Би 28 настай, эмэгтэй, 2 хүүхэдтэй. Нөхөртэйгөө гэрлээд 7 жил болж байна. Миний амьдрал сүүлийн үед учир нь олдохгүй болчихлоо. За  ямарч байсан эхнээс нь бүгдийг н товч тайлбарлахыг хичээе. Та бүхний зөвлөгөө надад маш их хэрэгтэй байна. 2004 онд нөхөртэйгөө үерхдэг байлаа. Удалгүй би жирэмсэн болж бид хуримаа ч хийхээр болов. Бид хуримаа хийхдээ урих хүмүүсийн нэрсийг гаргаж байлаа. Тэгтэл нөхөр маань нэг сайн найзаа хуримандаа заавал урихгүй бол гомдоно гэж хэлж байсан юм. Гэхдээ тэрнийг бид хуримандаа уриагүй ээ. Тэгж би анх тэр хүүхний тухай сонсож байсан.

Би төрөх дөхөөд 9 сартай том гэдэстэй байлаа. Нэг өдөр нөхрийн маань утсанд нэг хүүхнээс мсж ирлээ. Хайрт найз минь мастерт ороход минь тусалсанд баярллаа энэ тэр гээд. Тэр үед миний гар утас эвдэрсэн байсан болохоор нөхрийнхөө утсыг түр барьж байсан юм. Нөхөр маань нөгөө миний хуримандаа урьна гээд байсан сайн найз маань, би жаахан тусалсан юмаа гэлээ. Маргааш н тэр хүүхэнтэй очиж уулзахаар болж нөхөртэйгөө хамт нэг кафед тэр хүүхэнтэй уулзлаа. Тэр сайн найзтай нь танилцаж бас эхнэртэй хүүхэдтэй болох гэж байгаа хүнд хайрт найз минь гээд хэлээд байх надад таалагдахгүй байна, хойшид битгий тэгээрэй гэлээ. Тэр хүүхэн ч гэсэн оо уучлаарай би бүр сурчихсан байна. Буруу ойлгосны хэрэггүй би ч гэсэн хайртай хүнтэй удахгүй гэрлэх гэж байгаа тийм болохоор буруугаар бүү ойлгоорой гэсэн юм. Бид 3 тэр өдөр ойр зуурын юм яриад салцгаасан. Удахгүй тэр хүүхний хурим  ч боллоо. Бид 2 хурминд нь очсон юм.

Би төрөөд удаагүй байсан. Гэтэл хурмин дээр миний таньдаг нэг хүүхэн ирсэн байлаа.

Тэр хүүхэн сүйт залуугийн хуучин найз охин нь юм билээ. Тэр хүүхэн чиний нөхрийн хуучин хайрт нь миний хуучин хайрттай сууж байна та 2 энд элэг доог болох гэж ирсэн юм уу? Би энэ 2-г хараахаар ирсэн гэлээ. Хүмүүсийг ажиглаад байсан чин нээрээ л миний нөхөр луу эвэртэй туулай харсан юм шиг хүмүүс хараад байсан. Тэгэхээр нь хурдхан бэлгээ өгчөөд явая гээд хуримлаж байгаа хосууд дээр очиод бэлгээ өгтөл сүйт бүсгүй намайг үнсэхгүй юм уу гээд нөхөрт минь хэлдэг байгаа. Би нөхрийнхөө өмнөөс би үнсье гээд хацар дээр нь үнсчихээд бэлгээ өгөөд тэр хуримнаас явахын түүс болсон. Гэрлэж байж өөр эрийг намайг үнсэхгүй юм уу гээд байх эвгүй биз дээ. Надад энэ байдал огт таалагдаагүй ээ.

2007 онд би хүүгээ дагуулаад нөхрийнхөө ажил руу зуны халуунд өдрийн хоолыг нь хүргэж өгөхөөр ажил дээр нь очлоо. Ажилчдын цайны өрөөнд бид сууж байтал гар утсанд нь тасралгүй мсж ирээд тэрийгээ нуугаад ч байгаа юм шиг сонин мэдрэмж төрөөд байхаар нь юугаа тэгтлээ сандраад нуугаад байгаа юм бэ гар утсаа өгч бай даа гээд авч үзсэн чинь нөгөө хэдэн жилийн өмнөх сайн найз гээд байсан хүүхэн нь байлаа. Гол нь нөхөр маань чамайг маш их санаад байна, шөнө ч зүүдлээд үнэхээр хэцүү байна гэсэн утгатай мссэжнүүд миний толгой эргээд яг ухаан алдах гэж байгаа юм шиг л байсан. Тэр үед өчнөөн л юм болсон бид 2 баахан муудалцаад нөхөр минь дахин тийм асуудал үүсгэхгүй ээ гэж ам өчгөө өгсөн.

