ой тогтоолтын дэлхийн аварга шалгаруулах тэмцээнд
оролцож, дунд насны ангилалд дэлхийн дээд амжилт тогтооно гэсэн зорилго
өвөртөлсөн. Энэ тэмцээнд оролцсоноор ой тогтоолтын дэлхийн аваргад
өрсөлдсөн Монголын хамгийн анхны эмэгтэй тамирчин болох юм байна лээ.
okie.chamd amjilt husie.