Бичлэгийн тоо 15,558
-Дөрвөн сая гаруй төгрөгийн үнэтэй гуулин бурхдыг аваад явсан аж- Бурхан шашны төв "Гандантэгчинлэн" хийдийн "Дүйнхор" дацанд энэ сарын 9-10-нд шилжих шөнө хулгай орж гурван бурхан алдагджээ. Энэ мэдээллийн дагуу тус дацанд очсон юм. Биднийг очиход дацангийн төв хаалгыг хоёр ажилтан засварлаж байлаа. Ойр орчмоор нь хөл хөдөлгөөн ихтэй харагдсан. Биднийг "Дүйнхор" дацан руу ороход эл хуль, хэн ч байсангүй. Харин жижүүр хийж буй бололтой хоёр ламхай гүйлдэж байсан. Хулгайч орсон цонхонд төмөр хаалт хийхээр хэмжээ авч байсан юм. Хулгайч дацангийн хойд цонхоор орж 40 гаруй см-ийн өндөртэй "Ловон Бадамжунай", "Нархажид", "Майдар" бурхан болон гэсгүй ламын хэрэглэж байсан сангийн бойпор, хоёр ширхэг дунг хулгайлаад явсан аж. Бурхад дацангийн баруун талд тусгайлан зассан тавиур дээр байрладаг байжээ. Эртний хийцтэй гуулин бурхдыг зах зээлийн ханшаар үнэлвэл дөрвөн сая гаруй төгрөг болох гэнэ. Тус хийдэд шавилан суудаг ламхайгаас зарим зүйлийг тодруулахад "Дацан дээр хамгийн эрт би ирсэн. Өглөө ороход дээд давхарт чимээ гарсан. Багшийгаа ирчихсэн байгаа юм болов уу гээд "Хүн байна уу" гэхэд хариу өгөөгүй. Тэр үед 08.00 цаг болж байсан. Дахиж чимээ гараагүй. Манай ангийн лам ирэхээр нь хичээлдээ явсан. Манай сургууль хажууханд байдаг. Тараад иртэл Жасрай ах "Дацанд хулгайч ороод бурхан аваад явчихсан байна" гэж хэлсэн. Ингээд л хулгай орчихсон байна гэж мэдсэн. Намайг өглөө ирэх үед хулгайч гарах гээд явж байсныг үгүйсгэхгүй л байна. Манай лам нар мэдсэн даруйдаа хийдийн удирдлагад мэдэгдэлгүйгээр цагдаа дуудсан" гэлээ. Харин уг хэргийн талаар Гандантэгчинлэн хийдийн дэд хамба Н. Нанзаддоржоос тодруулсан юм. -Та сая хулгай орсон дацангаас ирлээ. Тэнд юу болсон юм бэ? -Тэглээ. Очиж харлаа. Хулгайч цонхоор нь орсон бололтой. -Цонх нь хаалтгүй байсан хэрэг үү? -Тийм ээ. Манай хийдийн дацангууд цонхондоо төмөр хаалт хийлгэсэн байдаг. Ариун цэврийн өрөөний цонх хаалтгүй юм. Гэтэл ганц хаалтгүй цонхоор нь орчихсон байна. -Хичнээн бурхан байхгүй байна вэ. Бүртгэж үзэв үү? -Гурван бурхан алга болжээ. Мөн гэсгүй ламын хэрэглэж байсан арцны бойпор, дунг авсан байх юм. -Хулгай гарлаа гэд-гийг хэзээ мэдсэн бэ? -Уржигдар орой. Бидэнд хэлээгүй шууд цагдаад мэдэгдсэн байна билээ. -Хулгай гардаг өдөр харуул хамгаалалт сул байж дээ? -Манайх "Sky" харуул хамгаалалтын компанитай гэрээтэй ажилладаг. Хамгаалагчид хийдийн эргэн тойронд гурваас дөрвөн удаа эргүүл хийдэг. Тэр өдөр харуул гараагүй бололтой. -Зарим хийдэд хоногийн лам гэж байдаг. Уг дацанд лам нарыг шөнийн жижүүрт гаргадаггүй юм уу? -Байлгүй яах вэ. Хоногийн лам хийд болгонд