Moderator: mgl_300
Бичлэгийн тоо 42,366
Амьдралын утга учир нь мөнгө биш харин түүний хэмжээндээ байдаг юм гэж ярих хүн олон. “Мөнгө цаас” нь багадсанаас болж салж сарнихдаа хүрэх гэр бүл ч олон л байгаа даа. “Хаана байсан? Хэнтэй уусан? Мөнгө чинь хаана байна?” танил асуултууд байгаа биз. Гэхдээ зөвхөн эхнэрүүд л ингэж асуудаг гэвэл худлаа. Нөхрийнх нь олж ирсэн мөнгө ууж идэхэд нь хүрдэггүй эхнэрүүд байж л байгаа. Ер нь цалин орлого өсөхийн хэрээр зардал ихэсдэг нь жам юмуу даа.
Хүн хүний хэрэгцээ өөр болохоор зарцуулах мөнгө нь ч бас л ялгаатай. “25 дугаар суваг” телевизийн “10000” нэвтрүүлэгт оролцогчид уг мөнгийг олж авахын тулд мөн ч олон янзын тайлбар тавьж байгаа харагддаг. Комиссын бараан дээр очоод өвлийн гутал, дулаан өмд аваад өмсчихнө гэж байгаа хүн болон энэ мөнгөөр ганц удаа ресторанд ороход хүрэлцэхгүй шүү дээ гэж байгаа хүн хоёрын хооронд бас ч ялгаа бий.
Гэтэл “нэг литр бензин 20000 болчихоосой хотын гудмаар салхи татуулан давхих юмсан” гэж нөгөө зарим нь мөрөөдөж байдаг байх юм. Баян гээд хорин хүний хоол идэхгүй шүү дээ, би ард түмэн, улс эх орондоо тустай ажил хийх гэж л хэмээн нөгөө зарим нь мөнгөний шуналаа тайлбарлана. Үнэхээр дур сонирхолтой ажлаа хийгээд тэр явцдаа бас ч олон гэр бүлийг тэжээгээд явчихаж байгаа бизнес эрхлэгчид ч бий л дээ.
“Money, money, money” эсвэл “Мөнгө аз жаргалын түлхүүрээ…” гээд л өөр өөрийн хэл дээр магтан бас муучлан дуулцгаана.
Ер нь хүний амьдралд аль хэр мөнгө хэрэгтэй байдаг тухай нэгдсэн ойлголт гарна гэж байхгүй байх зүгээр л хүн бүр “хөнжлийнхөө хэрээр хөлөө жийгээд л” явцгааж байх нь дээр биз. Харин энэ талаар нэг иймэрхүү онигоо олж уншсанаа уншигч та бүхэнтэйгээ хуваалцъя.
Нэгэн удаа нэг баян бизнесмэн эр жижигхэн завин дээрээ суух загасчин эрийг ажиглаж байтал тэр нь нэг том загас бариадахжээ. Баян эр гүйж очоод загасчинд баяр хүргэн ийм том загас барихын тулд аль хэр цаг хугацаа зарцуулсныг нь сонирхжээ.
— Цаг гаруйтай, нэг их удаагүй ээ гэж загасчин хариуллаа.
— Чи яагаад тэнгистээ ахиад хэдэн цаг болж, бүүр олон ийм загас барихгүй байгаа юм бэ? хэмээн баян эр гайхан асуужээ.
— Нэг загас болно оо, энэ манай гэрийнхэнд маргааш болтол хангалттай гэж загасчин хариулжээ.
— Тэгээд өдрийн үлдсэн хугацаанд чи юу хийдэг юм бэ дээ? гэж баян эр хэрэгт дурлав.
— Би үдийн хоол болтол унтдаг, тэгээд хэдэн цаг загасчилна, дараа нь хүүхдүүдтэйгээ тоглодог. Үүний дараагаар би эхнэртэйгээ амарч дугхийгээд авдаг даа. Тэгээд тосгоноороо алхалж, орой вино уун найзуудтайгаа гитар тоглоцгоодог. Та харж байгаа биз дээ “сайхан л амьдарч байна” гэж загасчин ярьжээ.
— Би бол Харвард төгсөгч гэж баян эр тайлбарлаад “Би чамд туслая, ингэж байж болохгүй ээ. Чи бүтэн өдрөөр загасчилах хэрэгтэй, тэгээд том завь худалдан ав” гэжээ.
— Тэгээд яах билээ? гэж загасчин асуув.
— Ингэсэн цагт чи улам их загас барина, хэд хэдэн завь ч авч болно бүр усан онгоцтой ч болж болно. Нэг сайхан өдөр чи бүхэл бүтэн флоттой болсон байна даа.
— Тэгээд?
— Тэгээд чи загасаа завсрын ченжүүдэд худалдахгүй, чи өөрөө загасаа шууд үйлдвэрт нийлүүлж улмаар өөрийн гэсэн үйлдвэртэй болно.
— Тэгээд дараа нь?
— Тэгээд дараа нь чи энэ бөглүү тосгоноос явж, том хотод очоод томоохон контортой болж захирал болно шүү дээ.
— Энэ бүхэнд тэгээд хэдий хэр хугацаа орох юм бэ дээ?
— 15–20 жил.
— Тэгээд дараа нь яах билээ?
