Манай хамт олон хүмүүнлэгийн үйлсийг дэмжиж ажиллахыг зорьдог. Энэ удаа У. Отгонжаргал хүүд тусаллаа. Цусны хорт хавдрын өвчин нь хүндэрч, химийн өндөр тунгийн эмчилгээг 2 жил гаруйн хугацаанд хийлгэж байгаа хүү БНСУ-ын Кореа их сургуулийн харьяа эмнэлэгт эмчлүүлэх боломжтой боллоо. Хүү чөмөг шилжүүлэн суулгах хагалгаанд орно.
Ээж болон эгчийнхээ хамт явах юм. Солонгосын элчинд эмчилгээнд явах гэж байгаа бичиг баримтаа бүрдүүлээд өгсөн ч эргээд ирэх баталгаа байхгүй байна гэж үзсэн учраас виз гаргаж өгөөгүй. Өөрөөр хэлбэл “амьдрахыг хориглосон” гэж ойлгож болно.
Хаана хандахаа мэдэхгүй хүнд хэцүү байх цагт нь “SHUUD” телевизийнхэн У.Отгонжаргал хүүд тусалж визийг нь 4 хоногийн дотор гаргуулж өглөө. Тэрээр Солонгос руу явж эмчлүүлэх боломжтой болсон юм. Чөмөг шилжүүлэн суулгах хагалгаанд ороход 80 гаруй сая төгрөг хэрэгтэй.
Энэ мөнгийг олохын тулд түүний аав ээж Дорнод нутгийнхаа байгууллага, аж ахуй нэгж болоод Монголын элэг нэгт ард түмэндээ хандсан юм.
Хүүхдийн ирээдүйн төлөө их олон хүн тусалжээ. 10 гаруй сая төгрөг цугларсан байна. Хиристийн сүмийн пастор Л.Ган-Отгон Солонгосд байдаг таньдаг хүмүүстээ хандаж эмчилгээний зардлын 70 гаруй хувийг Солонгос улсын сүм болоод төрийн бус байгууллагуудаас гаргауулахаар болсон байна.
Чөмөг шилжүүлэн суулгах хагалгаанд ороход цусан төрлийн хүн нь донор болох хэрэгтэй байдаг . Тийм учраас эгчийг нь авч явахаар болжээ. Цусны бүлэг нь таарч байгаа юм байна. Эгч нь энэ жил төгсөх курсийн оюутан байсан ч дүүгийнхээ төлөө сургуулиасаа жилийн чөлөө авчээ. У.Отогнжаргал хүү аав, ээж, ах , эгчийнхээ хамт амьдардаг. Одоо 6 настай .
2 жилийн өмнөөс хүзүү болон цавины булчирхай нь цочиж, удаан хугацаагаар өндөр халуурч, хөл гар нь өвдөж, уйлагнаад байхаар нь аав ээж нь эмчид үзүүлжээ. Дорнод аймгааас Улаанбаатарыг зорьж, эх нялхасын эрдэм шинжилгээний төвд шинжилгээ өгтөл цусны хорт хавдраар өвчилсөн гэж оношлогдсон байна.
Аав,ээж нь цаг алдалгүй эмнэлэгт хэвтүүлж, хавдрын эсрэг химийн эмчилгээнд оруулсан байна. Гэтэл эмчилгээ хийгдсэнээс хойш жил гаруйн дараа өвчин нь дахин сэдэрчээ. Ингээд дахиад л өндөр тунгийн химийн эмчилгээг өнөөдрийг хүртэл хйилгэж байгаа юм. Биен дээр нь тууралт өгч, турж эхэлсэн байна.
Химийн эмчилгээг удаан хийлгэж байгаа учраас үс нь халзарч эхэлжээ. Хүн болгон мянга мянган төгрөг миний хүүд хандивлаач гэж түүний аав Монголынхоо ард түмнээс хүсэж байсан бол өнөөдөр хүү Солонгос улсруу явахаар болчихлоо.
Хагалгаа нь амжилттай болоод ирээсэй гэж олон түмэн хүсч байна. Та хүүгийн ирээдүйд амьдрал бэлэглэе гэвэл одоо ч гэсэн оройтоогүй.
Хандивын данс нь: Хаан банк 540 538 9794
Б.Батцэцэг
|
элгэмсүү 2хүн зэрэг зар тависан бхад нэгниих нь доор өмхий со энэ тэр гэсэн хирнээ танил0гэдэг хүний доор яагаад коммент бичихгүй бгаан бэ эсвэл танил тал чинь юм уу