Тэр жилийн өвөл нь би хөлний судасны хагалгаанд орлоо. Тэгээд хаашаа ч гарч чаддагүй гэртээ суудаг байлаа. Гэтэл нөхөр минь бас нөгөө хүүхэнтэйгээ холбоотой байдаг бололтой мэссэнжирдээд байхыг нь мэдсэн юм. Гэтэл нөхөр маань пс нь болохгүй янзлаад өгөөчээ л гэж байна би гэрт нь очичиод ирье гэхээр би юу ч гэж чадсангүй, тэгээд тэр хүүхний дугаарыг нь найзуудаасаа олж аваад мсж бичлээ. Би чамайг дахин нөхөртэй минь сайн найзууд гэж байхыг дургүйцэж байна дахин нөхөртэй минь харьцахгүй байвал зүгээр байна гэлээ. Гэтэл өөдөөс юу гэсэн гээч хохь чин, гэртээ суудаг гэрийн авгай, чиний нөхөр чинь угаасаа надад л хайртай, намайг юу гэнэ миний үгнээс гардаггүй юм. Чи харин ийм олон жил ганцаараа мөрөөдөөд амьдарч байна… гэх мэт баахан доромжилсон. Нөхрийгөө гэрт ирсэн үед нөхөртэйгөө баахан муудалцлаа. Тэр хүүхэн чинь намайг маш муухайгаар доромжилсон. Хайртай юм бол яагаад миний амьдарлыг үрээд байгаа юм бэ салая гэтэл. Чи хүнтэй харьцаж мэддэггүй соёлгүй юм бэ. Тэр хүүхэн нь баахан гомдсон. Тэрэнд би маш их хайртай гэрлэхээс нь өмнө өвдөг сөхөрч байгаад ч болтугай хуримыг нь болиулах байсан юм би одоо харамсаж байна гэдэг байгаа.

Би нөхрөө тэгж аашилсанд нь маш их гомдсон. Тэр үеийн маргаан тэгсгээд намдсан. Хүүхэдтэй хүмүүс хүүхдээ бодоод эвлэрсэн гэхүү дээ.

Сая он гарахын өмнөхөн дахин нөгөө хүүхэнтэйгээ мэссэнжирдээд сууж байгааг нь харлаа. Тэгээд би үнэхээр их уурласан. Олон жил өнгөрлөө 2 ч хүүхэдтэй боллоо. 3 дахь нь жирэмсэн байхад чи яагаад тэр хүүхнээ мартаж болдоггүй юм бэ, чи тэрэнд хэлж чаддаггүй юм бол, би хэлээд өгий гээд л бөөн юм болсон. Гэтэл нөхөр маань чи тэрнийг гомдооно уурлуулна гээд намайг бичүүлэхгүй. Ингээд бид 2 баахан ноцолдож би газар хүчтэй унаж гараа хуглаад гэдсэн дэхь хүүхдээ зулбасан. Гэмтлийн эмлэг руу ганцаараа явж гараа гипстүүлээд, дараа нь 1-р төрх руу арай гэж очсон баахан цус алдаад доошоо бүтэн наркозтой цэвэрлэгээнд орж байж арай гэж цус тогтсон.

Энэ олон жил хөлнөөсөө болж ажил төрөлч хийж чадсангүй, зүгээр л гэрийн зарц, хүүхэд асрагч, сексийн хэрэгцээг нь хангадаг эхнэр нэр зүүж өдий хүрлээ… Нэг иймэрхүү л юм боллоо. Тэр 2-г секс хийдэг талаар би мэдэхгүй тэгээгүй гэж найдаж байна. Гэхдээ тэр хүүхэнд нь соёлтой хандаж өөрийнхөө амьдарлыг 2-т тавиад нөхрийнхөө хайр сэтгэлд нь хүндэтгэл үзүүлж амьдрах ёстой гэж үү