Би одоо 28 настай. Нөхөртэйгээ суугаад 6 жил болж байна. энэ хугацаанд хүүгээ төрүүлээд сая өнгөрсөн хавар охиноо төрүүлсэн. Намайг төрөхөөс гаргаад нөхөр маань сургуульд явсан юм. Ер нь гэртээ тогтохоо больсон л доо манай нөхөр. Тэгтэл би саяхан гар утсыг нь санаандгүй үзтэл тийм ч шалиг биш хэрнээ нэг л хачин мессежнүүд ирсэн, бас явуулсан, орсон гарсан ярианы дуудлаган дээр хүртэл бүртгэл нь байна. Хамгийн гол нь шөнө 01 цагт шүү дээ. Би нөхрөө харддаггүй л дээ. Найз нөхөдтэйгээ уулзаад ч юмуу өөр ямар нэгэн ажлаар шөнө орой явах эсвэл байнга ажлаар ийш тийш явж байхад нь ганц ч удаа хардаж байгаагүй. Уярыг нь лавлатал нэг хүүхэн өөрт нь хайртай гээд байгаа юмаа гэж тайлбар тавьсан. Би итгэж чадахгүй байна. Эм хүн наашаа гэж байхад эр хүн үгүй гэж чадна гэж үү дээ. Хамгийн гол нь би охиноо төрүүлээд дөнгөж эмнэлгээс гараад нөхөр хот руу сургуульд явсан тэр үед тийм явдал болж байсан байгаад би маш их гомдсон. Худлаа ярьж орон гаран тайлбар тавьж байгаа нөхрөө тэр тэнэг хүүхнийг харахаар дургүй хүрээд хайран ч итгэл минь гэж харамсаж байлаа. Одоо ч гэсэн харамсаад тайвширч чадахгүй энэ захидлыг бичиж байна. 2 хүүхдээ дөнгөж төрсөн нялх охиноо бодож болоогүй л юм байх даа гэж бодохоос гол руу юм зураад хэцүү байна. Салья гэхээр 2 нялх хүүхэдтэй би одоо яах вэ. Ганц өөрийн цалингаар 2 хүүхэд тэжээж чадах уу гэдэг асуудал өмнө тулгараад бас 2 хүүхдээ элэг бүтэн өсгөж чадахгүй амьдын хагацалд унагах юм болов уу гэж бодогдоод гарах гарцгүй болоод байна. Цаашдаа хамтдаа амьдрана гэхээр урьдынх шигээ байж чадахгүй байнга хардалт сэрдэлт үл итгэлцэл бий болоод сайхан амьдарч чадахгүй болоод байна. Нөхөр салахгүй л гээд байгаа. Харин би шийдээ гаргаагүй байна. Сексийн хувьд ч үнэндээ хэл амаа олдоггүй л дээ. Тэрэнд байгаа юм болов уу?