Бид жинсэн өмд авчхаад шуумгийг нь хөлдөө тааруулан өмсөхийг хүсдэг. Дараа нь угаасныхаа дараа хэр агшсан бол хэмээн санаа зовно. Учир нь нэгэнт агшсан өмдийг ахин сунгах боломжгүй юм. Ер нь хувцас яагаад агшдаг юм болоо? Будаг нь арилахаас өмнө хэдэн удаа угаах хэрэгтэй вэ? Халуун усанд илүү их агшдаг уу? Эсвэл хүйтэн усанд юм болов уу?

Ноосон эдлэл, хувцсыг норгоход ус чийг нь зөвхөн уртыг нь биш мөн эзэлхүүнийг ч өөрчилдөг. Ээрээгүй олс, жинсэн эдлэлийг сунахад тэсвэртэй болгохын тулд утаслагт нь олс, өөрөөр хэлбэл нэгэн төрлийн нэхээсийг хийсэн байдаг. Даавуу нороход доторх ноосон утаслаг нь тэлнэ. Ингэж тэлэх үедээ олсны хоорондох зайнд нөлөөлж багасахад хүргэнэ. Үнэндээ даавуу нороход утаслаг нь тэлсэн учраас бага зэрэг уртсах ёстой болов ч олсны хоорондох деформацийн татах хүч илүү их учраас даавуу хэмжээнээсээ илүү багасдаг.

Даавууг угаасны дараа хатахад тэлсэн утаслагууд хэвэндээ орно. Гэвч даавуу урьдынхаа хэлбэрт орохгүй. Ус, өндөр температур, үрэлт нухалт, саван бүгд нийлээд утаслагт нөлөөлөн агшихад хүргэдэг. Эдлэлийг хэдэн удаа угаасны дараа тогтсон хэмжээнд хүрэх бөгөөд цаашид хэчнээн угаасан ч ахин агшдаггүй. Эдлэл агших нь хэмжээ, бүрэлдэхүүн, хэрэглэсэн байдал, атираас, хэр их удсан зэргээс шалтгаална. Заримдаа эдлэлийг хувцас болгон оёхоос өмнө тусгай агших туршилтыг хийдэг. Ийм нөхцөлд хувцас зууны нэг хувь л агшдаг. Зээлээс авсан жинсэн өмдөө итгэлтэй өмсөхийн тулд шуумгийг нь хүйтэн усанд хэсэг байлган, угаалгын машинд хатааж, энэ үйлдлийг хэд хэдэн удаа давтах хэрэгтэй шүү.