Бүсгүй таныг тодорхойлох энэ зуны гоёл 

Ирвэсийг санагдуулам цамц, өмд
Өнгөрсөн жилээс моодонд орсон богино өмдөөр энэ зун дахин гоёж болно. Гэхдээ хамгийн бариу загвартайгаас нь сонгоорой. Мөн тод өнгөтэй байх хэрэгтэй. Ийм загвартай өмдийг дизайнерууд 1950-иад оны загвар гэж тодорхойлдог юм билээ.

Түүнчлэн эрчүүд бариу цамцаар, бүсгүйчүүд задгай энгэртэй, хэлхэгэр, нимгэн даавуун цамц өмсөх нь энэ зуны төрх гэнэ. Сүүлийн үед залуус үндэсний хувцсыг орчин үеийн загвартай хослуулан гоёх бодсон нь бахархууштай. Харин цамцны хувьд эрээн өнгийн янз бүрийн загвартай цамц ноёрхох нь.

Эрчүүдийг хагас нүцгэн биеэрээ байлдан дагуулна
Сүүлийн үед загвар зохион бүтээгчид энэ улиралд зориулан сүлжмэл эдлэлээр хувцас урлаж эхэлсэн. Намирсан гулгамтгай буюу атласан материал тэдний анхаарлыг ихээр татах болжээ. Давхар хормой, хосолмол загвар хүч түрэн орж ирсэн учраас хуниастай атласан даашинз, торон хүрэм, цэрэг загварын калпитай өмд, нуруу нь онгорхой цамц энэ зуны гоёл болох юм байна.


Том мөртэй хүрэм
Эртний хатдын дээлийн мөр өндөрлөгтэй байсан шиг орчин үеийн хүрэм хуниастай, өндөр мөртэй болсон нь шинэ зууны загвар юм байна. Энэхүү загварыг бидний сайн мэдэх Дэвид Бэкхэмийн гэргий Виктория Бэкхэм тодорхойлсон. Бариу хэрнээ гүнзгий энгэртэй нимгэн гулсамтгай материалаар урласан хүрмээр хэдийд ч гоёж болох аж. Харин ханцуйны хувьд богино байвал илүү дэгжин харагдана.


Нэвт гэрэлтсэн хувцас энэ зуны гоёл
Өөртөө итгэлтэй өөрийгөө хөөрхөн гэж боддог хүүхнүүд анхаарлаа хандуулаарай. Сайхан биеэ бусдад гайхуулахаас татгалздаггүй бүсгүйчүүдэд зориулсан нэвт гэрэлтсэн даашинз энэ жил моодонд оржээ. Торгомсог материалаар хийсэн бол илүү дэгжин харагдана. Мөн энд тэндээ нүхэлж, биеийн зарим хэсгийг ил гаргасан загвартай даашинз тачаангуй байдлыг илтгэхээс гадна сэрүү татуулсан мэдрэмж төрүүлэх болно.