Бүсгүй таныг нүүрээ будаагүй бол эрчүүд “үргэдэг” гэж бодож байна уу. Яаран ийм дүгнэлт хийх хэрэггүй. Эр хүнд сексуалный мэдрэмж төрүүлдэг 10 зүйлийг жагсаалтыг сэтгэлзүйчид гаргасан байна.
Гоо сайхны бүтээгдэхүүн чухал биш
Эмэгтэй хүн  амьдралынхаа туршид хэдий хэмжээний мөнгийг гоо сайхны бүтээгдэхүүнд зарцуулдгийг эрдэмтэд судалжээ. Тэдний гаргасан тооцоогоор  180 мянган ам. доллар зарцуулдаг байна. “Будаагүй үед эмэгтэй хүний төрөлхийн гоо сайхан хамгийн тод илэрдэг. Ихэнх эр үнсэлтээс хамгийн их таашаал авдаг тул будагтай уруул таалагдах нь тун эргэлзээтэй” хэмээн тайлбарлажээ.

“Цодгор” гэдэс
Олон бүсгүй загвар өмсөгчид шиг гоолиг биетэй байхыг хүсдэг. Тэгвэл эрчүүдэд багахан “цондгор” гэдэстэй бүсгүйчүүд илүү таалагддаг гэнэ. Тэд эелдэг зөөлөн зантай бүсгүйчүүдэд татагддаг.  Бага зэргийн гэдэстэй байснаар эмэгтэй хүний төрөлх дүр төрх тодорч харагддаг .

Багахан үрчлээс
 Эмэгтэйчүүдийн сэтгэлийг эмзэглүүлдэг зүйлийн нэг бол үрчлээс. Тэд нас илчилдэг хэмээн үздэг. Гэтэл бага зэргийн үрчлээс бүсгүйчүүдийн туршлагын илэрхийлэл болдог гэж сэтгэлзүйчид тайлбарлажээ. Франц бүсгүйчүүд үрчлээнээс нэг их эмээдэггүй, харин бие галбиртаа анхаарлаа хандуулж, санаа тавьдаг байна.

Халамцуу утасны дуудлага
Найзууд эсвэл ажлынхантайгаа бага зэрэг наргисны дараа “Цагийг зугаатай өнгөрүүлсэн ч чамайг үгүйлээд байна” хэмээн найз залуу руугаа бүсгүйчүүд утасдах тохиолдол бишгүй л байдаг. Тэгвэл сэтгэлзүйчид “Хэрвээ та халамцуу түүн рүү утасдвал итгэдгийн илрэл. Энэ нь ихэнх эрийн сэтгэлийг их хөдөлгөдөг” хэмээн баталжээ.

Хоолны сайн дуршил
Романтик үдийн зоог барих үед эмэгтэйчүүд зууш салат төдийнхнийг идэж, хундага дарс уудаг. Сэтгэлзүйчдийн үзэж буйгаар “Хэрвээ бүсгүй хүн хүссэнээрээ идэж, дарс хундаглан ууж, эргэн тойрны хүмүүс юу гэж хэлж, бодохоос үл эмээсэн дүр төрхтэй байвал өөртөө итгэлтэй, шийдвэр гаргах чадвартайн илрэл” болдог гэж үзсэн байна.

Жижиг хөх
Эрчүүдэд загвар өмсөгчдийн “хавтгай” цээж таалагддаггүй гэвэл эндүүрэл. Жижиг хөх залуу, эрүүл биетэйн илрэл. Харин тэд бүсгүйчүүдийн үргэлж залуу, амьдралын эрч хүчтэй байхыг их  үнэлдэг.

Өдөр тутмын дотуур хувцас
Залуу бүсгүйчүүд торгомсог, атлас, торон эмжээртэй чамин дотуур хувцастай байвал секси харагдана гэж боддог. Харин сэтгэлзүйчид энэ ойлголтыг зоригтой үгүйсгэн “Эрчүүд эмэгтэй хүнийг өдөр тутмын энгийн дотуур хувцастай харахдаа дуртай байдаг. Тэдэнд онцгой сексийн мэдрэмж төрүүлдэг” гэжээ.  Эмэгтэй хүний энэ байдал  урьдчилан төлөвлөсөн зүйл биш, ямар нэгэн сексийн болзоог хүсэмжилсэн гэдгээ санагдуулдаггүйтэй холбоотой гэнэ.

Оньсого, тааврын утгыг үл ойлгох
Найзуудтайгаа хамт байх үе хэн нэгэн нь оньсого, таавар таалган, хөгжилтэй зүйл ярихад бүгд инээхэд Та ойлголгүй үлдсэн тохиолдол байдаг.  Өндөр боловсролтой бүсгүйгээс эрчүүд зай барьж, харин хөнгөхөн “тэнэглэл” эмэгтэй хүнийг илүү ойр санагдуулдаг байна. Ийм эмэгтэйн дэргэд эр хүн тайван, тав тухтай байж чаддаг. Эр хүнд ухаантай, боловсрол мэдлэг өндөртэйгээ байнга нотлох шаардлагагүй.

Хүүхдэд хайртай байх
Хамаатны эсвэл танилынхаа бяцхан хүүхдүүдтэй тоглоход эрчүүд хараагаа холдуулдаггүй. Хүүхэдтэй амархан ойлголцож, ойр дотно байвал  эрчүүдэд сайн ээж байж чадахыг нотолж буй хэрэг.  Үүнээс гадна тэвчээртэй, халамжтай зан чанартайн илэрхийлэл болдог аж. Эрчүүдэд бүсгүйчүүдийн энэ байдал ээж, эгчийг нь санагдуулдаг.