Монгол бэр Солонгос нөхрийнхөө аминд юунд хүрэв

Солонгос иргэнтэй гэр бүл болж тус улсад 4 дэхь жилдээ амьдарч байсан   Монгол бэр Я(28) , нөхрийнхөө хоолойг хэрчин ,үүний улмаас 10 гаруй хоног эмнэлэгт ухаангүй хэвтсэн нөхөр  Ким (47) нас бараад нэлээдгүй хугацаа өнгөрлөө. Харин энэ гэр бүлийн дотор болж байсан хэрүүл  маргаан, хосолмол соёлт гэр бүлд байнга гардаг тэдний  хоорондын  амьдрах арга барил , соёлын ялгаа зэргээс үүдэлтэй байсан  нь тодорхой болжээ.
Монгол бэр Я нь тус улсад амьдрч байсан 4 жилийн  хугацаанд гэртээ Монгол зан заншлаар амьдрах, зөвхөн Монгол  хоолоо идэх,ялангуяа цусан дахь саахарын хэмжээ багассанаас болж ухаан алдаж унадаг өвчтэй болсон  охиноо эмчид үзүүлэх, эмнэлэгт хэвтэж эмчлүүлэх зэрэгт татгалзаж, 4 настай охиноо зөвхөн Монгол эмчилгээний аргаар эмчилнэ хэмээн нөхөртэйгээ  муудалцдаг байжээ. Охиноо ханиад хүрэх, гэдэс өвдөх үед ч ямар  нэгэн эм уулгадаггүй байсан Я,   үе үе ухаан алдаж унадаг охиноо зөвхөн тэр л үед  нь эмнэлэгийн түргэн тусламжийн машинаар эмнэлэгт хүргэдэг байсан ба тэр болгондоо эмнэлэгт хэвтэж охиныхоо эмчилгээг үргэлжлүүлэх хэрэгтэй гэсэн эмч болон нөхрийнхөө үгийг  хүлээж авдаггүй байсан байна.
Тэрээр өөрөө ч   цусан дахь саахарын хэмжээ бага гэсэн өвчний оноштой бөгөөд энэ өвчнөөсөө болж өнгөрсөн 12 сард ухаан алдаж эмнэлэгт хэвтэж байсан удаатай гэнэ. Охин болон эхнэрээ эмнэлэгт хэвтэж эмчлүүлэх, эмчийн заавраар эм уух санал тавих болгон Я нь уурлан хэрүүл маргаан дэгдээж гэр орныхоо цонх, хаалгыг тавилгыг  эвдэж, аяга тавгаа хагалдаг ааш гаргадаг байсан ба түүний нөхөр Ким нь дүүргийнхээ хосолмол соёлт гэр бүлийн төвд хандан эхнэрийнхээ сэтгэл  мэдрэл эрүүл эсэхийг шалгаж өгөхийг хүссэн хүсэлт  удаа дараа тавьж , өнгөрсөн  сарын 27-ны өдөр дүүргийн Нийгмийн ажилтан түүнтэй гэрт нь очиж уулзан түүнд эмчид үзүүлэх  болон сэтгэл зүйчтэй уулзах санал тавин, татгалзсан хариу сонсоод гэрээс нь гарч байжээ.Харин тун удалгүй   энэ сарын 5-ны өглөөний 11 цагийн орчим өвчнийхөө улмаас ухаан алдаж унаад эмнэлэгт  хүргэгдэн очсон охиноо эргэж очсон Ким, эмчилгээ хийлгэж буй   охиныхоо эмчилгээг таслан, эмнэлгээс дагуулан  гарахаар завдаж  байсан эхнэртээ хандан , хүнд өвчтэй охиноо үргэлжлүүлэн  хэвтэж  эмчлүүлэх шаардлагатай хэмээн маргаж , маргааны эцэст ийнхүү эхнэрийнхээ гарт хоолойгоо хэрчүүлэн амь насаа алдах болсон байна.

Гадаад бэр гэдэг нэрийн дор гэр бүлийн маргаан, тэдэнд зөвлөлгөө өгөх, ойлголцуулах   зэрэгт Солонгосын Нийгмийн ажилтнууд төдийлөн оролцож чадахгүй байгаагаас болж Солонгос нөхөр Ким нь, гэрт гарсан дуу чимээтэй хэрүүл маргааны буруутан болж, хөршүүд нь түүний талаар залуу  Монгол эхнэрээ зодож дарамталдаг гэсэн буруу ойлголттой байсан нь мөн илэрхий болжээ.

Монгол бэр Я-д хүний амь насанд хүрсэн хариуцлага оноохоос гадна түүний сэтгэл мэдрэл хэвийн байсан эсэхийг тодруулах юм байна.