За бүгдэд шинэ оны мэнд. Өөрийн болоод эхнэрийнхээ байгаа байдлын талаар бичиж хүмүүс юу хэлэхийг.

 Бид Англид амьдардаг. Би энд мастерт сурангаа цагийн ажил хийж амьдралаа залгуулна. Өөрөө түрүүлж ирээд, эхнэр хүүхдээ жил хагасын дараа татлаа. За миний гол асуудал гэвэл би аливааг түс тас хэлчихдэг, худалч, хуурмаг, залхуу, заваан, арчаагүй, санаачлагагүй, ах захаа хүндлэхгүй, ёс заншлаа мэдэхгүй байдалд ясны дургүй.

Манай эхнэрт энэ бүхэн бараг бүгд байнаа. Анх зөндөө л ажигласан, сайн таньж чадаагүй юм шиг байна. Мань хашир ч сайн нуусан биз, үнэндээ бол олон жил гадуур уулзаж, гэр орноор нь орж гарахгүй явсаар гэнэт гэрлэхээр шийдсэн нь алдаа болсон юм шиг. Залуустаа, охидууддаа захихад гэрлэхээсээ өмнө гэр орноор нь орж гэр бүлийн гишүүдийнх нь үг, хэл яриа, гэр орны байдал, хүнд хандах хандлага зэрэг наад захын зүйл дээр нь дүгнэлт хийж байх хэрэгтэй шүү.

Эхнэр маань дэндүү заваан. Энэ занг нь Англид ирсэнээс нь хойш мэддэг боллоо. Гэр орон яаг гахайн хороо шиг. Эрх биш өдөрт хэдэн аяга угааж, өрөөнд нүдэнд харагдах том хог байвал тэрнийг шүүрдэнэ. Тэгээд би сардаа 1-2 удаа бүх зүйлээ нэг бүрчлэн, өдөржин угааж цэвэрлэнэ. Тэр үед туслахгүй, туслахуу ч гэхгүй. Угаасан аяга таваг нь хүртэл дутуу цэвэрлэсэн, халтар байх. Охин байнга халтайсан хувцастай, хуруу хумсан завсараа хиртэй явна, загнахаар яадын тэгээд, хүүхэд ийм л байдаг гэх, за бүүр цаашлаад намайг доромжиллоо, дарамталлаа гэнэ.

За дараагийн зүйл нь огтоос санаачлагагүй. Би хичээлдээ явлаа, замаараа хямд дэлгүүрээс хүнсээ аваад ирье юу хэрэгтэй хэлээд өгөөч гээд 3 жил гуйлаа, одоо болтол юу ч хэлэхгүй, охинд ямар хувцас хунар хэрэгтэйг ч хэлж өгөхгүй, өөрөө хөргөгчөө нээж юу хэрэгтэй мэдээд, шүүгээ ухаж охиндоо юу хэрэгтэй хараад дэлгүүр явна. Чи ягаад ингээд байдаг вэ гээд ярилцах гэхээр би хүн гуйх дургүй гэнээ. Сүүлдээ ингэсээр байгаад би яаг ганцаараа амьдардаг, бүх зүйлдээ өөрөө санаа тавьдаг гоонь эр шиг санагдах боллоо. Тэгээд ганцаараа ингээд болоод байгаа юм чинь, бас энэ хүний оролцоо нэгэнт байхгүй учир салдаг ч юм уу гэж бодох юм, энэ талаар та нар юу гэж бодож байна?

Мөн хүн хүндэлнээ нэг байхгүй, хүнтэй мэндлэхгүй, хүнд цай унд хийж өгөхдөө хуруугаа аяган дотор нь хийнэ, аяганы амсар дээр дарчихна, ОО орчоод гараа угаахгүй, чи надаас бузартах гээд байна уу гэх.  Хувцас хунар дээгүүр алхана, дэр, толгойгоо тавьж унтдаг хэсэг дээр гараад суучихна.

