Бичлэгийн тоо 2,391
Бүхий л зүйл өөртөө ямар нэг талаараа сайхан чанарыг агуулж байдаг. Бидний хааяа дургүйлхэдэг юманд ч өнөөх “сайхан” байж л байгаа. Гоолингоо сайхан гэдэг үгний 35 өөр хэлбэрийг жагсаалаа. 1. Урт үс, богино үс, хар, шар, ягаан, цагаан бүх үс өөр өөрийнхөөрөө үзэсгэлэнтэй сайхан харагддаг. Халзан байх ч бас сайхан. 2. Асуулт асууж байгаа бүсгүй бүр сайхан. Ялангуяа “Яагаад?” гэдэг асуулт өөрөө сайхны илэрхийлэл. Яагаад вэ гэж үү? Учир нь сониуч зантай байна гэдэг сайхан. 3. Ямар нэг зүйл хийхээс хичнээн айж байсан ч түүнийгээ хийж л орхих сайхан. 4. Хавтгай гэдэс сайхан л даа. Гэхдээ зөөлөн, том гэдэс ч бас сайхан. 5. Нүдээ аниатай бүжиглэхдээ, хайртай хүндээ зориулж хоол хийхдээ та ямар сайхан харагддагаа мэдэх үү? 6. Өглөө хөнжилдөө сэрсний дараах таны ямар ч будаггүй царай сайхан. Нээрээ шүү. Итгэхгүй бол та өөртөө хайртай хүнээс нэг асуугаад үз? 7. 6-р ангидаа дуртай байсан дуунынхаа үгийг одоо хүртэл бүтнээр нь санах сайхан. 8. Таны сайн найз тань руу яриад уйлж байсан үеийг санаж байна уу? Зөвхөн таны хоолой л түүнийг тайвшруулж чадах байсан болоод л тэр. Энэ бол сайхан зүйл. 9. Ямар нэг хөгжилтэй юм сонсоод, нулимсаа гартал, гэдэснийхээ булчинг өвдтөл инээгээд “Боль л доо, би бүр амьсгалж чадахгүй нь” гэж хэлэх бол сайхан. 10. Өсвөр насны хэн нэг охинд “Бүх юм зүгээр болно” гэж хэлэх нь сайхан. 11. Хэн нэгнийг бүдүүлэг үг хэлснийх нь төлөө буруутгах зориг зүрхтэй байна гэдэг сайхан. 12. Таныг зовоож байсан харилцаанаас ангижирч чадсан гэв үү? Ямар сайхан юм бэ! 13. Дуртай дуучныхаа тоглолтон дээр хэтэрхий их савснаас болоод маргааш өглөө нь хүзүүгээр хөших өвдөлт нэг л сайхан. 14. Ухаантай байх сайхан. 15. Хааяа эмх замбараагүй байх ч хүртэл сайхан. 16. Энэрэнгүй сэтгэл бол маш, бүр маш сайхан зүйл. 17. Хэн нэгэн таныг гайхалтай харагдаж байна гэж магтахад “Баярлалаа” гэж хариулах сайхан. 18. Эх орон, таны төрсөн нутаг сайхан. Та үүнд дуртай ч, дургүй ч бай хамаагүй. Тэр газар таныг хүн болоход тусалсан. 19. Ямар нэг шалтгаанаар нүүрээ буддаггүй эмэгтэйчүүд сайхан. 20. Ямар нэг шалтгаанаар нүүрээ их буддаг эмэгтэйчүүд мөн адил сайхан. 21. Усанд хөвөх бол сайхан мэдрэмж. 22. Таны нүд маш сайхан. Өөр хэнд ч таных шиг нүд байхгүй. Тэд таны сэтгэлийг харуулдаг. 23. Хэн нэгэнд татагдахад бидний хацар ягаардаг нь, хааяа гэмгүйхэн худлаа хэлэхэд бид нүдээ ойр ойрхон цавчилдаг нь сайхан. 24. Дур тавилт бол сайхан зүйл. 25. Өсгийтэй гутлан дээр гунхалзан алхах сайхан. 26. Нүцгэн хөлөө элсэнд дүрэх сайхан. 27. Үсэндээ шинэхэн цэцэг зүүх сайхан. 28. Бидний өдий хүртэл амьдарч ирсний гэрч-үрчлээ, сэвх, толбонууд бүгд сэтгэл татам, бас сайхан зүйлс. 29. Хөлсөө гартал дасгал хийсний дараа төрөх мэдрэмж сайхан. 30. Хэн нэгэнд итгэж, нууцаа хэлнэ гэдэг сайхан. 31. Амьдралынхаа хамгийн аймшигтай шөнийг дараа нь хөгжилтэй дурсамж болгож ярина гэдэг сайхан. 32. Идэж байгаа хоолноосоо жинхэнээсээ таашаал авах сайхан. 33. Хүүхэд төрүүлэх мөчид хичнээн их гоо үзэсгэлэн, сайхан нуугдаж байдаг билээ дээ? 34. Эрх чөлөөтэй байна гэдэг сайхан. Та амьдралаа өөрийгөө аз жаргалтай болгодог зүйлсээр дүүргэх эрх чөлөөтэй хүн. 35. Аз жаргалтай байна гэдэг сайхан. Та “сайхан” гэдэг үгийг хэрхэн тодорхойлох вэ? Та хэзээ хамгийн сайхан гэдгээ мэдэрдэг вэ? |
SADEFDSFDSFDS
GFJFGJFGJ
L;JM;PLJM;LONM;KLN'LK
goyo ugnuudbna.bayrlala