— Тэгээд дараа нь гэснээ баян эр инээмсэглээд жинхэнэ сайхан юм болно доо. Чи компаниа хэдэн саяар зараад маш баян хүн болно.
— Тэгээд дараа нь?
— Тэгээд чи ажиллах шаардлагагүй болно шүү дээ. Эрэгт ойр жижигхэн тосгонд нүүж очоод, үдийн хоол болтол унтаад л, бага зэрэг загасчилаад, хүүхдүүдтэйгээ тоглоод бас эхнэртэйгээ амарч дугхийгээд авна, тосгоноороо зугаалан явж, оройд дарс шимэн нөхөдтэйгээ гитар тоглоод л… Ингээд амар сайхандаа жаргах юм байна л даа. Байгаадаа сэтгэл хангалуун амьдрах уу эсвэл том зорилт тавиад түүнийхээ төлөө зүтгэх үү гэдэг нь хувь хүний дур зоригийн хэрэг. Хүн бүрт өөрийн хүсэл мөрөөдөл гэж байдаг.
Харин энэ бол мөнгөнөөс хамаардаггүй зүйл. Хүслээ биелүүлэхэд тань мөнгө хэрэгтэй байж болно. Мөнгө л хүсэх ганц зүйл тань болчихоод байгаа бол магадгүй дээрхи түүх шиг маягтай юм болж мэдэх л юм даа. Саятан болох гэж зүтгээд зорилгодоо хүрсэн ч амьдрал нь ямар ч утгагүй санагдах болсноос амиа хорлосон тохиолдол байдаг юм билээ шүү.
Галзуугийн эмнэлэг:
-Би Чингис хаан!
Эмч: -Хэн чамайг тэгэж хэлж байгаа юм?
-Бурхан багш намайг тэгэж хэлсэн юм аа…
Хажуугийн орноос:
-Худлаа яриад, би л лав чамайг тэгэж хэлээгvй шvv!!!
2010.11.04 11:54:03
*.161.155.16
Халаасны хулгайч автобусанд ороод нэгэн эрийн халаасыг тэмтэрчээ.
Цаадах нь заамдан авч: Муу гуйлгачин минь яагаад халаас тэмтэрээд байгаа юм бэ?
Юу гэнээ? Хэн нь гуйлгачин бол доо ? Би чиний бvх халаасыг ухаад нэг ч тєгрєг олсонгvй
2010.11.04 12:06:03
*.161.155.16
дэлхий эргэдэг юм
4 дүгээр ангийн хүүхдүүдээс сэтгэл зүйчид сорил авч байна.
Нэг охиноос, 1 дүгээр ангийн хүүхэд ч хариулж чадах хялбархан асуулт асуув:
-Нар аль зүгээс манддаг вэ?
Охин бодолхийв.
-Чи арай мэдэхгүй байгаа юм биш биз. Сайн, тайван бод.
-Би заавал зөв хариултыг өгөх ёстой юу?
-Чадаж л байвал тэгэлгүй яахав дээ, охин минь.
Охин: -За за. Тэгвэл, нар манддаг ч үгүй, шингэдэг ч үгүй.
Харин дэлхий эргэдэг юм аа, ах аа.
2010.11.04 12:08:35
*.161.155.16
Сүхбаатар жанжины үг...
Түүхийн хичээл дээр багш асууж байна.
- Чамд найман жил түүх заалаа. За чи Сүхбаатар жанжныхаа хэлсэн үгнээс ганцханыг ч болсон хэлээч дээ.
- Багш аа, тийм амархан юмыг уу?
- Тийм ээ, хэлчихвэл шууд онц тавилаа.
- Янжмаа хө, цайгаа чанаач.
2010.11.04 12:10:25
*.161.155.16
Шалгалтан дээр оюутан нь багшийнхаа ширээн дээр гурван шил архи гаргаж тавиад:
-За, профессор оо, шударга нь дээр. Та энэ архинуудыг аваад хэд байна тийм дүн тавьчих гэвэл багш нь:
-За даа, би хөгширөөд бие муутай болсон хүн хоёроос илүүг ууж барахгүй байх. Тэгэхээр хоёрыг нь л авъя даа гэж гэнэ.
2010.11.04 12:14:17
*.161.155.16
4 нохой,,,
Мексик, америк, польш, орос дөрвөн нохой уулзав.
Мексик нохой: - Дэлхийн эдийн засгийн хямрал миний амьдралд хүчтэй нөлөө үзүүлж байна. Урьд бол манай зарц хүүхэн намайг нэг хуцахад л зөндөө мах авчирч өгдөг байлаа. - Одоо болүгүй шүү.
Америк нохой: - Пөөх чи зарцтай байдаг хэрэг үү ?
Польш нохой: - Пөөх чи чинь мах иддэг хэрэг үү?
Орос нохой: - Пээ чамд хуцахыг зөвшөөрдөг юм уу?
2010.11.04 12:20:01
*.161.155.16
Хоёр согтуу нөхөр согтуу баарнаас гарч ирж байна гэнэ.
- За яах вэ, хөгшөөн. Хоёулаа явж хүүхэндэх үү?
- Яах юм бэ, би чинь залуухан, үзэсгэлэнтэй эхнэртэй хүн болохоор....
- ОК. Тэгвэл танайх руу явъя л даа.