ШОРООН ҮХРИЙН ЗУРЛАГААР ЖИЛИЙН ӨНГИЙГ ШИНЖВЭЭС

Шороон үхрийн толгойн өнгө нь цагаан. Омруу нь хар. Эвэр, сүүл, чих, ходоод нь ногоон. Дөрвөн шийр нь цагаан. Амаа ангайгаад сүүлээ зүүн тийш нь шарван явна. Үхэр хариулаач нь идэр хүмүүн байна. Тэрээр цагаан царайтай, улаан дээлтэй, хар бүстэй, унгасан шилбүүр барьж явна. Үс нь баруун чихнийхээ ар, зүүн чихнийхээ урдуур хийссэн байдалтайгаар хоёр гутлаа өмсөөд, үхрийнхээ өмнө яаран гүйж явна.
Жилийн эхээр хур их, салхи ихтэй, навч цэцэг дэлгэрэн хийн өвчин гармуй. Дөрвөн улирлын эхээр бороо цастай. Аливаа үйлс бүхэн дэлгэрэхийн нигууртай тул сайн.
Залууст амгалан, нялхаст ширүүн, өвгөдөд маш ширүүн байх нигууртай байна.

ҮХРИЙГ ШИНЖВЭЛ:

Биеийн өнгө ногоон гэж зурагдсан нь жилийн дундуур салхи шуурга ихтэй.
Эеэр, чих, сүүл нь ногоон өнгөтэй зурагдаж салхи шуурга ихтэй.
Омруу нь хөх өнгөтэй зурагдаж гарсан нь жилийн эхээр хур бороо ихтэй.
Үхрийн толгой цагаан гэж зурагдсан нь жилийн цээж ба хавар дөрвөн улирлын эхээр бороо цастай.

Дөрвөн шийр нь цагаан өнгөтэй зурагдсан нь жилийн адгаар мөндөр бууна.
Үхэр нь амаа ангайж сүүлээ зүүн тийш шарваж яваа зурагдсан тул улс орон хямрал тэмцэл үгүй, ард олон амгалан жаргалтай хэмээн зурагдан гарлаа.

ҮХЭР ХАРИУЛААЧИЙГ ШИНЖИЛВЭЭС:

Үхэр хариулаач нь идэр залуу хүү гарсан тул дунд тушаалтанд болон залууст амгалан, нялхаст ширүүн, өвгөдөд машид ширүүн. Үүний далд утга нь хүүхэд гэдгээр ард олныг, хөгшид гэдгээр хаан болон дээд суудалтан, идэр залуус гэдгээр дунд тушаалтан буюу түшмэл ноёдыг хэлдэг. Үхэр хариулаач нь үхрийнхээ өмнө яаран гүйж явбаас мал сүрэгт сайн төдий боловч хямрал өвчин гарах нигууртай. Үхэр хариулаачийн шилбүүр нь унгасан шилбүүр гарсан тул үйл бүхэн дэлгэрнэ.

ТИЙН УРВАГЧ ХЭМЭЭХ ЦАГААН БАРС ЖИЛИЙН ҮР:

Тийн урвагч хэмээх цагаан барс жилд өвчин дэлгэрэн нэг нэгнээ өсөлмүй гэжээ.

ЖИЛ ОРОХОД УНШУУЛАХ НОЁН НУРУУНЫ НОМ:

13-ны жил орж байгаа хүн:  “Ламаадан”, “Нанжид”, “Ногоон дарь эх”,
25-ны жил орж байгаа хүн: “Доржнамжом”, “Цэнд”, “Дүншиг”
37-ны жил орж байгаа хүн: “Жадамба”, “Лусын сан”, “Цагаан шүхэрт”
49-ний жил орж байгаа хүн: “Сундуй”, “Гурван гүрэм”, “Дашдондүв”
61-ний жил орж байгаа хүн: “Цагаан дарь эх”, “Алтан гэрэл”, “Дугар”
73-ны жил орж байгаа хүн: “Цагаан дарь эх”, “Цэгмэдийн чого”, “Ширнэн”
85-ны жил орж байгаа хүн:  “Улаан юм”, “Манал”, “Молом намсүм”
97-н жил ороход: “Нива гүнсэл”, “Дүншиг”, “Алтанганжуур”

ОНЦГОЙЛОХ ЗАСАЛТАЙ ЖИЛТНҮҮД:

2010 оны Төмөр барс жилийн онцгойлох засалтай жилтнүүд нь:

Могой, Гахай хоёр дээд доод шишид харшийн засалтай тул шишидийн засалд Алтангэрэл судар айлдуулж, үгээгүй ядууст өглөг өг. Бичин жилтнүүд дүнсэр харшийн засалтай тул хичээн сэрэмжлэх хэрэгтэй. Нийт бичин жилтнүүд жилийн турш хэрүүл тэмцэлээс аль болох ангид байж өөрийн мэдэх маань мэгзэмийг аль олон урин унш. Хийд сүм, суварга гороолж, аливаа буянд даган баясваас машид сайн болой.

