Moderator: mgl_300
Хүйтэн сэрүүн орж хүүхэд, хөгшидгүй ханиаданд нэрвэгдэх боллоо.
Ханиалга дөнгөж эхэлсэн үед хамар битүүрч ханиадны шинж тэмдэг илэрч буй үед амархан аргаар гэрийн нөхцөлд дарж болох аргуудаас зөвлөе.
Зөгийн балаар ханиад дарах арга:
-Нэг цайны халбага зөгийн балыг 2,5 цайны халбага манжингийн шүүстэй хольж өдөрт 4 удаа, хамрын нүхэндээ тав таван дуслаар дусаах
-Бага насны хүүхдэд манжингийн шүүсийг хамарт дусааж хэрэглэнэ
-Нярай хүүхдэд 1 цайны халбага зөгийн балыг 2 цайны халбага бүлээн усанд уусгана. Энэ шингэнээ хөвөнд шингээж хамрын нүхэнд 20 минут орчим байлгана. Хүүхэд тавгүйтэж, уур уцаартай байвал хамрын нүхийг ээлж ээлжээр арчин цэвэрлэхэд сайн.
Сүүгээр ханиад дарах арга:
-500 гр сүүг бага зэрэг халаан дотор нь тахианы шинэхэн өндөг нэгийг хагалж хийгээд хутгана. Дээрээс нь цайны халбага зөгийн бал, 2 цайны халбага цөцгийн тос нэмээд сайтар хутгана. Ингэж бэлтгэсэн сүүг унтахын өмнө уугаад унтахад ханиадны шинж тэмдэг алга болно. Энэ аргыг ханиад дөнгөж эхэлсэн үед хэрэглэхэд үр дүнгээ өгнө.
-Сүүнд чихэр өвс чанаж ууж болно.
-Цагаан тос, зөөхий хольж өглөө өлөн дээрээ шар тостой нь идвэл ханиалга намдаах сайн эмчилгээ болдог.
Хий ханиалгасан үед:
-Чацарганыг сайн нухаж няцлаад 200 гр усанд 10 гр-ыг хийж 30 минут буцалгаад өдөрт З удаа хоолны халбагаар ууна
-Цагаан гааны буцалсан шүүсийг ууж болно
-Яншуй 3 ширхгийг 150 гр усанд хийж 2-3 минут буцалгаад бүлээнээр нь хүүхдэд өгнө
-Том хүнд 5 ш янлуй 150 гр усанд хийж 2-3 минут буцалгаад бүлээнээр нь ууна
-Хөх дэгд, цагаан дэгд, царван, цагаан лууванг адил хэмжээтэй хольж өдөрт 3 удаа буцалгаж уугаарай.
Ханиаднаас урьдчилан сэргийлэх арга:
Ханиаднаас урьдчилан сэргийлэхийн тулд гараа байнга бүлээн усаар хэд дахин угааж, амны хөндий, хоолойгоо содтой усаар зайлж байвал танд хэрэгтэй. Мөн 1 гр аскорбины хүчлийг өглөөний цайны дараа уугаарай. Мөн дараагийн өдөр дараалан уух хэрэгтэй. Цагаа олж уусан бол ханиаднаас өөрийгөө хамгаалж чадна.
Ханиадны шинж тэмдэг хоолой сэрвэгнэх, хамар битүүрэх, шархирах шинжүүдээр илэрнэ. Ийм үед
1.Дулаан байх
2.Амин дэмээр баялаг хоол хэрэглэх
3.Их хэмжээний шингэн уух хэрэгтэй.
- Холбоотой бичлэг :
- http://www.mglclub.com/5551011/57b/trackback
Таньд энэ өдрийн мэнд хүргэе.
Доорх мэдээллийг уншина уу.
BBB KOREA / Before Babel Brigade/ хэмээх энэхүү байгууллага нь 18-орны хэлээр эмнэлэг, цагдаа, хил нэвтрэлт хяналтын алба , гадаад ажилчид, гэр бүл бологсод зэргээс үүдэлтэй төрөл бүрийн асуудалыг 24-цагийн турш утсаар үнэгүй орчуулгын үйлчилгээ явуулдаг юм. Хэн ч хаанаас ч хэзээ ч орчуулгын тусламж хүссэн үедээ утсаар холбогдож болох ба энэ оны 2011---11 сараас эхлэн энэхүү үйлчилгээнд Монгол хэл нэмэгдэн орж орчуулгын үйлчилгээ явуулах боломжтой болсон байна. Хэлний бэрхшээл тулгарсан үедээ 1588-5644 утас руу залгаарай.
11сараас эхлэн Монгол хэл дээрх орчуулгын үйлчилгээний холболт хийгдэж албан ёсоор үйлчилгээгээ явуулах болсон . Энэхүү сайн дурын орчуулгын үйл ажиллагаанд 20-н Монгол хүн орчуулгын тусламж хүссэн таньд чадах чинээгээрээ орчуулгын тусламж үзүүлэх юм.
Тухайн утсанд холбогдохдоо 1588-5644 утас руу залгасаны дараа * /од / товчлуурыг дарсаны дараа 17- дугаарыг дарснаар холбогдох юм .
Сайн үйлс бүхэн дэлгэрэх болтугай !!!