Солонгос улсын эрүүл мэндийн яамнаас гаргасан карт бөгөөд жирэмслэлт, төрөлт болон төрсний дараах үеийн эмнэлгийн тусламж үйлчилгээг ганц картны тусламжтайгаар үнэ төлбөргүй авах боломж юм.

2009 оны 8 сарын 1-ээс эхлэн жирэмслэлт болон төрөлтийн үеийн эмнэлгийн тусламж үйлчилгээг авах боломжтой Гу Үн Мам(고운맘 카드) карт болон амаржсан эх ба нярай хүүхдийн эмнэлгийн үйлчилгээнд зориулагдсан гэгдэх хоёр картыг нэгтгэх замаар шинэ Гу Үн Мам картыг гаргасан билээ.

Энэхүү карт нь тухайн үедээ та эрүүл мэндийн шимтгэл төлж байгаа л бол та гадаад хүн ч байсан хамаагүй авах бололцоотой юм.

Энэхүү "Гу Үн Мам" картыг авахдаа харъяа дүүргийхээ эрүүл мэндийн даатгалын сангийн салбар/국민건강보험공단 지사/ газар болон Гүк Мин /국민은행/ банкны салбарт өөрийн биеэр очих ба холбогдох бичиг баримтаа шуудангаар явуулж бүртгүүлэн чек карт болон кредит картын хэлбэрээр авах боломжтой юм.Энэхүү карт нь нэг удаагийн төлбөр 40,000 воноос хэтрэхгүй байх ба хэрэв таны эмчилгээ, үзлэгийн төлбөр 40,000 воноос хэтэрсэн бол та илүүдэл төлбөрийг та 100% төлөх болно. Мөн энэхүү карт нь энэ жилийн 4-р сарын 1-ээс эхлэн нийт тусламж үйлчилгээ авах боломжтой мөнгөн дүн нь 300,000-аас 400,000 болж нэмэгдсэн байна.