1974 оны хөх барс жилтнүүд 37-ны жил орж мэнгэ голлож байгаа тул засалд: Сундуй айлдуулж жилийн турш маань мэгзэм аль олон уншиж өглөг буянд шамдах хэрэгтэй. 1978 оны шороон морин жилтнүүд 33 насны гүймэгтэй тул амь насыг энхрийлэн аливаа ариун бусын идээ унд хэрэглэлгүй явдал мөрөө сайтар шинжилж, санаа муутантай нөхөрлөхгүй байж жилийн ноён нуруунд Жадамба айлдуулж, таван хошуу малаас аль нэгийг сэтэрлэж тавь, гэнэтийн гай барцад зайлуулах “Цагаан шүхэрт”, “Манал” бурханы аль нэгийг гэртээ залваас амь нас батжиж хишиг буян тэгшрэх сайн болой.

ЦАГААН БАР ЖИЛИЙН ШИНИЙН 1-НИЙ ӨГЛӨӨ ЗҮГ ЧИГЭЭ ГАРГАХ

/Ус, огторгуйд суусан хүмүүс хар нохойн ам таарсан тул гарах зүгийг сольсон/

НАЙМАН ХӨЛӨЛ

НАЙМАН ЦАГААН МЭНГЭ

“Тийн урвагч” хэмээх төмөр барс жилийн мэнгэ найман цагаан тул 2001,1992, 1983, 1974, 1965, 1956, 1947, 1938, 1929, 1920, 1911 онд төрсөн хүмүүсийн мэнгэ голлож байгаа тул мэнгэний заслын тарни унш. 1974,1938 онд төрсөн хүмүүс жил орж, мэнгэ голлож байгаа тул «Базарсад» айлдуулж бие, хэл, сэтгэлийн үйлийг хянамгайлж аливаа буяны үйлд шамд.

Мэнгэ голлолт хэмээх нь тухайн хүний билгийн тооллын хий насны 1, 10,19, 28, 37, 46, 55, 64, 73, 82, 91 насанд байдаг. Мэнгэ голлоно гэдэг тухайн хүн бүрийн амьдралд сайн муугийн нөлөөтэй байхаас гадна сэтгэл хямрах, аливаа бэрхшээл тохиолдох шалтгаан олон байдаг учраас мэнгэ голлосон хүн өөрийн мэнгэний бурханаа тэр жилдээ сайтар шүтэж, зүрхэн тарнийг уншиж, зул хүж сайн өргөж залбирч өөрийн бие, хэл, сэтгэлийн үйлийг хянамгайж явах аваас сөрөг зүйлд өртөхгүй.

НАЙМАН СУУДАЛ

Биеийн зүгт тус хэргийг үйлдвээс дайсны аюул гарна. Таван зэтгэрийн зүгт золигийг гарвал сайн. Тус хэрэгт үйлнээ муу. Шулмасын зүгт cop тэргүүтэнг орхих сайн, замд гарах муу. Эмийн зүгг нөхөр, эдийг эрэх, тус хэрэгт сайн. Хорлолын зүгт эдийг худалдан авах тэргүүтэн тус хэрэгт үйлнээ муу. Амин зүгт саданг эрэх, зөвлөгөөн үйлдэх, дэвсгэр засахуйд сайн. Цог хийморийн зүгт Хишиг дуудуулах, бурхныг тайх, явах, суух, үйлнээ сайн. Буян хишгийн зүгт тариа худалдан авах тэргүүтэн эд эрэхүй сайн.

БУУХ (ЭРХШЭЭСЭН) МЭНГЭНИЙ ҮР

Нэг цагаан мэнгэ буувал бие загатнах, адын өвчин гарч болзошгүй. Сэтгэл гутрангуй болохын гэм буй тул Бурханд түй өргүүлж тахь. Бузраас болгоомжил. Есөөс доош насны нялхасын хар мэнгэ тул ихэд анхаар. НОГООН ДАРЬ ЭХ уншуул.

Хоёр хар мэнгэ нь нийтийн, нэн ялангуяа