БНСУ-д манай иргэдийн 35 хувь нь хууль бусаар ажиллаж, амьдарч байна

     БНСУ-ын хилийн шалган нэвтрүүлэх, гадаад иргэдийн бодлогын асуудал эрхлэх албаны дарга Дон-хён Сүк тэргүүдтэй төлөөлөгчид ГИХАЭГ-н даргын урилгаар Монгол улсад албан ёсны айлчлал хийв. энэ сарын 22-24-ний хоороонд болсон айлчиллын үеэр төлөөлөгчид ХЗДХ-н сайд Ц.Нямдорж, ГИХАЭГ-н дарга Д.Мөрөн УБЕГ-н дарга Д.Мөнхбаатар нартай уулзаж ажил төрлийн яриа өрнүүлсэн юм.

     Гадаадын иргэн харьяатын асуудал эрхлэх газар БНСУ-ын хилийн шалган нэвтрүүлэх, гадаад иргэдийн бодлогын асуудал эрхлэх албатай 2007 оноос эхлэн хамтран ажиллах санамж бичиг байгуулан ажиллаж байгаа аж.

     Дон-хён Сүк тэргүүтэй төлөөлөгчид Гадаадын иргэн харьяатын асуудал эрхлэх газар хүрэлцэн ирж тус газрын үйл ажиллагаатай танилцан хамтын ажиллагааны дүн цаашид хамтран ажиллах чиглэл, 2 орны иргэдийн эрх ашгийг хамгаалах чиглэлээр болон ирэх 9 сард Улаанбаатар хотноо болох АСЕМ-н 10-р хурлын бэлтгэл хангах хамтарч ажиллах талаар ярилцлаа.

     Гадаадын иргэн харьяатын асуудал эрхлэх газрын мэдээллийн технологийн системийг хөгжүүлэх төслийг ирэх жилээс хэрэгжүүлэхээр БНСУ-ын хилийн шалган нэвтрүүлэх, гадаад иргэдийн бодлогын асуудал эрхлэх албатай урдчилан тохиролцсон байна. Дашрамд дурьдахад БНСУ-д 30520 монгол иргэн ажиллаж амьдарч байгаагын 35 хувь нь хууль бусаар оршин сууж байна. Монголчууд ирсэн зорилгоо тодорхойлж чадахгүйн улмаас 2007 онд 1667 иргэн хилээс буцаж байсан бол 2010 онд 538 болсон нь БНСУ-н хилээс буцдаг монголчуудын тоо 68 хувиар буурсан үзүүлэлттэй байна.

Н.Цэндээ