байдаг. Тэр өдөр эд нар хоногийн ламыг гаргаагүй гэсэн. -Хийдэд хяналтын камер байдаг уу? -Байдаг. Камераар хийдийн хашаа болон бусад дацангуудыг ажигладаг. "Дүйнхор" дацан мухар газар байдаг болохоор камерт бичигдээгүй байна. -Сүүлийн үед танай хийдэд хулгайн хэрэг гараад байх боллоо. Одоогоос cap гаруйн өмнө "Жанрайсиг" дацангаас хулгай хийж байсан этгээд газар дээрээ баригдсан? -Тийм ээ. Тухайн үед цагдаа нарын тусламжтай хулгайчийг хэргийн газар саатуулсан. Буян номын газарт хар санаа өвөрлөж хулгай хийнэ гэдэг байж боломгүй зүйл. Ер нь хийдийн хавиар халаасны хулгай элбэг. 1990 онд их хэмжээний бурхны эд зүйлсээ хулгайд алдаж байснаас хойш ийм явдал гараагүй. Гэтэл ойрын хугацаанд хоёр ч удаа хулгайн хэрэг гарлаа. Бид энд цаашдаа харуул, хяналтаа сайжруулах хэрэгтэйг сануулж буй хэрэг. Уг хэргийг Баянгол дүүргийн Цагдаагийн хэлтэс шалгаж байгаа аж. Одоогийн байдлаар хулгай хийсэн байж болзошгүй нэг хүнийг сэжиглэж саатуулсан байна. Лам нарын ярьж буйгаар дацангийн ариун цэврийн өрөөнөөс ус алдаад байхаар нь цонхыг нь түгжихгүй явдаг байжээ. Энэ байдлыг "урт гарт" овжин ашигласан бололтой. Мөн хулгайч хийдийг сайтар судалж харуул, хамгаалалт сул байх үеийг сонгон уг хэргийг үйлдсэн байна. Сүүлийн үед шашны эд зүйлс, бурхан хулгайлах явдал ихсэх болжээ. Өнгөрсөн даваа гаригт Архангай аймгийн Баянцээл сумын иргэн Д-гийнд хутга, буугаар зэвсэглэсэн багтай хүмүүс халдсан хэрэг гарсан. Гэмт хэрэгтнүүд гэрийн эзнийг эхнэрийнх нь хамт хүлж байгаад 25 см-ийн өндөртэй "Цэнд-Аюуш" бурхан, мөнгөн аяга, эмээлийн мөнгөн даруулга 12 ширхэг болон шүрэн толгойтой цагаан хөөрөг зэргийг дээрэмдээд зугтсан байсан. Аймгийн Цагдаагийн хэлтсийнхэн уг хэргийг үйлдсэн хүмүүсийг эрэн сурвалжилж байгаа ч олоогүй байна. Бурхан хулгайлах гэмт хэргийн талаар Цагдаагийн байгуулагаас лавлахад "Ийм төрлийн гэмт хэрэг гардаг. Эзэн холбогдогч нь олдохдоо амархан байдаг. Харин хулгайлагдсан эд зүйлс олдохдоо хугацаа шаарддаг. Ихэнхдээ түүхийн үнэт бүтээл, үзмэр байдаг. Аль нэг айлд үзмэр болох, дамлан наймаалагдах магадлалтай. Бурхан, шашны холбогдолтой үнэт зүйлсийн үнэлгээг тогтоохдоо Боловсрол соёл, шинжлэх ухааны яамнаас гарсан жагсаалтыг харгалзан үздэг. Ерөнхийдөө маш бага үнэлдэг" гэж байв.
Минийх гэж бардам хэлэх монголоо. Үгүйлж яваарай анд миньУртын дууны уянгалаг шуранхай. Унтах нойронд чинь эгшиглэхийн цагт. Унаган нутаг монголоо чи. Өөртэйгээ хамт гэж баяралаж сэрээрэй Хүний газар нэрээ хуглахгүй. Хүний сайнтай нь нөхөрлөөрөй.Өвөг нэрний чинь цаана. Онгон тансаг монголын минь нэр бий
- Холбоотой бичлэг :
- http://www.mglclub.com/1280276/a5c/trackback