Дараагийн санаа зовоогоод байгаа зүйл нь ёс заншилаа мэдэхгүй ээ. Өглөө босож унд бэлтгэж өгнө гэдэг ойлголт байхгүй, за яахав хүүхдэд санаа тавьж байгаа юм гэж бодоод явдаг. Хааяа цай чанасан үедээ цайныхаа дээжийг огтоос өргөхгүй, хэлбэл чи одоо яасан хуучинсаг үзэлтэй юм бэ гэдэг.

Хоол унд одоо болтол хийж сураагүй, хийсэн хоол нь гахай ч голоод идэхээргүй, тэгээд хоол хийж сураагүй юугаа хийж явсан энээ тэрээ гэвэл, дандаа юм болгоныг голоод гээд аймаар аймаар архираад эхэлнэ дээ, жирийн үедээ ч айхтар хашгичиж ярьна, хүн амьтанаас санаа зовмоор. Аяар яриач гэхээр бас яасан ядаргаа вэ гээд эхэлнэ дээ..

Энэ хүн надтай гэрлэхээсээ өмнө төрүүлсэн дагавар хүүхэдтэй, тэрнийг нь хүртэл за урьд өмнөх асуудал надад ямар хамаа байх вэ гэж бодоод, итгэж найдаад гэрлэсэн. Гэтэл хүний хайр даахгүй юм. Би анхны хүүхдээ гаргах гэж гаргасан, чиний хүүхдийг хүсэж гаргаагүй, наад муухай царайгаа аваад хажуунаас зайл гэх боллоо. Надад хань болгох гэж биш, ашиг хонжоо харж гэрлэсэн санагдах юм. Дагавар хүүхдээ аавтай болгох гэж гэрлэсэн ч гэх шиг. Гэрлэхээс өмнө миний хүүд битгий санаа зовоо, манай ээж аав өсгөөд өгчихнө гэсэн. Тэгэх юм байх гэж бодож байтал, Монголд очоод хүүгээсээ холдож чадахгүй шүү гэх юм. Тэгж хэлэхийн оронд надтай шууд ярилцахгүй, далдуур санаагаа ингэж тулгаад байна.

Шүд өвдсөн, ломбо нь унасан гэж хэлнэ. Би тэндээс нь аан шүдний эмнэлэгт очно гэж байгаа хэрэг, бас эмчилгээний зардал өг гэсэн үг гэж ухаж ойлгох ёстой. Учир нь энэ хүн, хүн гуйх дургүй. Одоо бид бараг үг солихгүй дээ. Надаас хааяа мөнгө нэхсэн, ар гэрт нь тусалсангүй гэж хэлдэг нэг эхнэр, харамчаараа дуудуулсан нөхөр 2 байна.

Энэ бүхнийг бичсэн учир нь ер нь ингэхэд миний зөв үү буруу юу, буруу бол юу нь буруу болох талаар та нарийн үгийг сонсмоор санагдаад байна. Ингэхэд ягаад буруутай нь эвлэрэх ёстой гэж бодох үе ч байх юм. Мэдээж хэрүүлгүй байвал хэн хэнд маань амар байлгүй яахав. Миний бодлоор хүний хайрыг татаж байж, хүнээр хайрлуулдаг баймаар.

Бүх хүмүүс ийм асуудалтай байдаг болов уу эсвэл ганцхан би хэт шулуун шударга, цэвэр нямбай, гял цал байх гэж оролдоод байна уу. Эдгээр зүйлийг нь засаж авах гэснийхээ төлөө, болохгүй бүтэхгүйг нь хэлсэнийхээ төлөө би гэдэг хүн хамаг буруутан болж, хэрүүлчээрээ дуудуулаад байх юм. Уул нь эхнэр хүн нөхрөө, охид найз залуугаа эмх цэгцтэй бай, цэвэр бай гэдэгсэн гэтэл бидний хувьд яаг эсрэгээрээ. Надад огтоос буруу байхгүй гэхгүй ээ. Заримдаа бүүр өөрийгөө буруутгаж, хэт цэвэр нямбай, санаачлагатай байх гээд туйлшраад байгаа мэт санагдах боллоо.