Moderator: mgl_300
Үрчийж харласан гарыг алимны шүүсээр “эмчилдэг”
Хаврын улиралд нүүрний арьс их хуурайшдаг. Эмэгтэйчүүдийн арьс их мэдрэмтгий, зөөлөн байдаг учраас дараахь маскыг хэрэглээрэй.
Өндөг зөгийн балны маск. Нүүрний арьсны хамгийн сонгодогтэжээл. Өндөгний шарыг хэдэн дусал ургамлын тостой хольж, өтгөртөл нь сайн хутгана. Дараа нь хоолны халбаганы хагасаар зөгийн бал хийж дахин сайтар хутга. Маскыг нүднээсээ бус газруудад хуруугаараа зөөлөн илж түрхэнэ. 20 минутын дараа бүлээн усаар нүүрээ угааж цэвэрлэнэ. Дараа нь хүйтэн усаар нүүрээ сайн шавшаарай. Нүүрний арьсыг маш амархан сэргээдэг, хуурайшихаас найдвартай хамгаалдаг макс юм.
Усан үээмний шүүс. Энэ нь намрын улиралд хэрэглэхэд их тохиромжтой хэдий ч мэдэхэд илүүдэхгүй. Энэ нь нүүрний арьсыг сэргээн чийгшүүлдэг. Энэ мacкыг бэлтгэхэд ч хялбар. Өглөө сүүн шингэнээр нүүрээ цэвэрлээд, 2-3 ширхэг усан үзэмний хальсыг хуулан авч, нүүр, хүзүү, зовхиндоо түрхэнэ. 15-20 минут байлгаад, хүйтэн усаар угааж авна. Ингэхэд нүүрний арьс пудрыг маш сайн хүлээн авч, нүүр гөлгөр харагдана.
Байцааны маск. Байцаа нь калийн давс, магни, хүхэр, В, С аминдэмээр баялаг. Байцааны том навчийг буцласан халуунд усанд гурван минут хэртэй дүрж зөөлрүүлээд, навчиндаа ургамлын тос нимгэн түрхэж, нүүр хүзүүндээ тавина. 20 минут хэртэй байлгаад нүүрээ бүлээн усаар угаана.
Алимны маск. Хамгийн хямд, хамгийн элбэг алим нь эмэгтэй таны нүүрний гол проблемыг шийдэх гол эм. Манай эмэгтэйчүүдийн санааг зовоодог зүйл бол нүүрний арьс үрчийх. Үүнд алим их тустай юм байна.
-Та хуурай арьстай бол алимыг хальслаад, үрж жижиглэнэ. Цайны халбага хэртэй чанасан овъёостой алимны нухшаа хольж хутгаад нүүрэндээ түрхэнэ.
-Эмзэг, мэдрэмтий арьстай бол чанасан алимыг хэрэглэ. Чанасан алимаа үрж жижиглээд нүүрэндээ тавиарай. Ингэхдээ хэдэн дусал ургамлын тос, цайны халбага зөгийн бал нэмбэл арьс зөөлөрч, үрчийх аюулаас авардаг.
-Тослог арьстай бол чанасан алим, өндөгний цагаан хоёроос бүтсэн маск тохирно.
-Цочромтгой арьсанд хальсыг нь хуулаад алимыг үрж жижиглэн дээр нь амны жижиг халбага түүхий сүү, өндөгний шарыг нэмж хутгаад түрхээрэй.
Эмэгтэй хүн гараа нүүр шигээ бас арчилж байх хэрэгтэй. Гарын арьс үрчийж харлахад мөн л алим тустай. Алииыг угааж цэвэрлэн, шүүсийг нь үрж гаргаад гартаа шингээнэ. 10-15 минутын байлгаад бүлээн усаар угааж, гарын тос түрхвэл өнгө нь дорхноо сэргэж, зөөлөрдөг.